 |
ທ່າກໍາປັ່ນເຈີນໄມ
ຕາມແຜນການ, ໃນ ປີ 2019 ທ່າກໍາປັ່ນເຈີນໄມ (ແຂວງ ເທື່ອທຽນ - ເຫ້ວ) ຈະໄດ້ຕ້ອນຮັບເຮືອທ່ອງທ່ຽວ 40 ລຳ.ນັບຕັ້ງແຕ່ມື້ເປີດການດໍາເນີນເຄື່ອນໄຫວຈົນຮອດປັດຈຸບັນນີ້, ທ່າກໍາປັ່ນເຈີນໄມສາມາດຕອບສະໜອງໄດ້ທາງດ້ານປະລິມານສິນຄ້າສົ່ງຜ່ານ ແລະ ດຶງດູດແຂກທ່ອງທ່ຽວທາງກຳປັ່ນທະເລ ກໍ່ຄືມູນຄ່ານຳເຂົ້າ ແລະ ສົ່ງອອກ. ທ່າກໍາປັ່ນເຈີນໄມໄດ້ກາຍເປັນໜຶ່ງໃນ 46 ທ່າກຳປັ່ນທີ່ໄດ້ສະມາຄົມເຮືອທ່ອງທ່ຽວອາຊີເລືອກເພື່ອສ້າງເປັນສະຖານທີ່ຢຸດຈອດໃຫ້ແກ່ບັນດາເຮືອທ່ອງທ່ຽວໃນພາກພື້ນອາຊີຕາເວັນອອກສ່ຽງໃຕ້.
ທ່າກໍາປັ່ນເຈີນໄມຍັງເປັນຊ່ອງທາງອອກສູ່ທະເລຈີນໃຕ້ທີ່ໃກ້ທີ່ສຸດ, ສະດວກທີ່ສຸດສຳລັບບັນດາເຂດທີ່ຢູ່ຕາມແລວເສດຖະກິດທິດຕາເວັນອອກ - ຕາເວັນຕົກ (ແມ່ນຈຸດເຊື່ອມຕໍ່ລະຫວ່າງພາກາງຂອງ ສສ ຫວຽດນາມ ກັບ ພາກກາງຕອນລຸ່ມ ຂອງ ສປປ ລາວ, ຕາເວັນອອກສ່ຽງເໜືອຂອງໄທ, ມຽນມາ). ນີ້ແມ່ນທ່າກຳປັ່ນໃຈກາງທີ່ນອນຢູ່ໃນເສັ້ນທາງທະເລເຊື່ອມຕໍ່ ລະຫວ່າງ ສິງກະໂປ, ຟິລິບປິນ ແລະ ຮົງກົງ (ຈີນ). ນອກຈາກນັ້ນ, ທ່າກໍາປັ່ນເຈີນໄມກໍ່ນອນຢູ່ໃນຈຸດໃຈກາງລະຫວ່າງສອງນະຄອນໃຫຍ່ທີ່ສຸດຂອງພາກກາງ ກໍ່ແມ່ນ ນະຄອນເຫວ້ ແລະ ນະຄອນດ່າໜັງ, ໃກ້ກັບບັນດາມໍລະດົກວັດທະນະທຳໂລກ ເປັນຕົ້ນຄື ໂຮ້ຍອານ, ໝີເຊີນ, ເຫວ້.
（ໄຊພອນ）
