| ຄູອາຈານຫວຽດນາມເກືອບ 100 ຄົນໄດ້ແບ່ງປັນປະສົບການການສອນພາສາຫວຽດ ຢູ່ຕ່າງປະເທດ | |
| VUFO ແລະ ຫົວໜ້າຄະນະຜູ້ແທນຫວຽດນາມ ຢູ່ຕ່າງປະເທດ: ຮ່ວມມືເພື່ອເປີດກວ້າງເຄືອຂ່າຍເພື່ອນມິດຄູ່ຮ່ວມມື |
ວາລະຫົວຂໍ້ກ່ຽວກັບການເຂົ້າຮ່ວມຂອງຜູ້ແທນ 150 ທ່ານ ເຊິ່ງເປັນຫົວໜ້າອົງການຜູ້ຕາງໜ້າຫວຽດນາມ ຢູ່ຕ່າງປະເທດ, ການນຳຈຳນວນໜຶ່ງຂອງຫົວໜ່ວຍຂຶ້ນກັບກະຊວງການຕ່າງປະເທດ, ການນຳ ແລະ ພະນັກງານຄະນະກຳມະການແຫ່ງລັດກ່ຽວກັບປະຊາຊົນຫວຽດນາມ ຢູ່ຕ່າງປະເທດ ແລະ ກົມກົງສຸນ. ທ່ານຮອງລັດຖະມົນຕີການກະຊວງການຕ່າງປະເທດ, ຫົວໜ້າຄະນະກຳມະການແຫ່ງລັດກ່ຽວກັບປະຊາຊົນຫວຽດນາມ ຢູ່ ຕ່າງປະເທດ ນາງ ເລທິທູຮັ່ງ ໄດ້ເຂົ້າຮ່ວມ ແລະ ຊີ້ນຳກອງປະຊຸມ.
ກອງປະຊຸມໄດ້ສຸມໃສ່ຕີລາຄາບັນດາໝາກຜົນທີ່ບັນລຸໄດ້ນັບແຕ່ກອງປະຊຸມການຕ່າງປະເທດ ຄັ້ງທີ 31 ຮອດປະຈຸບັນ, ຊີ້ອອກບັນດາດ້ານທີ່ຍັງຄົງຄ້າງ, ຈຳກັດ ແລະ ແລກປ່ຽນກ່ຽວກັບທິດທາງວຽກງານຊາວ ຫວຽດນາມ ຢູ່ຕ່າງປະເທດ ແລະ ປົກປ້ອງພົນລະເມືອງ ໃນໄລຍະຈະມາ່ເຖິງ.
 |
| ທີ່ການເຮັດວຽກ. |
ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງການຕ່າງປະເທດ ນາງ ເລທິທູຮັ່ງ ໄດ້ຍ້ອງຍໍ ແລະ ຕີລາຄາສູງບັນດາຄວາມມານະພະຍາຍາມ ແລະ ບັນດາໝາກຜົນທີ່ບັນດາອົງການຕາງໜ້າໄດ້ຮັບຮູ້ ແລະ ແບ່ງປັນຄຳຄິດເຫັນ ແລະ ການປະກອບສ່ວນຢ່າງເລິກເຊິ່ງ, ຈິງໃຈຂອງບັນດາຫົວໜ້າອົງການຕາງໜ້າ, ພ້ອມທັງຊີ້ນຳທິດທາງໃນໄລຍະຈະມາເຖິງຈຳນວນໜຶ່ງ.
ກ່ຽວກັບວຽກງານຊາວຫວຽດນາມຢູ່ຕ່າງປະເທດ: ບັນດາອົງການຜູ້ຕາງໜ້າສືບຕໍ່ຕິດຕາມ ແລະ ຜັນຂະຫຍາຍບັນດາໜ້າທີ່ໃນຂໍ້ສະຫຼຸບເລກທີ 12 - KL/TW ຂອງກົມການເມືອງ ແລະ ໂຄງການປະຕິບັດວຽກງານຂອງລັດຖະບານຫວຽດນາມ ຢູ່ຕ່າງປະເທດ ໄລຍະ 2021 - 2026; ປ່ຽນແປງໃໝ່ ແລະ ຫັນເປັນຫຼາຍຮູບຫຼາຍແບບບັນດາການເຄື່ອນໄຫວເພື່ອຂົນຂວາຍຊາວຫວຽດນາມ ອາໄສຢູ່ຕ່າງປະເທດ, ພິເສດແມ່ນລຸ້ນໜຸ່ມເຊື່ອມຕໍ່ກັບບ້ານເກີດເມືອງນອນ; ຍູ້ແຮງການຊຸກຍູ້ແຫຼ່ງກຳລັງຂອງຊາວຫວຽດນາມຢູ່ຕ່າງປະເທດ ເພື່ອຮັບໃຊ້ການພັດທະນາປະເທດຊາດ; ຖືການເບິ່ງແຍງດູແລເປັນສຳຄັນ ແລະ ໜູນຊ່ວຍຊາວຫວຽດນາມ ອາໄສຢູ່ຕ່າງປະເທດໃຫ້ມີຊີວິດການເປັນຢູ່ທີ່ປົກກະຕິ ແລະ ເຊື່ອມໂຍງເຂົ້າກັບສັງຄົມທ້ອງຖິ່ນ; ເພີ່ມທະວີການໜູນຊ່ວຍຊາວຫວຽດນາມຢູ່ຕ່າງປະເທດ ຮັກສາພາສາຫວຽດນາມ ແລະ ສີສັນວັດທະນະທຳຂອງຊາດ; ປ່ຽນແປງໃໝ່ວຽກງານຖະແຫຼງຂ່າວ ແລະ ການໂຄສະນາເຜີຍແຜ່ໃຫ້ແກ່ຊຸມຊົນ.
ກ່ຽວກັບວຽກງານປົກປ້ອງພົນລະເມືອງ: ຍູ້ແຮງການຫັນເປັນວິຊາຊີບ, ເຮັ່ງຮີບປະຕິບັດລະບຽບຂໍ້ກຳນົດໃຫ້ສົມບູນແບບ ແລະ ຂັ້ນຕອນແກ້ໄຂວຽກງານປົກປ້ອງພົນລະເມືອງ; ຫັນເປັນຫຼາຍຮູບຫຼາຍແບບຂອງຮູບແບບການຮັບ ແລະ ແກ້ໄຂຂໍ້ມູນຂ່າວສານ, ເພີ່ມທະວີການສົມທົບກັບອົງການທີ່ມີໜ້າທີ່ຂອງທ້ອງຖິ່ນ, ໂດຍສະເພາະແມ່ນການແກ້ໄຂບັນຫາສຸກເສີນ/ວິກິດການ; ຖືວຽກງານການຕີລາຄາ, ຄາດຄະເນ, ແຈ້ງເຕືອນກ່ຽວກັບວິກິດການ ແລະ ໄພພິບັດເປັນສຳຄັນ ເພື່ອໃຫ້ມີແຜນການແກ້ໄຂທີ່ເໝາະສົມ ແລະ ຫຼຸດຜ່ອນຜົນກະທົບທີ່ຫຍໍ້ທໍ້; ຕັ້ງໜ້າແຈ້ງຂ່າວ ແລະ ສື່ສານຢ່າງວ່ອງໄວ, ທັນການ ແລະ ຖືກຕ້ອງກ່ຽວກັບການປົກປ້ອງພົນລະເມືອງໃນຫຼາຍຮູບຫຼາຍແບບ, ພິເສດເເມ່ນບັນດາບັນຫາທີ່ຫາງສຽງມີຄວາມສົນໃຈ.
ດີງເລື້ອງ
