| ການຢ້ຽມຢາມຂອງທ່ານປະທານສະພາແຫ່ງຊາດ ຫວຽດນາມ ໄດ້ຊຸກຍູ້ການຮ່ວມມືລະຫວ່າງ ຫວຽດນາມ ແລະ ໄທ ໃນທຸກຂົງເຂດຢ່າງມີປະສິດທິຜົນ | |
| ໄທຂະຫຍາຍເວລາພັກເຊົາໃຫ້ຄົນງານຕ່າງດ້າວຈາກມຽນມາ, ລາວ, ກຳປູເຈຍ ແລະ ຫວຽດນາມ |
ຄາດວ່າ, ແຕ່ວັນທີ 7 – 10 ທັນວາ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ຈະມີການພົບປະ, ເຈລະຈາ, ພົບປະກັບການນຳຂັ້ນສູງຂອງຣາຊະອານາຈັກໄທ. 2 ຝ່າຍຈະແລກປ່ຽນບັນດາທິດທາງ ແລະ ມາດຕະການຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງສອງປະເທດໃນໄລຍະ 2022 – 2027.
2 ຝ່າຍຍັງຈະແລກປ່ຽນບັນດາມາດຕະການເພີ່ມທະວີການຮ່ວມມືລະຫວ່າງບັນດາອົງການນິຕິບັນຍັດຂອງສອງປະເທດໃນຂອບເຂດສອງຝ່າຍ ແລະ ຫຼາຍຝ່າຍ; ແລກປ່ຽນບັນຫາສາກົນ ແລະພາກພື້ນທີ່ຕ່າງຝ່າຍຕ່າງມີຄວາມສົນໃຈ; ລົງນາມໃນສັນຍາຮ່ວມມືລະຫວ່າງສອງປະເທດ ແລະ ບັນດາອົງການລັດຖະສະພາ.
 |
ທ່ານປະທານສະພາແຫ່ງຊາດ ແລະ ຄະນະຈະເຂົ້າຮ່ວມບັນດາເຫດການການເມືອງ, ການທູດ, ເສດຖະກິດ, ວັດທະນະທຳ ແລະ ການສຶກສາ; ການພົບປະຊຸມຊົນຊາວຫວຽດນາມ ຢູ່ ໄທ ແລະ ບັນດາການເຄື່ອນໄຫວສຳຄັນຕ່າງໆ.
ນີ້ແມ່ນການຢ້ຽມຢາມໄທຢ່າງເປັນທາງການຄັ້ງທຳອິດຂອງທ່ານປະທານສະພາແຫ່ງຊາດ ຫງວຽນຊິງຮຸ່ງ ໃນຖານະເປັນປະທານສະພາແຫ່ງຊາດ ຫວຽດນາມ, ແລະ ກໍ່ແມ່ນການຢ້ຽມຢາມໄທຄັ້ງທຳອິດຂອງການນຳຂັ້ນສູງຫວຽດນາມ ພາຍຫຼັງການສ້າງຕັ້ງລັດຖະບານໃໝ່.
ການຢ້ຽມຢາມມີຄວາມໝາຍສຳຄັນໃນຂອບເຂດທີ່ສອງຝ່າຍຕັ້ງໜ້າຊຸກຍູ້ໂຄງການປະຕິບັດການພົວພັນຄູ່ຮ່ວມມືຍຸດທະສາດໄລຍະ 2022 - 2027 ແລະ ຕັ້ງໜ້າຜັນຂະຫຍາຍບັນດາການເຄື່ອນໄຫວສະເຫຼີມສະຫຼອງ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດ (2013 - 2023).
ຄຳຮຸ່ງ
