| ກວາງບິ່ງ ມີໝູ່ບ້ານທ່ອງທ່ຽວດີທີ່ສຸດໃນໂລກ | |
| ກວາງບິ່ງ ໜູນຊ່ວຍເງິນຈຳນວນ 25 ຕື້ ດົ່ງ ໃຫ້ແກ່ການກໍ່ສ້າງໂຮງຮຽນ ຢູ່ແຂວງ ຄຳມ່ວນ (ລາວ). |
ວັນທີ 25 ທັນວາ, ຄະນະກໍາມະການປະຊາຊົນແຂວງ ກວາງບິ່ງ ມີຂໍ້ຕົກລົງເລກທີ 3747/QD-UBND ກ່ຽວກັບການອະນຸມັດຜ່ານບ້ວງອຸປະຖຳທີ່ບໍ່ເປັນໂຄງການເຄື່ອງບັນເທົາທຸກໃຫ້ບັນດາທ້ອງຖິ່ນທີ່ປະສົບໄພທຳມະຊາດ, ຄອບຄົວທຸກຍາກ, ມີສະພາບການຫຍຸ້ງຍາກ ແລະ ນັກຮຽນທຸກຍາກແຂວງ ກວາງບິ່ງ ໂດຍອົງການຊ່ວຍເຫຼືອເດັກນ້ອຍສາກົນ ປະຈຳ ຫວຽດນາມ (Save the Children) ໄດ້ໃຫ້ການອຖປະຖຳດ້ວຍຈຳນວນທຶນຊ່ວຍເຫຼືອລ້າກວ່າ 800 ລ້ານດົ່ງ.
 |
ຮູບປະກອບ |
ໂຄງການດັ່ງກ່າວ ໄດ້ຮັບການປະຕິບັດຮອດວັນທີ 30 ເມສາ 2024, ລວມມີ: ກິດຈະກຳຈັດຕັ້ງແຈກຢາຍເຄື່ອງໃຊ້ໃນຄອບຄົວ, ເຄື່ອງກອງນ້ຳໃຫ້ຄອບຄົວທີ່ປະສົບໄພທຳມະຊາດ/ຄອບຄົວດ້ອຍໂອກາດ ແລະ ໜູນຊ່ວຍອຸປະກອນໂຮງຮຽນໃຫ້ນັກຮຽນທີ່ປະສົບກັບຄວາມຫຍຸ້ງຍາກ.
Save the Children ໄດ້ເລີ່ມເຄື່ອນໄຫວຢູ່ ຫວຽດນາມ ໃນປີ 1990 ດ້ວຍບັນດາການເຄື່ອນໄຫວໜູນຊ່ວຍເດັກນ້ອຍທີ່ດ້ອຍໂອກາດຢູ່ພາກກາງ. ມາຮອດປະຈຸບັນ, Save the Children ໄດ້ມີຢູ່ 22 ແຂວງ, ນະຄອນ ເຄື່ອນໄຫວໃນຂົງເຂດປົກປ້ອງເດັກ, ສິດທິຂອງເດັກນ້ອຍ, ການສຶກສາ, ສາທາລະນະສຸກ ແລະ ໂພຊະນາການ, ການພັດທະນາຂອງໄວໜຸ່ມ, ການຊ່ວຍເຫຼືອສຸກເສີນ ແລະ ການປັບຕົວໃຫ້ເໝາະກັບການປ່ຽນແປງຂອງດິນຟ້າອາກາດ.ມິງດຶກ
