| ພິທີອັດຊຸດຝຶກອົບຮົມວຽກງານປ້ອງກັນຊາຍແດນ ໃຫ້ແກ່ກໍາລັງປ້ອງກັນຊາຍແດນແຂວງເຊກອງ | |
| ແຂວງເງະອານ ຈັດຕັ້ງພິທີອັດຊຸດຮຽນພາສາລາວ ໃຫ້ແກ່ພະນັກງານ, ບຸກຄະລາກອນ ຂອງບັນດາ ພະແນກ, ຂະແໜງການ ແລະ ຫ້ອງການຕ່າງໆ |
ຕອນບ່າຍວັນທີ 27 ທັນວາ, ຢູ່ຮ່າໂນ້ຍ, ທ່ານ ຫງວຽນຮຶວຢຸງ ຮອງປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ເຂົ້າຮ່ວມ ແລະກ່າວຄຳເຫັນທີ່ພິທີປິດຊຸດຝຶກອົບຮົມໄລຍະສັ້ນກ່ຽວກັບວຽກງານແນວໂຮມໃຫ້ພະນັກງານແນວລາວສ້າງຊາດ ປີ 2023.
 |
| ທ່ານ ຫງວຽນຮຶວຢຸງ ຖ່າຍຮູບທີ່ລະນຶກກັບບັນດາຜູ້ແທນ. ພາບ: daidoanket.vn |
ໃນການລາຍງານຜົນຂອງຊຸດຝຶກອົບຮົມໄລຍະສັ້ນກ່ຽວກັບວຽກງານແນວໂຮມໃຫ້ພະນັກງານແນວລາວສ້າງຊາດ ປີ 2023 ໄດ້ຊີ້ແຈ້ງວ່າ ພາຍຫຼັງຝຶກອົບຮົມເປັນເວລາ 21 ວັນ, ພາຍໃຕ້ການຊີ້ນຳຢ່າງໃກ້ຊິດຂອງຄະນະປະຈຳຄະນະກຳມະການສູນກາງແນວໂຮມປະເທດຊາດຫວຽດນາມ ພ້ອມກັບສົມທົບກັນຢ່າງແໜ້ນແຟ້ນຂອງຄະນະ, ຫົວໜ່ວຍທີ່ກ່ຽວຂ້ອງ, ມາຮອດປະຈຸບັນຊຸດຝຶກອົບຮົມໄດ້ຜັນຂະຫຍາຍຖືກກັບຄວາມຄືບໜ້າ, ຕິດແທດກັບຫຼັກສູດທີ່ໄດ້ອະນຸມັດ.
ຫຼັກສູດການຝຶກອົບຮົມໄດ້ຮັບການຜັນຂະຫຍາຍຖືກຕາມເນື້ອໃນ, ແຜນການ, ບັນລຸເປົ້າໝາຍດ້ວຍການສະໜອງຄວາມຮູ້ພື້ນຖານກ່ຽວກັບວຽກງານແນວໂຮມໃນສະພາບການໃໝ່, ຈາກນັ້ນ ກໍ່ສືບຕໍ່ບໍາລຸງ, ຍົກລະດັບຄວາມຮູ້ລົງເລິກກ່ຽວກັບວຽກງານແນວໂຮມໃຫ້ພະນັກງານການນໍາຂອງກົມທີ່ຂຶ້ນກັບອົງການສູນກາງແນວລາວສ້າງຊາດ, ການນໍາຫຼັກແຫຼ່ງທຸກຂັ້ນຂອງແນວລາວສ້າງຊາດ.
ກ່າວຄໍາເຫັນທີ່ພິທີປິດ, ທ່ານຮອງປະທານ ຫງວຽນຮຶວຢຸງ ໄດ້ຮັບຮູ້ ແລະຕີລາສູງຄວາມຕັ້ງໃຈ ແລະມີຄວາມຮັບຜິດຊອບຂອງຄະນະພະນັກງງານແນວລາວສ້າງຊາດ ທີ່ເຂົ້າຮ່ວມຊຸດບໍາລຸງສ້າງຄັ້ງນີ້.
ທ່ານ ຫງວຽນຮຶວຢຸງ ຫວັງວ່າ ພາຍຫຼັງຊຸດຝຶກອົບຮົມບັນດາສະມາຊິກໃນຄະນະພະນັກງານແນວລາວສ້າງຊາດ ຈະໜູນໃຊ້ເນື້ອໃນ, ບົດຮຽນເພື່ອຜັນຂະຫຍາຍ, ປະກອບສ່ວນເຮັດໃຫ້ວຽກງານແນວລາວສ້າງຊາດ ພັດທະນາຢ່າງມີໄຫວພິບ, ເຂັ້ມແຂງ. ພ້ອມທັງສືບຕໍ່ເປັນເສນາທິການ, ປະກອບສ່ວນຫຼາຍຂໍ້ລິເລີ່ມໃໝ່ກ່ຽວກັບລາຍການສົມທົບ, ຮ່ວມມືກັນລະຫວ່າງແນວໂຮມປະເທດຊາດຫວຽດນາມ ແລະແນວລາວສ້າງຊາດໃນຊຸມປີຈະມາເຖິງໃຫ້ມີປະສິດທິຜົນສູງ.
ບູນມີ
