| “ນາງແບບ” ພິເສດໃນຊຸດເສື້ອຍາວຫວຽດນາມ | |
| ສິດເສລີພາບໃນການສະແດງຄຳຄິດເຫັນ ແລະ ສິ່ງທ້າທາຍຈາກຂ່າວປອມ |
 |
| ນັກອອກແບບ ໂດ້ຈິ້ງຮວ່າຍນາມ ພ້ອມກັບກ່ວາ 50 ນັກອອກແບບຊຸດເສື້ອຍາວໃນທົ່ວປະເທດ ໄດ້ນຳເອົາບັນດາຊຸດສະສົມຊຸຸດເສື້ອຍາວທີ່ເປັນເອກະລັກພິເສດ, ເຊີດຊູປີກຊຸດເສື້ອຍາວ ແລະ ແມ່ຍິງ ຫວຽດນາມ |
ຫວ່າງມໍ່ໆມານີ້, ລາຍການສິລະປະ ຄວາມງາມຊຸດເສື້ອຍາວ ຫວຽດນາມ ໄດ້ດຳເນີນຢູ່ໂຮງລະຄອນ ໂຮ່ເກື່ອມ, ຮ່າໂນ້ຍ. ເຫດການ ເພື່ອສະແດງຄວາມຊົມເຊີຍສະເຫຼີມສະຫຼອງ 114 ປີແຫ່ງວັນແມ່ຍິງສາກົນ (8/3/1910 – 8/3/2024) ແລະ ນອນໃນຂອບເຂດຂອງສັບປະດາຊຸດເສື້ອຍາວປີ 2024.
ລາຍການ ຄວາມງາມຊຸດເສື້ອຍາວ ຫວຽດນາມ ໄດ້ຈັດຕັ້ງກັບຄວາມຫວັງເຊີດຊູຊຸດເສື້ອຍາວໃນການດຳລົງຊີວິດ, ວັດທະນະທຳ, ສັງຄົມ, ພ້ອມກັນລະດົມຄວາມຮັກແພງ, ຄວາມພາກພູມໃຈ, ຄວາມຮັບຜິດຊອບໃນການປົກປັກຮັກສາ, ຜັນຂະຫຍາຍຄຸນຄ່າມໍລະດົກຊຸດເສື້ອຍາວ ແລະ ໂຄສະນາປະເທດຊາດ, ມະນຸດ ຫວຽດນາມ ໃຫ້ໃກ້ຊິດກັບເພື່ອນມິດສາກົນຫຼວງຫຼາຍກວ່າອີກ.
 |
| ການເປີດສາກທີ່ເປັນເອກະລັກພິເສດຢູ່ລາຍການ “ຄວາມງາມຊຸດເສື້ອຍາວ ຫວຽດນາມ" |
ທີ່ເຫດການ, ນັກອອກແບບ ໂດ້ຈິ້ງຮວ່າຍນາມ ພ້ອມກັບກ່ວາ 50 ນັກອອກແບບຊຸດເສື້ອຍາວໃນທົ່ວປະເທດ ໄດ້ນຳເອົາບັນດາຊຸດສະສົມຊຸດເສື້ອຍາວທີ່ເປັນເອກະລັກພິເສດ, ເຊີດຊູປີກຊຸດເສື້ອເສື້ອຍາວ ແລະ ແມ່ຍິງ ຫວຽດນາມ. ຄຽງຄູ່ບັນດາການອອກແບບ, ລາຍການ ກໍຍັງປະທັບໃຈຍ້ອນການປະສົມປະສານຂອງດົນຕີ, ຟ້ອນລຳ ແລະ ເຕັກໂນໂລຢີແສງສີສຽງ, ໜ້າຈໍ 3D ທີ່ນໍາມາສູ່ສາຍຕາທ່ານຜູ້ຊົມ.
ບັນດາຊຸດສະສົມຊຸດເສື້ອຍາວ ໄດ້ສະແດງຕາມ 3 ຫົວຂໍ້: ຄວາມພາກພູມໃຈຊຸດເສື້ອຍາວ ຫວຽດນາມ, ຈິດໃຈຊຸດເສື້ອຍາວ ຫວຽດນາມ ແລະ ສິ່ງຍອດຢ້ຽມຂອງຊຸດເສື້ອຍາວ ຫວຽດນາມ. ຊຸດທີ່ສ້າງສັນແມ່ນໄດ້ແຮງບັນດານໃຈມາຈາກແຫຼ່ງມໍລະດົກທີ່ມີຊື່ສຽງ ແລະ ທິວທັດທຳມະຊາດທີ່ສວຍສົດງົດງາມຂອງຫວຽດນາມ...
 |
|
|
ພິເສດ, ໃນລາຍການຍັງມີການເຂົ້າຮ່ວມຂອງບັນດາພັນລະຍາຂອງເອກອັກຄະລັດຖະທູດ ອາເມລິກາ, ມາຣົກ, ສາທາລະນະລັດເຊັກໂກ ແລະ ອິນໂດເນເຊຍ ຢູ່ບົນເວທີ. ບັນດາທ່ານນາງ ໄດ້ສວມຊຸດເສື້ອຍາວທີ່ໄດ້ອອກແບບ - ບັນດາຜະລິດຕະພັນທີ່ປະສົມປະສານລະຫວ່າງວັດທະນະທຳ ຫວຽດນາມ ແລະ ບັນດາປະເທດທີ່ເຂົ້າຮ່ວມ.
ໂດຍເລີ່ມໃນປີ 2019, ສັບປະດາຊຸດເສື້ອຍາວ ໄດ້ຈັດຕັ້ງປະຈຳປີກັບຫຼາຍການເຄື່ອນໄຫວ ເພື່ອເຊີດຊູຊຸດເສື້ອຍາວ ຫວຽດນາມ. ປີນີ້, ສັບປະດາ ໄດ້ດຳເນີນ ແຕ່ວັນ 1 ມີນາ ຫາ ວັນ 8 ມີນາ ໃນທົ່ວປະເທດ.
 |
| ນາງ ຮ່າທິງາ - ກໍາມະການສູນກາງພັກ, ປະທານສະຫະພັນແມ່ຍິງ ຫວຽດນາມ - ໄດ້ມອບຫຼຽນກາທີ່ລະນຶກໃຫ້ນັກອອກແບບ ໂດ້ຈິ້ງຮວ່າຍນາມ |
 |
|
|
ມິງດຶກ
