| ການນໍານະຄອນໂຮ່ຈີມິນ ຕ້ອນຮັບກໍາມະການກົມການເມືອງ, ຜູ້ປະຈໍາການຄະນະເລຂາທິການສູນກາງພັກກອມມູນິດ ກູບາ | |
| ການນໍາພັກ, ລັດຫວຽດນາມ ສົ່ງໂທລະເລກອວຍພອນ ວັນຊາດແຫ່ງລາຊະອານາຈັກ ກໍາປູເຈຍ ຄົບຮອບ 69 ປີ |
ຕອນເຊົ້າວັນທີ 30 ມັງກອນ, ຄະນະຜູ້ແທນເມືອງກະລຶມ (ແຂວງເຊກອງ, ລາວ) ນຳໂດຍສະຫາຍ ອໍບົວລາ ອ່ອນມະໄລວົງ ເລຂາຄະນະພັກເມືອງ, ເຈົ້າເມືອງກະລຶມ ໄດ້ໄປຢ້ຽມຢາມ ແລະອວຍພອນບຸນເຕັດຢູ່ເມືອງ ໄຕຢາງ.
 |
| ຄະນະຜູ້ແທນເມືອງກະລຶມ (ແຂວງເຊກອງ, ລາວ) ຢ້ຽມຢາມ ແລະອວຍພອນປີໃໝ່ຢູ່ເມືອງ ໄຕຢາງ. ພາບ: ຮ່ຽນທຸ້ຍ |
ໃນທ່າມກາງບັນຍາກາດທີ່ເຕັມໄປດ້ວຍນໍ້າໃຈໄມຕີຈິດມິດຕະພາບ, ສະຫາຍ ອໍບົວລາ ອ່ອນມະໄລວົງ ເລຂາພັກເມືອງ, ເຈົ້າເມືອງກະລຶມ ໄດ້ສະແດງຄວາມຂອບໃຈຕໍ່ການຕ້ອນຮັບຢ່າງສົມກຽດ ແລະອົບອຸ່ນຂອງການນຳເມືອງ ໄຕຢາງ; ພ້ອມທັງສົ່ງຄຳອວຍພອນປີໃໝ່ມາຍັງພະນັກງານ ແລະປະຊາຊົນໃນທົ່ວເມືອງ.
ສະຫາຍ ອໍບົວລາ ອ່ອນມະໄລວົງ ຫວັງວ່າ ສາຍພົວພັນລະຫວ່າງເມືອງ ໄຕຢາງ-ກະລຶມ ຈະນັບມື້ນັບແໜ້ນແຟ້ນ, ສືບຕໍ່ໃຫ້ການຊ່ວຍເຫຼືອທັງດ້ານວັດຖຸ ແລະຈິດໃຈ; ສົມທົບກັນແລກປ່ຽນຂໍ້ມູນຂ່າວສານ, ແກ້ໄຂບັນດາບັນຫາສັງຄົມ ແລະຄວາມສະຫງົບດ້ານການເມືອງ, ຄວາມເປັນລະບຽບຮຽບຮ້ອຍ ແລະຄວາມປອດໄພທາງສັງຄົມຢູ່ເຂດຊາຍແດນຂອງ 2 ຝ່າຍ... ເພື່ອສ້າງເງື່ອນໄຂໃຫ້ແກ່ການພັດທະນາຢ່າງໝັ້ນຄົງ ແລະຍືນຍົງ.
 |
| ການນຳເມືອງໄຕຢາງ - ກະລຶມ ຖ່າຍຮູບເປັນທີ່ລະນຶກ. ພາບ: ຮ່ຽນທຸ້ຍ |
ສະຫາຍ ເບີລີງ ເມຍ ເລຂາພັກເມືອງໄຕຢາງ ໄດ້ຂອບໃຈຄະນະຜູ້ແທນເມືອງກະລຶມ ທີ່ໄດ້ມາຢ້ຽມຢາມ ແລະອວຍພອນ ເນື່ອງໃນໂອກາດບຸນປີໃໝ່ປະຈໍາຊາດວຽນມາ; ພ້ອມທັງໄດ້ຢືນຢັນວ່າ ການໄປຢ້ຽມຢາມ ໄດ້ປະກອບສ່ວນສືບຕໍ່ຊຸກຍູ້ ແລະພັດທະນາສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງພັກ ແລະສອງ ລັດ ຫວຽດນາມ - ລາວ ເວົ້າລວມ ແລະເມືອງ ໄຕຢາງ -ເມືອງກະລຶມ ເວົ້າສະເພາະ.
ບູນມີ
