HUFO, ສະມາຄົມມິດຕະພາບຫວຽດນາມ - ລາວ ນະຄອນໂຮ່ຈີມິນ ໄດ້ມອບຜ້າອັດປາກ 5.000 ອັນ ໃຫ້ນັກສຶກສາລາວ
	ສະຫະພັນບັນດາອົງການມິດຕະພາບ ເກີ່ນເທີ ໄດ້ລະດົມເງິນຊ່ວຍເຫຼືອ ຈຳນວນ 3 ລ້ານໂດລາສະຫະລັດໃຫ້ແກ່ແຂວງໃນໄລຍະ 5 ປີ

ບັນດາຜູ້ແທນໄດ້ຖ່າຍຮູບທີ່ລະລຶກໃນການພົບປະແລກປ່ຽນມິດຕະພາບເພື່ອສະເຫຼີມສະຫຼອງ 70 ປີ ແຫ່ງວັນສ້າງຕັ້ງການພົວພັນທາງການທູດລະຫວ່າງຫວຽດນາມ ແລະ ບູນກາລີ.

ວັນທີ 8 ມິຖຸນາ 2020, ຢູ່ນະຄອນ ຫວີງອຽນ, ສະຫະພັນບັນດາອົງການມິດຕະພາບແຂວງ ຫວີງຟຸກ ພ້ອມກັບສະມາຄົມມິດຕະພາບຫວຽດນາມ - ບູນກາລີ ແຂວງ ຫວີງຟຸກ ໄດ້ຈັດຕັ້ງການພົບປະແລກປ່ຽນມິດຕະພາບເພື່ອສະເຫຼີມສະຫຼອງ 70 ປີ ແຫ່ງວັນສ້າງຕັ້ງການພົວພັນທາງການທູດລະຫວ່າງຫວຽດນາມ ແລະ ບູນກາລີ (8/2/1950 - 8/2/2020).

ເພື່ອເປີດກວ້າງການພັດທະນາການພົວພັນມິດຕະພາບ ແລະ ການຮ່ວມມືກັບບູນກາລີ, ປີ 2008, ສະມາຄົມມິດຕະພາບຫວຽດນາມ - ບູນກາລີແຂວງຫວີງຟຸກ ໄດ້ຮັບການສ້າງຕັ້ງ; ໃນຕອນເລີ່ມຕົ້ນ, ມີສະມາຊິກພຽງແຕ່ 25 ຄົນ, ເຊິ່ງສ່ວນໃຫຍ່ແມ່ນໄດ້ດຳລົງຊີວິດ, ສຶກສາ ແລະ ເຮັດວຽກຢູ່ປະເທດບູນກາລີ. ມາຮອດປະຈຸບັນ, ສະມາຄົມມິດຕະພາບຫວຽດນາມ - ບູນກາລີແຂວງ ຫວີງຟຸກ ມີສະມາຊິກປະມານ 200 ຄົນ.

ທ່ານນາງ Marinela Petkov ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງບູນກາລີປະຈຳ ຫວຽດນາມ.

ຫວ່າງມໍ່ໆນີ້, ສະມາຄົມມິດຕະພາບຫວຽດນາມ - ບູນກາລີ ແຂວງ ຫວີງຟຸກ ໄດ້ຈັດຕັ້ງປະຕິບັດວຽກງານການຖະແຫຼງຂ່າວ ແລະ ໂຄສະນາເຜີຍແຜ່ກ່ຽວກັບແນວທາງ, ນະໂຍບາຍຂອງພັກ ແລະ ລັດ, ພິເສດແມ່ນບັນດານະໂຍບາຍວຽກງານການທູດແບບປະຊາຊົນ ເປັນຢ່າງດີ. ຄຽງຂ້າງນັ້ນ, ສະມາຄົມກໍ່ຈັດຕັ້ງການເຄື່ອນໄຫວຕ່າງໆເປັນປະຈຳເພື່ອສະເຫຼີມສະຫຼອງວັນຊາດຫວຽດນາມ ແລະ ບູນກາລີ; ການພົບປະແລກປ່ຽນວັດທະນະທຳທີ່ເປັນມູນເຊື້ອ, ປະກອບສ່ວນຊຸກຍູ້ສາຍພົວພັນມິດຕະພາບ ແລະ ການຮ່ວມມືລະຫວ່າງປະຊາຊົນສອງປະເທດຫວຽດນາມ ແລະ ບູນກາລີ…

ກ່າວຄຳເຫັນທີ່ການພົບປະແລກປ່ຽນມິດຕະພາບ, ທ່ານນາງ Marinela Petkov ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງບູນກາລີປະຈຳ ຫວຽດນາມ ຕາງໜ້າສະຖານທູດໄດ້ຊົມເຊີຍວັນຄົບຮອບ 70 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ບູນກາລີ ແລະ ຫວຽດນາມ. ພ້ອມກັນນັ້ນ, ກໍ່ສະແດງຄວາມຂອບອົກຂອບໃຈມາຍັງສະຫະພັນສະມາຄົມມິດຕະພາບ ຫວີງຟຸກ, ສະມາຄົມມິດຕະພາບຫວຽດນາມ - ບູນກາລີແຂວງ ຫວີງຟຸກ ທີ່ໄດ້ຈັດງານພົບປະແລກປ່ຽນມິດຕະພາບໃນຄັ້ງນີ້ ແລະ ປາດຖະໜາວ່າສະມາຄົມສືບຕໍ່ມີຫລາຍກິດຈະກຳແລກປ່ຽນ, ພົບປະແລກປ່ຽນເພື່ອປະກອບສ່ວນໃນການປັບປຸງ, ພັດທະນາການພົວພັນຮ່ວມມືລະຫວ່າງສອງປະເທດ ແລະ ປະຊາຊົນສອງປະເທດໃນຂົງເຂດຕ່າງໆ.

HUFO, ສະມາຄົມມິດຕະພາບຫວຽດນາມ - ລາວ ນະຄອນໂຮ່ຈີມິນ ໄດ້ມອບຜ້າອັດປາກ 5.000 ອັນ ໃຫ້ນັກສຶກສາລາວ ຍສໝ - ໃນຕອນບ່າຍວັນທີ 9 ມິຖຸນາ, ຜູ້ນຳ HUFO, ສະມາຄົມມິດຕະພາບຫວຽດນາມ - ລາວ ນະຄອນໂຮ່ຈີມິນ ໄດ້ໃຫ້ການຕ້ອນຮັບສະຖານກົງສຸນໃຫຍ່ລາວປະຈຳນະຄອນໂຮ່ຈີມິນ ແລະ ໄດ້ມອບຜ້າອັດປາກ 5.000 ອັນ, ນໍ້າຢາຂ້າເຊື້ອແມ່ພະຍາດ 100 ລິດ ໃຫ້ແກ່ນັກສຶກສາລາວ ຢູ່ນະຄອນໂຮ່ຈີມິນ.

ສະມາຄົມມິດຕະພາບຫວຽດນາມ - ກໍາປູເຈຍ ຢູ່ນະຄອນເກີ່ນເທີ: ຈັດຕັ້ງການເຄື່ອນໄຫວແທດຈິງຫຼາຍຢ່າງໃນ 6 ເດືອນທ້າຍປີ 2020 ຍສໝ - ຫຼາຍກິດຈະກຳທີ່ມີຄວາມໝາຍ ເພື່ອສືບຕໍ່ຊຸກຍູ້ການພົວພັນມິດຕະພາບລະຫວ່າງປະຊາຊົນຫວຽດນາມ - ກໍາປູເຈຍ ຈະໄດ້ຮັບການຈັດຕັ້ງໂດຍສະມາຄົມມິດຕະພາບຫວຽດນາມ - ກໍາປູເຈຍ ຢູ່ນະຄອນເກີ່ນເທີໃນ 6 ເດືອນທ້າຍປີ 2020.

ສະຖານທູດ ສປປ.ເກົາຫຼີ ປະຈຳຫວຽດນາມ ແລະ ສະມາຄົມມິດຕະພາບຫວຽດນາມ - ສປປ.ເກົາຫຼີ ໄດ້ແລກປ່ຽນສອງບັນຫາສຳຄັນ ຍສໝ - ວັນທີ 6 ພຶດສະພາ, ຢູ່ ຮ່າໂນ້ຍ, ສະມາຄົມມິດຕະພາບຫວຽດນາມ - ສປປ.ເກົາຫຼີ ໄດ້ຈັດການຮັບຕ້ອນທ່ານ Ri Ho Jun - ອຸປະທູດຊົ່ວຄາວຂອງສະຖານທູດ ສປປ.ເກົາຫຼີ ປະຈຳຫວຽດນາມ, ແລະ ໄດ້ແລກປ່ຽນ, ສົນທະນາກ່ຽວກັບວຽກງານປ້ອງກັນ ແລະ ຄວບຄຸມການລະບາດຂອງພະຍາດ COVID-19; ແລະ ...