ກອງປະຊຸມແມ່ນການເຄື່ອນໄຫວເນື່ອງໃນໂອກາດສະເຫຼີມສະຫຼອງ 2 ປີແຫ່ງວັນສ້າງຕັ້ງເວທີປົກປັກຮັກສາພາສາຫວຽດ ຢູ່ຕ່າງປະເທດ (15 ກໍລະກົດ 2021 - 15 ກໍລະກົດ 2022), ຂີດໝາຍແຫ່ງເສັ້ນທາງການສືບຕໍ່ພັດທະນາເຄືອຂ່າຍອອນລາຍໃໝ່ຂອງຜູ້ທີ່ເຂົ້າຮ່ວມໃນວຽກງານເຜີຍແຜ່ພາສາຫວຽດ ໃນໂລກ.
 |
| ທ່ານເອກອັກຄະລັດຖະທູດຫວຽດນາມ ປະຈຳ ໂປໂລຍ ຫງວຽນຮຸ່ງ |
ກ່າວຄຳປາໄສເຫັນທີ່ລາຍການ, ທ່ານເອກອັກຄະລັດຖະທູດ ຫວຽດນາມ ປະຈຳ ໂປໂລຍ ຫງວຽນຮຸ່ງ ໄດ້ຮັບຮູ້ບັນດາໝາກຜົນທີ່ເວທີປົກປັກຮັກສາພາສາຫວຽດ ຢູ່ຕ່າງປະເທດບັນລຸໄດ້. ໃນໄລຍະໂລກລະບາດໂຄວິດ-19, ເມື່ອປຶ້ມແບບຮຽນພາສາຫວຽດ ຍັງບໍ່ທັນມີ, ເວທີນີ້ກໍ່ແມ່ນບ່ອນທີ່ບັນດາຄູອາຈານຮ່ວມກັນແບ່ງປັນປະສົບການທີ່ຈຳເປັນ, ກໍ່ຄືທັກສະການສອນອອນລາຍ, ຮັບປະກັນຄຸນນະພາບການສອນ ແລະ ການຮຽນ.
ໂດຍຕີລາຄາສູງບັນດາໝາກຜົນດັ່ງກ່າວ, ທ່ານເອກອັກຄະລັດຖະທູດ ຫງວຽນຮຸ່ງ ໄດ້ສະແດງຄວາມຫວັງວ່າ ໃນໄລຍະຕໍ່ໄປ ເວທີຈະມີຕື່ມຫຼາຍການເຄື່ອນໄຫວທີ່ມີຄວາມໝາຍກ່ວາອີກ ເພື່ອປະກອບສ່ວນແຜ່ກະຈາຍປະສົບການໃນການສອນ ແລະ ຮຽນພາສາຫວຽດ, ລະດົມບັນດາຄູອາຈານ ແລະ ບັນດາຮຸ່ນລູກຫຼານຫວຽດນາມ ຮຽນພາສາແມ່ຂອງຕົນ.
 |
| ຄູອາຈານຫວຽດນາມເກືອບ 100 ຄົນໄດ້ແບ່ງປັນປະສົບການການສອນພາສາຫວຽດ ຢູ່ຕ່າງປະເທດ |
ທີ່ກອງປະຊຸມ, ບັນດາຜູ້ແທນທີ່ເຂົ້າຮ່ວມໄດ້ສະໜອງຂໍ້ມູນຂ່າວສານ ອັບເດດລາຍລະອຽດກ່ຽວກັບສະພາບການສອນ ເເລະ ການຮຽນພາສາຫວຽດ ຢູ່ຕ່າງປະເທດຄື: ຢູເຄຣນ, ສາທາລະນະລັດເຊັກ, ຮຸງກາຣີ, ໂປໂລຍ, ຝຣັ່ງ, ແບນຊິກ, ຣັດເຊຍ…ພ້ອມກັນນັ້ນ, ບັນດາຜູ້ແທນກໍ່ໄດ້ປຶກສາຫາລື, ພ້ອມກັນແລກປ່ຽນປະສົບການທີ່ແທດກັບຕົວຈິງເພື່ອວຽກງານສິດສອນພາສາຫວຽດ ມີປະສິດທິຜົນທີ່ສຸດໃນຂົງເຂດຂອງຕົນ ກໍ່ຄືເຊື່ອມຕໍ່ເພື່ອພ້ອມກັນປ່ຽນແປງ, ຮ່ວມພັດທະນາ ແລະ ຍົກສູງປະສິດທິຜົນການສອນ.
ຕາມທ່ານນາງ ຫງວຽນທິລຽນເຮືອງ, ຮອງຫົວໜ້າຄະນະບໍລິຫານ ທັງເປັນຫົວໜ້າອະນຸກຳມະການວັນນະຄະດີພາສາສາດ ແລະ ຫຼັດສູດການສິດສອນ ຂອງເວທີປາໄສ, ກອງປະຊຸມແມ່ນໂອກາດເພື່ອໃຫ້ທຸກຄົນພ້ອມກັນເບິ່ງຄືນອັນໃດໄດ້ປະຕິບັດ, ຜ່ານນັ້ນ ກໍ່ສືບຕໍ່ພະຍາຍາມເພື່ອອະນາຄົດຂອງຮຸ່ນລູກຫຼານຫວຽດນາມ ຢູ່ຕ່າງປະເທດ, ເພື່ອປະກອບສ່ວນຊຸກຍູ້ການໂຄສະນາ ແລະ ປົກປັກຮັກສາພາສາຫວຽດ.
ເວທີປົກປັກຮັກສາຊາວຫວຽດ ຢູ່ຕ່າງປະເທດ ໄດ້ຮັບການສ້າງຕັ້ງໃນວັນທີ 15 ກໍລະກົດ 2022 ພາຍຫຼັງກອງປະຊຸມສຳມະນາ “ການສອນ ແລະ ການຮຽນພາສາຫວຽດ ຢູ່ຕ່າງປະເທດ” ເທື່ອທີໜຶ່ງ ໂດຍໂຮງຮຽນພາສາຫວຽດ ລາກ ລອງ ກວນ (ໂປໂລຍ) ພ້ອມກັບສະມາຄົມຊາວຫວຽດນາມ ຢູ່ ໂປໂລຍ ເປັນປະທານຈັດຂຶ້ນໂດຍສຳເລັດຜົນຢ່າງຈົບງາມ.
ພາຍຫຼັງກອງປະຊຸມສຳມະນາ, ຫຼາຍຂໍ້ສະເໜີໄດ້ຖືກສົ່ງໄປຍັງຄະນະຈັດຕັ້ງດ້ວຍຄວາມຫວັງວ່າ ການເຄື່ອນໄຫວເຊື່ອມຕໍ່ສາກົນນີ້ຈະສືບຕໍ່ໄດ້ຮັບການຮັກສາ, ສະນັ້ນ ເວທີປົກປັກຮັກສາພາສາຫວຽດຢູ່ຕ່າງປະເທດ ໄດ້ສ້າງຂຶ້ນໂດຍມີ 15 ສະມາຊິກຈາກຫຼາຍປະເທດຂອງຄະນະບໍລິຫານ.
ດີງເລື້ອງ
