 |
ແຂກທ່ອງທ່ຽວປະມານ 400.000 ເທື່ອຄົນເຂົ້າຮ່ວມງານ Festival ອາຊີບພື້ນເມືອງເຫວ້. ພາບ: daidoanket.vn.
ຕາມແຫຼ່ງຂ່າວຈາກພະແນກທ່ອງທ່ຽວແຂວງເທື່ອທຽນ-ເຫວ້ ລາຍງານວ່າ, ຄາດວ່າມີແຂກທ່ອງທ່ຽວປະມານ 400.000 ເທື່ອຄົນມາທ່ຽວເຫວ້ໃນໂອກາດງານ Festival ອາຊີບພື້ນເມືອງເຫວ້ 2019.
ສະເພາະກຸ່ມປູສະນີຍະສະຖານເມືອງຫຼວງເກົ່າເຫວ້, ພຽງແຕ່ໃນໄລຍະ 4 ວັນ (ແຕ່ວັນທີ 26-29 ເມສາ) ໄດ້ຕ້ອນຮັບແຂກທ່ອງທ່ຽວຫຼາຍກວ່າ 66.000 ເທື່ອຄົນ, ໃນນັ້ນແຂກທ່ອງທ່ຽວສາກົນມາຢ້ຽມຊົມມີຫຼາຍກວ່າ 31.000 ເທື່ອຄົນ.
ດ້ວຍການເຂົ້າຮ່ວມຂອງໝູ່ບ້ານອາຊີບ 60 ບ້ານພ້ອມກັບການເຂົ້າຮ່ວມຂອງນັກສິລະປະການປະຊາຊົນ, ນັກສິລະປະການດີເດັ່ນກວ່າ 350 ຄົນ, ງານ Festival ອາຊີບພື້ນເມືອງເຫວ້ 2019 ໄດ້ກາຍເປັນບ່ອນເຕົ້າໂຮມ “ສິ່ງຍອດຍິ່ງຂອງອາຊີບຫວຽດນາມ”.
ເພື່ອເຊີດຊູຜະລິດຕະພັນຂອງນັກສິລະປະການບັນດາໝູ່ບ້ານອາຊີບ, ໃນໂອກາດນີ້, ຄະນະການຈັດຕັ້ງງານ Festival ອາຊີບພື້ນເມືອງເຫວ້ 2019 ໄດ້ຮັບຮອງເອົາ 15 ຜະລິດຕະພັນທີ່ຍາດໄດ້ລາງວັນຜະລິດຕະພັນດີເດັ່ນ.
（ໄຊພອນ）
