ຫວຽດນາມ - ຈຸດທີ່ດຶງດູດຂອງພາກພື້ນ ອາຊີ ໃນລະດູການທ່ອງທ່ຽວ 2024
	ຈູດບັ້ງໄຟດອກ ສະຫຼອງປີໃໝ່ 2024 ທີ່ນະຄອນຫຼວງວຽງຈັນ, ລາວ

ຕອນບ່າຍວັນທີ 28 ມັງກອນ, ເນື່ອງໃນໂອກາດເດີນທາງໄປເຂົ້າຮ່ວມກອງປະຊຸມວົງແຄບລັດຖະມົນຕີການຕ່າງປະເທດອາຊຽນ ຢູ່ແຂວງຫຼວງພະບາງ, ທ່ານ ບຸ່ຍແທັງເຊີນ ລັດຖະມົນຕີການຕ່າງປະເທດຫວຽດນາມ ໄດ້ມີການພົບປະກັບທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດລາວ.

ທ່ານ ບຸ່ຍແທັງເຊີນ ລັດຖະມົນຕີການຕ່າງປະເທດຫວຽດນາມ ແລະທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດລາວ. ພາບ: baoquocte.vn

ທີ່ການພົບປະກັບທ່ານ ສະເຫຼີມໄຊ ກົມມະສິດ ລັດຖະມົນຕີສອງທ່ານ ໄດ້ສະແດງຄວາມປິຕິຊົມຊື່ນຕໍ່ຜົນງານທີ່ບັນລຸໄດ້ໃນການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ລາວ; ຕີລາຄາສູງຕໍ່ການຮ່ວມມືທີ່ໄວ້ເນື້ອເຊື່ອໃຈ, ມີປະສິດທິຜົນລະຫວ່າງສອງກະຊວງການຕ່າງປະເທດໃນໄລຍະມໍ່ໆມານີ້; ໂດຍສະແດງອອກຜ່ານການເຄື່ອນໄຫວແລກປ່ຽນຄະນະຜູ້ແທນກ່ຽວກັບການທູດເສດຖະກິດ, ການຮ່ວມມືລະຫວ່າງສະຖາບັນການຕ່າງປະເທດຂອງສອງປະເທດ...

ທ່ານລັດຖະມົນຕີ ບຸ່ຍແທັງເຊີນ ຢັ້ງຢືນວ່າ, ຫວຽດນາມ ຈະສະໜັບສະໜູນ ແລະໜູນຊ່ວຍລາວ ໃນວຽກງານດໍາລົງຕໍາແໜ່ງບົດບາດປະທານອາຊຽນ ປີ 2024; ສົມທົບກັນຢ່າງແໜ້ນແຟ້ນກັບລາວ ໃນການຊຸກຍູ້ແຜນການຍຸດທະສາດຂອງວິໄສທັດປະຊາຄົມອາຊຽນ ຮອດປີ 2045.

ທ່ານ ບຸ່ຍແທັງເຊີນ ລັດຖະມົນຕີການຕ່າງປະເທດຫວຽດນາມ ຢັ້ງຢືນ ຫວຽດນາມ ໃຫ້ການສະໜັບສະໜູນ ແລະໜູນຊ່ວຍລາວ ໃນວຽກງານດໍາລົງຕໍາແໜ່ງປະທານອາຊຽນ ປີ 2024. ພາບ: baoquocte.vn

ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດລາວ ສະເຫຼີມໄຊ ກົມມະສິດ ຢັ້ງຢືນວ່າ ຈະສະໜັບສະໜູນຫວຽດນາມ ຈັດຕັ້ງເວທີປາໄສອະນາຄົດອາຊຽນ ກ່ຽວກັບການພັດທະນາໄວ, ຍືນຍົງ ແລະຖືເອົາປະຊາຊົນເປັນໃຈກາງ (ເຊິ່ງຄາດວ່າ ຈະຈັດຕັ້ງໃນເດືອນ ເມສາ 2024) ແລະຈະລາຍງານໃຫ້ທ່ານນາຍົກລັດຖະມົນຕີລາວ ສອນໄຊ ສີພັນດອນ ເຂົ້າຮ່ວມຕາມຄໍາເຊີນຂອງທ່ານນາຍົກລັດຖະມົນຕີ ຟ້າມມິງຈິ໊ງ.

ລັດຖະມົນຕີສອງທ່ານ ກໍ່ເຫັນດີເປັນເອກະພາບເພີ່ມທະວີການສົມທົບ, ສະໜັບສະໜູນເຊິ່ງກັນ ແລະກັນຢູ່ເວທີປາໄສສາກົນ, ພາກພື້ນ ແລະອານຸພາກພື້ນ, ພ້ອມກັບບັນດາປະເທດສະມາຊິກຮັກສາຄວາມສາມັກຄີ ແລະປັບປຸງບົດບາດໃຈກາງຂອງອາຊຽນ ໃນບັນດາບັນຫາພາກພື້ນ ແລະສາກົນ, ໃນນັ້ນມີບັນຫາທະເລຕາເວັນອອກ.