ຫວຽດ​ນາມຖື​ເປັນ​ສຳ​ຄັນ​ການ​ພົວ​ພັນ​ຄູ່​ຮ່ວມ​ມື​ຮອບ​ດ້ານກັບອາ​ເມ​ລິ​ກາ

ທ່ານຮອງນາຍົກລັດຖະມົນຕີ ຫວຽດນາມ ເວືອງດິງເຫ້ວ.(ພາບ: baochinhphu.vn)

ທີ່ການການໂອ້ລົມທາງໂທລະສັບ, ທ່ານຮອງນາຍົກລັດຖະມົນຕີ ເວືອງດິງເຫ້ວ ໄດ້ຢັ້ງຢືນວ່າຫວຽດນາມຖືເປັນສຳຄັນການພົວພັນຄູ່ຮ່ວມມືຮອບດ້ານ ລະຫວ່າງ ຫວຽດນາມ - ອາເມລິກາ; ສະແດງ ຄວາມພາກພູມໃຈຕໍ່ການພັດທະນາຢ່າງຕັ້ງໜ້າໃນການພົວພັນສອງຝ່າຍໃນໄລຍະທີ່ຜ່ານມາ, ພິເສດແມ່ນການຮ່ວມມືເສດຖະກິດ, ການຄ້າ, ດ້ວຍວົງເງິນການຄ້າສອງສົ້ນ ປີ 2018 ບັນລຸໄດ້ກ່ວາ 60 ຕື້ ໂດລາສະຫະລັດ. ທ່ານຮອງນາຍົກລັດຖະມົນຕີ ເວືອງດິງເຫ້ວ ຢັ້ງຢືນວ່າ ລັດຖະບານ ຫວຽດນາມມີແຜນນະໂຍບາຍຈະສືບຕໍ່ປັບປຸງສະພາບແວດລ້ອມແຫ່ງການລົງທຶນ, ສ້າງເງື່ອນໄຂສະດວກໃຫ້ແກ່ບັນດາວິສາຫະກິດ ອາເມລິກາ ທີ່ ລົງທຶນ, ດຳເນີນທຸລະກິດ ຢູ່ ຫວຽດນາມ.

ທີ່ການການໂອ້ລົມທາງໂທລະສັບ ທ່ານ Stven Mnuchin ລັດຖະມົນຕີການເງິນ ອາເມລິກາ ກໍ່ໄດ້ຕີລາຄາສູງບັນດາບາດກ້າວໃນການພົວພັນ ເສດຖະກິດ, ການຄ້າ ແລະ ການລົງທຶນໃນໄລຍະທີ່ຜ່ານມາ. ທ່ານ Stven Mnuchin ລັດຖະມົນຕີການເງິນ ອາເມລິກາ ຫວັງວ່າສອງຝ່າຍຈະສືບຕໍ່ຊຸກຍູ້ການຮ່ວມມືດ້ານເສດຖະກິດ, ການຄ້າ ແລະ ການລົງທຶນ.

（ໄຊພອນ）