| ກວາງອານ (ຮ່າໂນ້ຍ) ນອນໃນ top 30 ຖະໜົນທີ່ສວຍງາມ, ໜ້າຈັບໃຈທີ່ສຸດໃນໂລກ 2024 | |
| ຮ່າໂນ້ຍ: ເຝິກອົບຮົມຄວາມຮູ້ກ່ຽວກັບພິທີການທາງການທູດ ໃຫ້ແກ່ພະນັກງານທີ່ເຮັດວຽກງານການຕ່າງປະເທດປະຊາຊົນ |
ໂດຍເຂົ້າຮ່ວມພິທີ, ກ່ຽວກັບຝ່າຍ ຫວຽດນາມ ມີທ່ານນາງ ເຈືອງທິມາຍ, ກໍາມະການກະຊວງການເມືອງ, ຜູ້ປະຈຳຄະນະເລຂາ, ຫົວໜ້າຄະນະຈັດຕັ້ງສູນກາງ; ທ່ານ ຫງວຽນຊວນແທ່ງ, ກຳມະການກະຊວງການເມືອງ, ຜູ້ອຳນວຍການສະຖາບັນການເມືອງແຫ່ງຊາດ ໂຮ່ຈີມິນ; ທ່ານ ເຈີ່ນລິວກວາງ, ກໍາມະການສູນກາງພັກ, ຮອງນາຍົກລັດຖະມົນຕີລັດຖະບານ; ທ່ານ ບຸ່ຍແທງເຊີນ, ກໍາມະການສູນກາງພັກ, ລັດຖະມົນຕີກະຊວງການຕ່າງປະເທດ, ທ່ານ ຫງວຽນດັກວິງ, ກຳມະການສູນກາງພັກ, ຫົວໜ້າກໍາມາທິການວັດທະນະທໍາ, ສຶກສາສະພາແຫ່ງຊາດ, ປະທານສະມາຄົມມິດຕະພາບ ຫວຽດນາມ - ລາວ...
ຜູ້ຕາງໜ້າບັນດາກະຊວງ, ຄະນະ, ຂະແໜງການສູນກາງ ແລະ ທ້ອງຖິ່ນ, ບັນດາພະນັກງານອາວຸໂສ, ທະຫານອາສາສະໝັກເກົ່າ ແລະ ຊ່ຽວຊານການທະຫານຫວຽດນາມ ທີ່ຊ່ວຍປະຕິວັດ ລາວ... ເຂົ້າຮ່ວມພິທີ.
ກ່ຽວກັບຝ່າຍ ລາວ ມີທ່ານເອກອັກຄະລັດຖະທູດຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາ ຫວຽດນາມ ນາງ ຄໍາເພົາ ເອີນທະວັນ; ພະນັກງານ, ລັດຖະກອນສະຖານທູດ ແລະ ບັນດານັກສຶກສາລາວ ທີ່ພວມຮ່ຳຮຽນຢູ່ ຫວຽດນາມ.
 |
| ທ່ານຜູ້ອຳນວຍການສະຖາບັນການເມືອງແຫ່ງຊາດ ໂຮ່ຈີມິນ ຫງວຽນຊວນແທ່ງ ກ່່າວຄຳປາໄສທີ່ພິທີ. (ພາບ: ດິ່ງຮວ່າ) |
ກ່າວຄຳປາໄສທີ່ພິທີ, ໂດຍຕາງໜ້າໃຫ້ການນຳພັກ, ລັດ ແລະ ປະຊາຊົນຫວຽດນາມ, ທ່ານຜູ້ອຳນວຍການສະຖາບັນການເມືອງແຫ່ງຊາດ ໂຮ່ຈີມິນ ຫງວຽນຊວນແທ່ງ ໄດ້ສົ່ງຄຳອວຍພອນປີໃໝ່ໃຫ້ມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດເຖິງການນຳພັກ, ລັດ ແລະ ປະຊາຊົນ ລາວ ອ້າຍນ້ອງ. ທ່ານ ກໍ່ໄດ້ແບ່ງປັນວ່າ ຄວາມພາກພູມໃຈຕໍ່ບັນດາຜົນງານເຊິ່ງພັກ, ລັດ ແລະປະຊາຊົນ ລາວ ບັນລຸໄດ້ໃນຊຸມປີມໍ່ໆມານີ້. ພ້ອມກັນນັ້ນ, ເຊື່ອໝັ້ນວ່າ ປະເທດ ລາວ ອ້າຍນ້ອງ ຈະສືບຕໍ່ປະສົບຜົນສຳເລັດບົນເສັ້ນທາງກໍ່ສ້າງປະເທດສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ.ພິເສດ, ລາວ ຈະປະສົບຜົນສໍາເລັດໃນບົດບາດເປັນປະທານ ອາຊຽນ 2024, ປະທານ AIPA 45, ປະກອບສ່ວນຍົກສູງບົດບາດ, ທີ່ຕັ້ງຂອງ ລາວ ໃນພາກພື້ນ ແລະ ສາກົນ; ປະກອບສ່ວນຢ່າງຕັ້ງໜ້າເຂົ້າໃນການກໍ່ສ້າງປະຊາຄົມ ອາຊຽນ ນັບມື້ນັບໃຫ້ເຂັ້ມແຂງ.
ຕາມທ່ານ ຫງວຽນຊວນແທ່ງ ແລ້ວ, ຫວຽດນາມ ແລະ ລາວ ແມ່ນສອງປະເທດບ້ານໃກ້ເຮືອນຄຽງອ້າຍນ້ອງທີ່ມີການພົວພັນແບບພິເສດ, ໜຶ່ງບໍ່ມີສອງໃນໂລກ. ສາຍພົວພັນດັ່ງກ່າວ ໄດ້ຮັບການສ້າງ, ເພີ່ມພູນຄູນ ແລະ ພັດທະນາດ້ວຍຄວາມຈິງໃຈ, ຄວາມຮັກແພງຊື່ສັດ, ການສະໜັບສະໜູນຢ່າງຈິງໃຈ, ໝົດຈິດໝົດໃຈ, ການໜຸ່ມຊ່ວຍອັນລ້ຳຄ່າ, ໃຈດີທີ່ກຽມພ້ອມເສຍສະລະໃຫ້ກັນລະຫວ່າງສອງພັກ, ລັດ ແລະ ປະຊາຊົນສອງປະເທດ.
ປີ 2023 ແມ່ນປີທີ່ສຳເລັດຜົນທີ່ສຸດໃນການຮ່ວມມື ຫວຽດນາມ - ລາວ. ສອງຝ່າຍ ໄດ້ສົມທົບກັນຢ່າງແໜ້ນແຟ້ນ, ຜັນຂະຫຍາຍບັນດາຂໍ້ຕົກລົງຂັ້ນສູງແລະ ບັນດາໂຄງການຮ່ວມມືຢ່າງມີປະສິດທິຜົນ ດ້ວຍຈິດໃຈໃໝ່, ຕັດສິນໃຈໃໝ່. ການພົວພັນດ້ານການເມືອງນັບມື້ນັບໄວ້ເນື້ອເຊື່ອໃຈ ແລະ ຕິດພັນ. ການນຳຂັ້ນສູງ ແລະ ບັນດາຂັ້ນສອງຝ່າຍ ກໍ່ໄດ້ພົບພະ, ແລກປ່ຽນເປັນປະຈຳກ່ວາອີກ. ການຮ່ວມມືດ້ານປ້ອງກັນປະເທດ, ຄວາມໝັ້ນຄົງນັບມື້ນັບຢ່າງເລິກເຊິ່ງ, ແທດຈິງ ແລະ ມີປະສິດທິຜົນ. ການຮ່ວມມືດ້ານເສດຖະກິດ ສືບຕໍ່ມີການປ່ຽນແປງຢ່າງຕັ້ງໜ້າ. ຄຸນນະພາບການຮ່ວມມືດ້ານການສຶກສາ, ວິທະຍາສາດເຕັກໂນໂລຢີ, ສາທາລະນະສຸກ, ວັດທະນະທໍາສັງຄົມ ... ໄດ້ຮັບການຍົກສູງ.
ທ່ານ ຫງວຽນຊວນແທ່ງ ເຊື່ອໝັ້ນວ່າ ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ຈະສືບຕໍ່ພັດທະນາໄປດ້ວຍບັນດາຜົນງານໃໝ່ຫຼາຍຢ່າງ. ພ້ອມກັນນັ້ນ, ຢືນຢັນວ່າ ພັກ, ລັດ ແລະ ປະຊາຊົນ ຫວຽດນາມ ຍາມໃດກໍ່ເປັນອັນໜຶ່ງອັນດຽວ, ຍາມໃດກໍ່ພ້ອມກັນກັບພັກ, ລັດ ແລະ ປະຊາຊົນ ລາວ ອ້າຍນ້ອງ ທີ່ຕັດສິນໃຈປົກປັກຮັກສາ ແລະ ພັດທະນາການພົວພັນອ້າຍນ້ອງ ທີ່ບໍ່ເຄີຍຈືດຈາງໄປ.
 |
| ທ່ານເອກອັກຄະລັດຖະທູດ ນາງ ຄໍາເພົາ ເອີນທະວັນ ກ່າວຄຳປາໄສທີ່ພິທີຕອນຮັບບຸນເຕັດບຸນປີໃໝ່ 2567. (ພາບ: ດິ່ງຮວ່າ) |
ທີ່ເຫດການ, ທ່ານເອກອັກຄະລັດຖະທູດ ນາງ ຄໍາເພົາ ເອີນທະວັນ ໄດ້ສະແດງຄວາຂອບອົກຂອບໃຈບັນດາການນຳຂັ້ນສູງຂອງພັກ ແລະ ລັດ ຫວຽດນາມ, ບັນດາກະຊວງ, ຄະນະ, ຂະແໜງການ. ສູນກາງ ແລະ ທ້ອງຖິ່ນທີ່ໄດ້ເຂົ້າຮ່ວມພິທີດັ່ງກ່າວ. ສິ່ງນີ້ ກໍ່ໄດ້ສະແດງໃຫ້ເຫັນຄວາມຮັກແພງອຸດົມການ, ອ້າຍນ້ອງທີ່ສະໜິດສະໜົມ ແລະ ການພົວພັນແບບພິເສດລະຫວ່າງສອງປະເທດ. ທ່ານນາງເອກອັກຄະລັດຖະທູດ ກໍ່ໄດ້ຊົມເຊີຍບັນດາຜົນງານອັນໃຫຍ່ຫຼວງທີ່ປະຊາຊົນ ຫວຽດນາມ ບັນລຸໄດ້ໃນໄລຍະຜ່ານມາ; ເຊື່ອໝັ້ນວ່າ ໂດຍການຊີ້ນຳນຳພາຂອງພັກກອມມູນິດ ຫວຽດນາມ ໂດຍທ່ານເລຂາທິການໃຫຍ່ ຫງວຽນຝູຈ້ອງ ນຳພາ, ຫວຽດນາມ ຈະບັນລຸໄດ້ບັນດາເປົ້າໝາຍວິໄສທັດທີ່ວາງອອກຮອດປີ 2045.
ທ່ານເອກອັກຄະລັດຖະທູດ ນາງ ຄໍາເພົາ ເອີນທະວັນ ໄດ້ຫວນຄືນບັນດາຜົນງານໃນບັນດາຂົງເຂດ ທີ່ ລາວ ຍາດໄດ້ໃນປີຜ່ານມາ. ທ່ານນາງ ໄດ້ສະແດງຄວາມຂອບອົກຂອບໃຈການສະໜັບສະໜູນ, ໜຸ່ມຊ່ວຍເຊິ່ງພັກ, ລັດ ແລະ ປະຊາຊົນ ຫວຽດນາມ ໄດ້ມອບໃຫ້ພັກ, ລັດ ແລະ ປະຊາຊົນ ລາວ ໃນຕະຫຼອດໄລຍະຕໍ່ສູ້ປົດປ່ອຍຊາດກ່ອນໜ້ານີ້ ກໍ່ຄືໃນຂະບວນການກໍ່ສ້າງ, ປົກປັກຮັກສາປະເທດໃນປະຈຸບັນ.
 |
| ບັນດາຜູ້ແທນເຂົ້າຮ່ວມພິທີຜູກແຂນໃນບຸນເຕັດບຸນປີໃໝ່ຂອງ ລາວ. (ພາບ: ດິ່ງຮວ່າ) |
ທ່ານນາງກ່າວແຈ້ງວ່າ: ໃນປີ 2023, ສະຖານະການພາກພື້ນ ແລະ ໂລກ ຈະສືບຕໍ່ຜັນແປສັບສົນ ແລະ ຜົນກະທົບຢ່າງເລິກເຊິ່ງຕໍ່ທົ່ວໂລກ. ເຖິງວ່າແນວນັ້ນກໍ່ຕາມ, ສອງພັກ, ສອງປະເທດ ກໍ່ສືບຕໍ່ຮັດແໜ້ນາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ, ຢືນຢັນສາຍພົວພັນທີ່ສັດຊື່ບໍລິສຸດຢ່າງແຂັ້ມແຂງ, ໜຶ່ງບໍ່ມີສອງໃນໂລກ.
“ປີໃໝ່ 2024 ຫຼື ປີ 2567 ຕາມພະພຸດທະເຈົ້າປະຕິທິນ ແມ່ນປີຂອງໂຕມັງກອນ, ຈະເປັນປີທີ່ມີກຳລັງແຮງ, ໂຊກດີສຳຫຼັບສອງປະເທດ ລາວ-ຫວຽດນາມ. ພວກເຮົາ ຈະສືບຕໍ່ຜັນຂະຫຍາຍບັນດາຂໍ້ຕົກລົງຢ່າງມີປະສິດທິຜົນບັນດາການນຳຂັ້ນສູງຂອງສອງພັກ, ສອງປະເທດ ແລະ ບັນດາເອກະສານສຳຄັນອື່ນໆ ທີ່ໄດ້ລົງນາມ, ນຳມາເຊິ່ງຜົນປະໂຫຍດຕົວຈິງໃຫ້ແກ່ປະຊາຊົນສອງປະເທດ”, ທ່ານເອກອັກຄະລັດຖະທູດ ນາງ ຄໍາເພົາ ເອີນທະວັນ ກ່າວ.
 |
| ບັນດາຜູ້ແທນ ແລະ ແຂກຖືກເຊີນໄດ້ຊົມການຟ້ອນລຳວົງ (ພາບ: ດິ່ງຮວ່າ) |
ທີ່ພິທີຕ້ອບຮັບບຸນເຕັດບຸນປີໃໝ່ 2567 ໄດ້ດຳເນີນບັນດາພິທີທີ່ມີຈຸດວັດທະນະທຳທີ່ເປັນມູນເຊື້ອຂອງປະຊາຊົນບັນດາເຜົ່າ ລາວ ເຊັ່ນ: ພິທີຜູກແຂນ, ຫົດນ້ຳ. ບັນດາຜູ້ແທນ ແລະ ແຂກຖືກເຊີນ ໄດ້ສົ່ງຄຳອວຍພອນອັນສະຫງົບສຸກ, ໂຊກດີໃຫ້ປີໃໝ່; ເຂົ້າຮ່ວມໃນວາດຟ້ອນລຳວົງມິດຕະພາບ; ພົບພະແລກປ່ຽນວັດທະທຳສິລະປະ, ພົບພະແລກປ່ຽນອາຫານການກິນ ຫວຽດນາມ ແລະ ລາວ.
ມິງດຶກ
