| ຫວຽດນາມ ຕ້ອງຊຸກຍູ້ການປັບປຸງສະພາບແວດລ້ອມແຫ່ງການລົງທຶນໃຫ້ດີຂຶ້ນຕື່ມອີກ, ຜັນຂະຫຍາຍການຮ່ວມມືໃນຂົງເຂດໃໝ່. | |
| ວົງເງິນການຄ້າລະຫວ່າງ ຫວຽດນາມ ແລະ ລາວ ເພີ່ມຂຶ້ນຢ່າງວ່ອງໄວ, ບັນລຸໄດ້ 174,4 ລ້ານ USD |
ຂໍ້ມູນຈາກທະນາຄານໂລກ (WB) ວັນທີ 21 ມີນາ ໃຫ້ຮູ້ວ່າ ພວກເຂົາໄດ້ຈ່າຍເງິນ 51,5 ລ້ານ USD (ເທົ່າກັບປະມານ 1.200 ຕື້ດົ່ງ) ສໍາລັບບັນດາໝາກຜົນການຫຼຸດຜ່ອນປ່ອຍອາຍພິດທີ່ໄດ້ກວດກາຢັ້ງຢືນ (Carbon credits - ສິນເຊື່ອກາກບອນ) ໂດຍຈໍາກັດການຕັດໄມ້ທຳລາຍປ່າ ແລະ ປ່າໄມ້ຖົດຖອຍ (ຫຼືເອີ້ນກັນວ່າ REDD+), ເພີ່ມທະວີການເກັບກັກກາກບອນ ໂດຍຜ່ານການປູກ ແລະ ປູກປ່າຄືນໃໝ່ໃຫ້ແກ່ ຫວຽດນາມ.
ບ້ວງຈ່າຍເງິນນີ້ໄດ້ໂອນໃຫ້ ຫວຽດນາມ, ໂດຍຫຼຸດຜ່ອນປ່ອຍອາຍພິດກາກບອນໄດ້ 10,3 ລ້ານໂຕນໃນໄລຍະນັບແຕ່ວັນທີ 1 ກຸມພາ 2018 ຫາ 31 ທັນວາ 2019.
ນີ້ແມ່ນບ້ວງຈ່າຍເງິນຄັ້ງດຽວທີ່ໃຫຍ່ທີ່ສຸດຈາກກອງທຶນ FCPF ສໍາລັບບັນດາໝາກຜົນການຫຼຸດຜ່ອນປ່ອຍອາຍພິດທີ່ໄດ້ຮັບການກວດກາຢັ້ງຢືນ ແລະ ຄຸນນະພາບສູງ. ເງິນດັ່ງກ່າວຈະນຳມາເຊິ່ງຜົນປະໂຫຍດໃຫ້ແກ່ເຈົ້າຂອງປ່າໄມ້ 70,555 ຄົນ ແລະ ຊຸມຊົນ 1,356 ແຫ່ງທີ່ອາໄສຢູ່ໃກ້ກັບເຂດປ່າໄມ້, ເຊິ່ງໄດ້ແບ່ງອອກຕາມແຜນການແບ່ງປັນຜົນປະໂຫຍດອັນກ້ວາງຂວາງທີ່ສ້າງຂຶ້ນຜ່ານຂະບວນການປຶກສາຫາລືທີ່ຈະແຈ້ງດ້ວຍຫຼາຍຝ່າຍທີ່ເຂົ້າຮ່ວມ.
 |
| ຫວຽດນາມ ໄດ້ຮັບເງິນ 51,5 ລ້ານ USD ຈາກທະນາຄານໂລກ (WB) ດ້ວຍການຫຼຸດຜ່ອນປ່ອຍອາຍພິດກາກບອນ. ອົງການນີ້ ກໍໍໄດ້ປະກາດຢາກຊື້ກາກບອນຂອງ ຫວຽດນາມ ຕື່ມອີກ 1 ລ້ານໂຕນ (ຮູບປະກອບ). |
ທ່ານລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ ເລມິງຮວານ ໃຫ້ຮູ້ວ່າ ຫວຽດນາມ ບັນລຸໄດ້ບັນດາໝາກຜົນການຫຼຸດຜ່ອນປ່ອຍອາຍພິດທີ່ເກີນປະລິມານຕາມສັນຍາກັບກອງທຶນ FCPF ແລະ ສາມາດຂາຍປະລິມານຫຼຸດຜ່ອນປ່ອຍອາຍພິດທີ່ເກີນກວ່ານີ້ໃຫ້ບັນດາຝ່າຍທີ 3 ຜ່ານບັນດາສັນຍາສອງຝ່າຍ ຫຼື ທ້ອງຕະຫຼາດກາກບອນ. ນອກຈາກນັ້ນ, ບ້ວງຈ່າຍເງິນທີ່ມີລັກສະນະບາດລ້ຽວນີ້ແມ່ນຂີດໝາຍອີກບາດກ້າວໜຶ່ງເພື່ອໃຫ້ ຫວຽດນາມ ເຂົ້າຮ່ວມທ້ອງຕະຫຼາດສິນເຊື່ອກາກບອນທົ່ວໂລກ, ເປີດໂອກາດໃໝ່ເພື່ອອຸປະຖຳໃຫ້ແກ່ບັນດາຄຳໝັ້ນໝາຍ ແລະ ເປົ້າໝາຍອງດິນຟ້າອາກາດທີ່ເຕັມໄປດ້ວຍຄວາມຫວັງຂອງປະເທດຊາດ.
ໂຄງການຫຼຸດຜ່ອນປ່ອຍອາຍພິດຂອງ ຫວຽດນາມ ໄດ້ປົກປັກຮັກສາປ່າໄມ້ເຂດຮ້ອນຂອງປະເທດ, ກວມເອົາ 3,1 ລ້ານໃນເນື້ອທີ່ດິນ 5,1 ລ້ານເຮັກຕາ ໃນເຂດປະຕິບັດໂຄງການ. ປ່າໄມ້ເຫຼົ່ານີ້ມີຄວາມສໍາຄັນທາງດ້ານນິເວດວິທະຍາ, ລວມມີ ຫ້າແລວທາງການອະນຸລັກທີ່ໄດ້ຮັບການຮັບຮອງຈາກສາກົນ. ເຂດນີ້ຍັງແມ່ນສະຖານທີ່ດຳລົງຊີວິດຂອງ 12% ປະຊາຊົນ ຫວຽດນາມ, ລວມມີກຸ່ມຊົນເຜົ່າສ່ວນໜ້ອຍ 13 ກຸ່ມ ແລະ ຊຸມຊົນດຳລົງຊີວິດທີ່ຂຶ້ນກັບປ່າໄມ້ຫຼາຍແຫ່ງ.
ທ່ານຜູ້ອຳນວຍການແຫ່ງຊາດ WB ປະຈຳ ຫວຽດນາມ ໃຫ້ຮູ້ວ່າ ບ້ວງຈ່າຍເງິນມີລັກສະນະບາດລ້ຽວນີ້ແມ່ນຂີດໝາຍອີກບາດກ້າວໜຶ່ງເພື່ອໃຫ້ ຫວຽດນາມ ເຂົ້າຮ່ວມທ້ອງຕະຫຼາດສິນເຊື່ອກາກບອນທົ່ວໂລກ, ເປີດໂອກາດໃໝ່ເພື່ອອຸປະຖຳໃຫ້ແກ່ບັນດາຄຳໝັ້ນໝາຍ ແລະ ເປົ້າໝາຍອງດິນຟ້າອາກາດທີ່ເຕັມໄປດ້ວຍຄວາມຫວັງຂອງປະເທດຊາດ.
ໂຄງການນີ້ ໄດ້ສ້າງ 16,2 ລ້ານໝາກຜົນການຫຼຸດຜ່ອນປ່ອຍອາຍພິດທີ່ໄດ້ກວດກາຢັ້ງຢືນໃຫ້ໄລຍະ 2018-2019; ສູງກວ່າ 5,9 ລ້ານເມື່ອທຽບກັບປະລິມານ 10,3 ລ້ານໃນຂໍ້ຕົກລົງການຈ່າຍເງິນຫຼຸດຜ່ອນການປ່ອຍອາຍພິດ. WB ກໍໄດ້ແຈ້ງໃຫ້ ຫວຽດນາມ ກ່ຽວກັບການປະຕິບັດສິດໃນການຊື້ຕື່ມອີກ 1 ລ້ານໝາກຜົນການຫຼຸດຜ່ອນການປ່ອຍອາຍພິດນອກຈາກຈຳນວນໃນສັນຍາ.
ມິງດຶກ
