ການ​ເດີນ​ທາງ​ໄປ​ສຳ​ຫຼວດວັດ​ຖຸ​ບູ​ຮານ​ຕາມ​ເສັ້ນ​ທາງຮ່ວມສຳພັນສູ້ຮົບ ​ຫວຽດ​ນາມ - ລາວ
	ສປປ.ລາວ​ ຍາມ​ໃດ​ກໍ​ຖື​ການ​ຮ່ວມ​ມື​ກັບ​ ສະ​ຫະ​ປະ​ຊາ​ຊາດ​ ເປັນ​ບູ​ລິ​ມະ​ສິດ​ສູງ​ສຸດ

ຕອນເຊົ້າວັນທີ 27 ທັນວາ, ຢູ່ແຂວງໄຊສົມບູນ (ລາວ), ໄດ້ດຳເນີນພິທີເປີດນຳໃຊ້ ແລະມອບຮັບໂຄງການລົງທຶນບູລະນະສ້ອມແປງຍົກລະດັບໂຮງໝໍໄຊສົມບູນ ເຊິ່ງແມ່ນຂອງຂວັນຂອງລັດຖະບານຫວຽດນາມ ມອບໃຫ້ລັດຖະບານລາວ ແລະອຳນາດການປົກຄອງໄຊສົມບູນ.

ໂຮງໝໍໄຊສົມບູນ. ພາບ: TTXVN

ໂດຍໄດ້ຮັບການລົງມືກໍ່ສ້າງແຕ່ເດືອນກຸມພາ ປີ 2021, ໂຄງການລົງທຶນບູລະນະສ້ອມແປງຍົກລະດັບໂຮງໝໍໄຊສົມບູນ ມີຍອດເງິນລົງທຶນ 6,5 ລ້ານໂດລາສະຫະລັດ, ມີ 80 ຕຽງ, ເຊິ່ງໄດ້ຮັບການປະກອບວັດຖຸອຸປະກອນທີ່ທັນສະໄໝ, ມີຄຸນນະພາບສູງ, ນຳໃຊ້ເຕັກໂນໂລຢີທາງການແພດທີ່ທັນສະໄໝ. ການມອບຮັບໂຄງການນີ້ແມ່ນພະຍານຫຼັກຖານສະແດງໃຫ້ເຫັນຄຳໝັ້ນສັນຍາຢ່າງແຮງຂອງລັດຖະບານຫວຽດນາມ ຕໍ່ການໜູນຊ່ວຍລັດຖະບານລາວ ກ່ຽວກັບການພັດທະນາເສດຖະກິດສັງຄົມ, ຮັບປະກັນການໜູນຊ່ວຍສັງຄົມໃຫ້ແກ່ປະຊາຊົນລາວ.

ໂດຍຕາງໜ້າອຳນາດການປົກຄອງ ແລະປະຊາຊົນແຂວງ, ທ່ານ ສຸກສະຫວາດ ວົງພູມເຫຼັກ ຮອງເຈົ້າແຂວງໄຊສົມບູນ ໄດ້ສະແດງຄວາມຂອບອົກຂອບໃຈການໜູນຊ່ວຍຈາກລັດຖະບານຫວຽດນາມ, ທ່ານຢັ້ງຢືນວ່າ ການສ້າງ ແລະຍົກລະດັບໂຮງໝໍໄດ້ປະກອນສ່ວນຢ່າງໃຫຍ່ຫຼວງຕໍ່ການພັດທະນາເສດຖະກິດ, ສັງຄົມຂອງແຂວງໄຊສົມບູນ.