ອາເມລິກາ ປາດຖະໜາຢາກພັດທະນາການພົວພັນຄູຮ່ວມມືຮອບດ້ານ ຫວຽດນາມ - ອາເມລິກາ ໃຫ້ເຂົ້າສູ່ລວງເລິກ
	ຫວຽດນາມ - ອາເມລິກາ ຮ່ວມມືກັນເພື່ອແກ້ໄຂຜົນຮ້າຍຢ້ອນຫຼັງຈາກສົງຄາມ: ການສ້າງສາ ແລະ ການປັບປຸງຄວາມໄວ້ເນື້ອເຊື່ອໃຈລະຫວ່າງ ຫວຽດນາມ - ອາເມລິກາ

ທ່ານ ສາດສະດາຈານ ດັ້ງວັນຈີ໋, ສາດສະດາຈານສະເພາະຂະແໜງມະເຮັງ ມະຫາວິທະຍາໄລ Johns Hopkins, ຜູ້ອຳນວຍການວິທະຍາສາດມູນນິທິຄົ້ນຄວ້າມະເຮັງ Ludwig ໃຫ້ຮູ້ວ່າ: ມະຫາວິທະຍາໄລແພດສາດ Johns Hopkins ປາດຖະໜາຢາກເຊື່ອມຕໍ່ກັບບັນດາຄູ່ຮ່ວມມື, ມະຫາວິທະຍາໄລ, ໂຮງໝໍ ຫວຽດນາມ ເພື່ອໜູນຊ່ວຍຫວຽດນາມ ກໍ່ສ້າງທະນາຄານຊີວະວິທະຍາກ່ຽວກັບມະເຮັງຕັບ; ການຖ່າຍທອດເຕັກໂນໂລຢີ; ສະໜອງການບໍລິການປິ່ນປົວພະຍາດ; ຫນູນຊ່ວຍການບຳລຸງສ້າງ; ມອບ​ໂອກາດ​ໃຫ້​ທ່ານໝໍ ຫວຽດນາມ ເຂົ້າ​ຮ່ວມລາຍການຍົກສຸງຄວາມ​ສາມາດ​ປິ່ນປົວ​ພະຍາດ​ ກ່ຽວກັບຕັບ ແລະ ມະເຮັງຕັບ ຢູ່​ມະຫາວິທະຍາ​ໄລ​ແພດສາດ Johns Hopkins.

​ທ່ານ ຟານ​ແອງ​ເຊີນ, ປະທານສະຫະພັນ​ບັນດາ​ອົງການ​ມິດຕະພາບ​ ຫວຽດນາມ ແລະ ທ່ານ ສາດສະດາຈານ ດັ້ງວັນຈີ໋, ສາດສະດາຈານສະເພາະຂະແໜງມະເຮັງ ມະຫາວິທະຍາໄລ Johns Hopkins

ທ່ານຮອງສາດສະດາຈານ, ທ່ານໝໍ ດາວອິ່ຢວານ, ຜູ້ອໍານວຍການສູນຄົ້ນຄວ້າສະເພາະຂະແໜງຕັບ ຂອງມະຫາວິທະຍາໄລແພດສາດ Johns Hopkins ຢູ່ ຫວຽດນາມ (JHU COE) ປາດຖະໜາຢາກໄດ້ຮັບການໜູນຊ່ວຍຂອງ VUFO ໃນການລົງທະບຽນນິຕິບຸກຄົນ ແລະ ຜັນຂະຫຍາຍບັນດາການເຄື່ອນໄຫວຂອງສູນຢູ່ ຫວຽດນາມ ໃນໄລຍະຈະມາເຖິງ.

ທ່ານ​ປະທານ​ສະຫະພັນ​ບັນດາ​ອົງການ​ມິດຕະພາບ ​ຫວຽດນາມ ຟານແອງເຊີນ ​ໄດ້​ຕີ​ລາຄາ​ສູງຄວາມຫວັງດີ ແລະ ການ​ໜູນ​ຊ່ວຍ​ຂອງ​ມະຫາວິທະຍາ​ໄລ​ແພດສາດ Johns Hopkins ໃຫ້ສຳລັບ ຫວຽດນາມ. VUFO ເຫັນດີເປັນເອກະພັບສະໜັບສະໜູນມະຫາວິທະຍາໄລແພດສາດ Johns Hopkins ໃນການຊອກຫາ, ເຊື່ອມຕໍ່ກັບບັນດາຄູ່ຮ່ວມມື; ລົງ​ທະ​ບຽນ ​ແລະ ຜັນຂະຫຍາຍການເຄຶ່ອນໄຫວຢູ່ ຫວຽດນາມ.

ມິງດຶກ