| ເຊີນລາ: ປິດຊຸດຝຶກອົບຮົມວິຊາການຊາຍແດນໃຫ້ພະນັກງານກອງທັບປະຊາຊົນລາວ ປີ 2023 | |
| ງານບຸນລະດູບານໃໝ່ ກົນເຊີນ - ກຽບບາກ ປີ 2023 ຈະດຳເນີນແຕ່ວັນທີ 4 – 13 ກຸມພາ ປີ 2023 |
ແມ່ນເຫດການປະຈຳປີໂດຍກະຊວງການຕ່າງປະເທດຈັດຕັ້ງ, ງານບຸນອາຫານສາກົນ ໄດ້ກາຍເປັນສະຖານທີ່ແລກປ່ຽນວັດທະນະທຳ, ອາຫານ ແລະ ການກຸສົນທີ່ພົ້ນເດັ່ນຢູ່ນະຄອນຫຼວງ ຮ່າໂນ້ຍ. ຈຸດພົ້ນເດັ່ນຂອງເຫດການປີນີ້ ແມ່ນຈຳນວນຮ້ານຂາຍເຄື່ອງຫຼາຍີ່ສຸດແຕ່ອະດີດເຖິງປະຈຸບັນ: ມີເກືອບ 150 ຮ້ານຂາຍເຄື່ອງຂອງບັນດາສະຖານທູດ, ສູນວັດທະນະທຳຕ່າງປະເທດ, ພະແນກພົວພັນຕ່າງປະເທດທີ່ຕາງໜ້າໃຫ້ບັນດາແຂວງ, ວິສາຫະກິດ ແລະ ຫົວໜ່ວຍໃນະຊວງການຕ່າງປະເທດ.
ບັນດາການເຄື່ອນໄຫວໃນຂອບເຂດຂອງເຫດການລວມມີ: ແນະນຳອາຫານສະເພາະຂອງ ຫວຽດນາມ ແລະ ບັນດາປະເທດ; ແລກປ່ຽນວັດທະນະທຳສິລະປະ; ວາງສະແດງ ແລະຂາຍອາຫານສະເພາະທ້ອງຖິ່ນ; ສ້າງກອງທຶນກຸສົນ.
 |
ງານບຸນອາຫານສາກົນຄັ້ງທີ 10 ຈັດຂຶ້ນໃນວັນທີ 11 ທັນວາ 2022 |
ຈຸດເດັ່ນໃໝ່ຂອງງານບຸນຍັງແມ່ນຮູບພາບ “ຖະໜົນອາຊຽນ” ຂະຫນາດນ້ອຍທີ່ຕັ້ງຢູ່ໃນໃຈກາງຂອງເຫດການ. ນີ້ແມ່ນບ່ອນທີ່ບັນດາຮ້ານຂາຍເຄື່ອງຂອງບັນດາປະເທດ ອາຊີຕາເວັນອອກສ່ຽງໃຕ້ ຖືກຈັດຕັ້ງຢູ່ຄຽງຂ້າງກັນ, ສ້າງບັນຍາກາດອົບອຸ່ນ, ເປັນມິດ ແລະ ສະດວກສະບາຍໃຫ້ບັນດາແຂກມາກິນສາມາດຊິມທຸກຈຸດອາຫານທີ່ເປັນເອກະລັກສະເພາະຂອງແຕ່ລະປະເທດໃນພາກພື້ນ.
ງານບຸນອາຫານສາກົນບໍ່ພຽງແຕ່ນຳເອົາໂອກາດແລກປ່ຽນ, ແນະນຳວັດທະນະທຳ, ການກິນດື່ມຂອງບັນດາປະເທດ, ພາກພື້ນຂອງ ຫວຽດນາມ ເທົ່ານັ້ນ ຫາກຍັງແມ່ນໂອກາດເພື່ອແບ່ງປັນເບິ່ງແຍງ, ຕຸ້ມຫໍ່ກ່ຽວກັບບັນດາສະພາບການຫຍຸ້ງຍາກ ໂດນຜ່ານບັນດາລາຍກາກຸສົນໃນທົ່ວປະເທດ. ຍອດຈຳນວນເງິນປະກອບສ່ວນກຸສົນຂອງບັນດາອົງການ ແລະ ບຸກຄົນຜ່ານ 10 ຄັ້ງຮ່ວມມ່ວນຊື່ນທີ່ຜ່ານມາແມ່ນເກືອບ 6 ຕື້ດົ່ງ. ເງິນທັງໝົດນີ້ ໄດ້ມອບໃຫ້ຄົນພິການ, ເດັກກຳພ້າ, ແມ່ຍິງທີ່ທຸກຍາກ, ບັນດາສະພາບການຫຍຸ້ງຍາກພິເສດ... ໃນຂອບເຂດທົ່ວປະເທດ ໂດຍສະເພາະບັນດາແຂວງເຂດພູດອຍພາກເໜືອ.
ໃນຊຸມປີຜ່ານມານີ້, ຄະນະຈັດຕັ້ງ ໄດ້ນຳໃຊ້ຈຳນວນເງິນບໍລິຈາກໃຫ້ການສ້າງໂຮງຮຽນອະນຸບານ ບິ່ງທ້ວນ, ຕາແສງ ບິ່ງທ້ວນ, ແຂວງ ອຽນບ໋າຍ; ສະໜັບສະໜູນການກໍ່ສ້າງຂົວຢູ່ແຂວງ ລອງອານ; ການກຸສົນຢູ່ໂຮງຮຽນສາມັນຊົນເຜົ່າເຄິ່ງກິນນອນໂຮງຮຽນປະຖົມ ມາເລ໋, ເມືອງ ດົ່ງວັນ, ແຂວງ ຮ່າຢາງ; ການກຸສົນຢູ່ໂຮງຮຽນມັດທະຍົມສຶກສາ ຫວິງຟຸກ; ສູນເດັກກຳພ້າ ຮ່າເກົາ, ຮ່າດົງ; ກໍ່ສ້າງຫ້ອງຮຽນຢູ່ໂຮງຮຽນມັດທະຍົມຕອນປາຍ ແທງຊາ໋, ຟູທໍ້, ກໍ່ສ້າງຂົວຢູ່ແຂວງ ເບັ໋ນແຈ່; ແລະລາຍການການກຸສົນຫຼາຍແຫ່ງຢູ່ເຂດພາກພື້ນຫ່າງໄກ, ຫຍຸ້ງຍາກໃນທົ່ວປະເທດ.
ໄດ້ດຳເນີນເປັນປະຈຳປີແຕ່ປີ 2014, ງານບຸນອາຫານສາກົນໄດ້ກາຍເປັນ“ເຄື່ອງໝາຍ” ຂອງກະຊວງການຕ່າງປະເທດໃນການສ້າງບ່ອນຫຼິ້ນໃຫ້ແກ່ບັນດາປະເທດແລກປ່ຽນວັດທະນະທຳ, ເພີ່ມທະວີຄວາມເຂົ້າໃຈເຊິ່ງກັນ ແລະ ກັນ, ພ້ອມກັນແນະນຳປະເທດຊາດ ແລະ ປະຊາຊົນ ຫວຽດນາມ ເຖິງເພື່ອນມິດຂອງບັນດາປະເທດ.
ມິງດຶກ
