ການຮ່ວມມືດ້ວຍຄວາມຫວັງວ່າຈະນຳມາເຊິ່ງຜົນປະໂຫຍດສູງສຸດໃຫ້ແກ່ລູກຄ້າ, ກໍ່ຄືປະກອບສ່ວນຊຸກຍູ້ການພັດທະນາເສດຖະກິດ ລະຫວ່າງ ຫວຽດນາມ ແລະ ສິງກະໂປ. Vietnam Airlines ແລະ SDC ຈະພ້ອມກັນສ້າງບັນດາຜະລິດຕະພັນດ້ານການທ່ອງທ່ຽວ, ໂປໂມຊັ່ນຕ່າງໆ ເພື່ອໂຄສະນາໃຫ້ ເຊັນໂຕຊ່າ ປຽບເໝືອນສະຖານທີ່ທ່ອງທ່ຽວແຖວໜ້າ ແລະ ດຶງດູດຜູ້ໂດຍສານຂອງ Vietnam Airlines ໄປເກາະ ເຊັນໂຕຊ່າ, ສິງກະໂປ. ພ້ອມດຽວກັນນັ້ນ, ສອງຝ່າຍຈະປະສານສົມທົບກັນໃນບັນດາລາຍການໂຄສະນາສະຖານທີ່ທ່ອງທ່ຽວ ເຊັນໂຕຊ່າ ແລະ ບັນດາຜະລິດຕະພັນ, ການບໍລິການຂອງ Vietnam Airlines.
 |
Vietnam Airlines ແລະ Sentosa Development Corporation (SDC) ລົງນາມໃນບົດບັນທຶກຊ່ວຍຈຳວ່າດ້ວຍການຮ່ວມມື |
ໃນໂອກາດນີ້, ສອງຝ່າຍຕົກລົງຮ່ວມມືສ້າງໂປໂມຊັ່ນໃຫ້ສະເພາະຜູ້ໂດຍສານຂອງ Vietnam Airlines ເມື່ອບິນໄປ ສິງກະໂປ.
Vietnam Airlines ປັດຈຸບັນພວມດຳເນີນຖ້ຽວບິນຕົງໄປຍັງ ສິງກະໂປ ຈາກ ນະຄອນໂຮ່ຈິມິນ ແລະ ຮ່າໂນ້ຍ, ດ້ວຍ 28 ຖ້ຽວຕໍ່ອາທິດ.
ທ່ານ ດັ້ງແອງຕວນ, ຮອງຜູ້ອຳນວຍການໃຫຍ່ບໍລິສັດການບິນຫວຽດນາມ ຖືວ່າ: ການຮ່ວມມືຈະຊຸກຍູ້ກຳລັງແຮງຂອງບໍລິສັດການບິນຫວຽດນາມ ແລະ ບໍລິສັດພັດທະນາ Sentosa. ຜ່ານນັ້ນ, ພວກຂ້າພະເຈົ້າບໍ່ພຽງແຕ່ນຳມາເຊິ່ງຜົນປະໂຫຍດອັນພົ້ນເດັ່ນໃຫ້ຜູ້ໂດຍສານທີ່ເດີນທາງລະຫວ່າງ ຫວຽດນາມ ແລະ ສິງກະໂປເທົ່ານັ້ນ, ຫາກຍັງຊຸກຍູ້ບົດບາດເປັນສາຍການບິນແຫ່ງຊາດ, ປະກອບສ່ວນຊຸກຍູ້ການພົວພັນແລກປ່ຽນເສດຖະກິດ, ການຄ້າ ແລະ ວັດທະນະທຳລະຫວ່າງ 2 ປະເທດ. ການລົງນາມໃນບົດບັນທຶກຊ່ວຍຈຳການຮ່ວມມືກໍ່ແມ່ນພື້ນຖານອັນໜັກແໜ້ນເພື່ອໃຫ້ສອງປະເທດກ້າວໄປສູ່ການຮ່ວມມືຢ່າງກວ້າງຂວາງກວ່າອີກໃນອະນາຄົດ”.
ຄຳຮຸ່ງ
