| ຄວາມຈັບອົກຈັບໃຈຈາກງານບຸນຊ້າງ 2024 ຢູ່ລາວ | |
| ງານບຸນຄຣິດສະມາດຢູ່ຫວຽດນາມ ໄດ້ດຶງດູດນັກທ່ອງທ່ຽວ ຝະລັ່ງ |
ຕອນຄ່ຳວັນທີ 16 ກຸມພາ (ກົງກັບວັນທີ 06 ເດືອນຈຽງ ໄລ່ຕາມຈັນທະປະຕິທິນ), ພິທີສະເຫຼີມສະຫຼອງ 1984 ປີແຫ່ງວັນລຸກຮື້ຂຶ້ນ ຮາຍບ່າຈຶງ ແລະ ພິທີໄຂງານບຸນວິຫານ ຮາຍບ່າຈຶງ ລະດູບານໃໝ່ປີມະໂລງ 2024 ໄດ້ຈັດຂຶ້ນຢູ່ເຂດປູຊະນີຍະສະຖານປະຫວັດສາດພິເສດວິຫານ ຮາຍບ່າຈຶງ (ເມືອງ ເມລິງ, ຮ່າໂນ້ຍ). ທ່ານນາງຮອງປະທານປະເທດ ຫວຽດນາມ ຫວໍທິແອັງຊວັນ ໄດ້ເຂົ້າຮ່ວມລາຍການ.
 |
ງານບຸນວາດພາບດ້ວຍເຕັກໂນໂລຊີ 3D Mapping ປະຫວັດສາດສະຫງ່າອົງອາດ ຮາຍບ່າຈຶງ |
ທີ່ພິທີ, ໄດ້ຈັດລາຍການສິລະປະສະແດງດົນຕີ, ແສງສີຕາມເຕັກໂນໂລຊີທັນສະໄໝ. ນີ້ແມ່ນລາຍການສະແດງສິລະປະ, ສົມທົບກັບເຕັກໂນໂລຊີ 3D Mapping LED matrix, ເລົ່າຄືນປະຫວັດສາດຕາມວິທີທີ່ທັນສະໄໝ, ໃໝ່ອ່ຽມ, ດຶງດູດໃຈ.
ໂຄງການແມ່ນງານບຸນຂອງສຽງແລະແສງສະຫວ່າງ. ເລື່ອງປະຫວັດສາດໄດ້ຮັບສາຍລົມໃໝ່, ວິທີການໃໝ່ໃນຈັງຫວະຂອງຊີວິດປະຈຸບັນ. ເມືອງ ເມລິງ ຫວັງວ່າລາຍການສິລະປະນີ້ຈະກາຍເປັນຜະລິດຕະພັນວັດທະນະທຳ, ທ່ອງທ່ຽວທີ່ເປັນເອກະລັກສະເພາະ, ສ້າງຈຸດເດັ່ນດ້ານການທ່ອງທ່ຽວຂອງທ້ອງຖິ່ນໃນໂອກາດຕົ້ນລະດູບານໃໝ່.
ສົມທົບກັບເຕັກໂນໂລຊີທີ່ທັນສະໄໝ ເພື່ອເຜີຍແຜ່ຄຸນຄ່າປະຫວັດສາດຂອງງານບຸນວິຫານຮຸ່ງ ຮ່າໂນ້ຍ ເພື່ອແນໃສ່ພັດທະນາຂະແໜງວັດທະນະທຳຕາມມະຕິເລກທີ 09 ຂອງພັກ ຮ່າໂນ້ຍ.
ກ່ອນໜ້ານັ້ນ, ຕອນເຊົ້າວັນທີ 15 ກຸມພາ, ໄດ້ຈັດພິທີແຮ່ວໍຈາກສາລາບ້ານ ຮະໂລຍ ໄປວິຫານ ຮາຍບ່າຈຶງ, ຈັດພິທີຖະຫວາຍບູຊາຕາມຮູບແບບທີ່ເປັນມູນເຊື້ອຂອງທ້ອງຖິ່ນຢູ່ງານບຸນວິຫານ ຮາຍບ່າຈຶງ. ງານບຸນໄດ້ຈັດຂຶ້ນຮອດວັນທີ 17 ກຸມພາ (ກົງກັບວັນທີ 8 ເດືອນຈຽງ ປີມະໂລງ).
ຄຳຮຸ່ງ
