ກ່າວຄຳປາໄສທີ່ພິທີ, ທ່ານ ຕະກວາງແຄ໋ງ, ປະທານສະມາຄົມມິດຕະພາບຫວຽດນາມ - ບຸນກາຣີ ແຂວງ ຫວີງຟຸກ ໃຫ້ຮູ້ວ່າ ປະຈຸບັນ, ສະມາຄົມມີສະມາຊິກ 120 ຄົນ, ດຳເດີນຊີວິດຢູ່ 6 ສາຂາສະມາຄົມ. ໃນແຕ່ລະປີ, ສະມາຄົມໄດ້ມີການຈັດຕັ້ງສະຫຼຸບເບື້ອງຕົ້ນ, ສະຫຼຸບ ເພື່ອຕີລາຄາຜົນສຳເລັດການເຄື່ອນໄຫວ ແລະ ກໍານົດທິດທາງສໍາລັບປີຕໍ່ໄປ; ຮັກສາການພົບປະປະຈຳປີ, ລະດົມຊ່ວຍເຫຼືອເຊິ່ງກັນ ແລະ ກັນທາງດ້ານຈິດໃຈ ແລະ ວັດຖຸ; ຈັດຕັ້ງການໄປຢ້ຽມຢາມ, ປຸກລະດົມສະມາຊິກໃນເວລາທີ່ເຈັບປ່ວຍ, ເຮືອນດີ ແລະ ເຮືອນດອງ, ອວຍພອນໃຫ້ອາຍຸໝັ້ນຂວັນຍືນ...
 |
| ສະມາຄົມມິດຕະພາບ ຫວຽດນາມ - ບຸນກາຣີ ແຂວງ ຫວີງຟຸກ ໄດ້ຈັດຕັ້ງກອງປະຊຸມໃຫຍ່ຜູ້ແທນຄັ້ງທີ 3 ອາຍຸການ 2023-2028. |
ໃນອາຍຸການ 2018-2023, ສະມາຄົມ ໄດ້ຕັ້ງໜ້າຜັນຂະຫຍາຍຫຼາຍການເຄື່ອນໄຫວຢ່າງແທດຈິງ, ປະຕິບັດວຽກງານການທູດປະຊາຊົນເປັນຢ່າງດີ, ປະກອບສ່ວນເຂົ້າໃນຜົນງານລວມໃນການປັບປຸງ, ຮ່ວມມືກັບເພື່ອນມິດທີ່ເປັນມູນເຊື້ອ. ການນຳສະມາຄົມ ໄດ້ເຂົ້າຮ່ວມຊຸດເຝິກອົບຮົມກ່ຽວກັບວຽກງານການຕ່າງປະເທດ ໂດຍພະແນກພົວພັນຕ່າງປະເທດ, ສະຫະພັນບັນດາອົງການມິດຕະພາບ ຈັດຕັ້ງຂຶ້ນປະຈໍາປີ ຢ່າງຄົບຊຸດ.
ສະມາຄົມໄດ້ປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການລົງນາມໃນບົດບັນທຶກຊ່ວຍຈຳເພື່ອແນໃສ່ສ້າງຕັ້ງການພົວພັນຮ່ວມມືມິດຕະພາບລະຫວ່າງແຂວງ ຫວີງຟຸກ ກັບແຂວງ Pernik (ບູນກາລີ) ໃນປີ 2023, ເນື່ອງໃນໂອກາດການໄປຢ້ຽມຢາມ ບູນກາລີ ຢ່າງເປັນທາງການຂອງຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໂດຍທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ນຳໜ້າຄະນະ.
ເຫດການດັ່ງກ່າວເປັນຂີດໝາຍສຳຄັນ, ຊ່ວຍໃຫ້ອຳນາດການປົກຄອງ, ປະຊາຄົມວິສາຫະກິດ ແລະ ປະຊາຊົນສອງແຂວງເພີ່ມທະວີການຮ່ວມມືແລກປ່ຽນໃນບັນດາຂົງເຂດທີ່ຕ່າງຝ່າຍຕ່າງມີຄວາມສົນໃຈ. ພິເສດແມ່ນການຮ່ວມມືໃນຂົງເຂດສົ່ງເສີມການລົງທຶນ, ຊອກຫາວິສາຫະກິດທີ່ມີຄວາມຕ້ອງການລົງທຶນຜະລິດ, ເຮັດທຸລະກິດ; ກະສິກຳເຕັກໂນຢີໂລສູງ, ອຸດສາຫະກຳປຸງແຕ່ງສະບຽງອາຫານ; ການແລກປ່ຽນດ້ານການຄ້າທີ່ແຕ່ລະຝ່າຍມີທ່າແຮງ; ປົກປັກຮັກສາສິ່ງແວດລ້ອມ ແລະ ພັດທະນາແຫຼ່ງພະລັງງານ, ໂດຍສະເພາະ ແມ່ນພະລັງງານທົດແທນ; ແລກປ່ຽນດ້ານວິທະຍາສາດ ແລະ ເຕັກໂນໂລຢີ; ຈັດຕັ້ງການພົບປະແລກປ່ຽນວັດທະນະທໍາ; ພັດທະນາການບໍລິການທ່ອງທ່ຽວ ແລະ ບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ... ຈາກນັ້ນ ກໍ່ປະກອບສ່ວນເຂົ້າໃນການເສີມສ້າງສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງ ຫວຽດນາມ ແລະ ບຸນກາຣີ.
ທ່ານ ຕະກວາງແຄ໋ງ ໃຫ້ຮູ້ວ່າ ອາຍຸການ 2023-2028, ສະມາຄົມ ຈະສືບຕໍ່ຮັກສາການພົວພັນອັນດີງາມກັບສະຖານທູດ ບຸນກາຣີ ປະຈຳ ຮ່າໂນ້ຍ; ຍູ້ແຮງການປະຕິບັດວຽກງານທາງການທູດປະຊາຊົນ, ສຸມໃສ່ການເປີດກ້ວາງ ແລະ ພັດທະນາສາຍພົວພັນມິດຕະພາບ ຫວຽດນາມ - ບຸນກາຣີ, ພິເສດແມ່ນແຂວງ Pernich; ປະຕິບັດບັນດາການເຄື່ອນໄຫວໂດຍສະຫະພັນບັນດາອົງການຈັດຕັ້ງມິດຕະພາບແຂວງ ລິເລີ່ມ, ຈັດຕັ້ງໃຫ້ເປັນຢ່າງດີ ...
ທີ່ກອງປະຊຸມໃຫຍ່, ບັນດາຜູ້ແທນ ໄດ້ເລືອກຕັ້ງ 11 ສະຫາຍເຂົ້າຮ່ວມຄະນະບໍລິຫານງານສະມາຄົມມິດຕະພາບ ຫວຽດນາມ - ບຸນກາຣີ ອາຍຸການ2023-2028.
ມິງດຶກ
