 | ຫວຽດນາມ ປາດຖະໜາຢາກສ້າງຂອບເຂດການພົວພັນຄູ່ຮ່ວມມືຍຸດທະສາດຮອບດ້ານກັບ ອາເມລິກາ |
| ຫວຽດນາມ ຕີລາຄາສູງການພົວພັນຄູ່ຮ່ວມມືຮອບດ້ານກັບສະຫະພາບເອີລົບ |
ສ້າງຄວາມໄວ້ເນື້ອເຊື່ອໃຈ ແລະ ປັບປຸງການພົວພັນກັບເພື່ອນມິດສາກົນ
ການທູດປະຊາຊົນແມ່ນໜຶ່ງໃນສາມເສົາຄ້ຳຂອງພື້ນຖານການທູດທີ່ທັນສະໄໝ, ຮອບດ້ານ. ໃນໄລຍະ 20 ປີແຫ່ງການກໍ່ສ້າງ ແລະ ພັດທະນານະຄອນ ເກີນເທີ, ການທູດປະຊາຊົນຂອງນະຄອນ ບັນລຸໄດ້ບັນດາຜົນງານທີ່ພາກພູມໃຈ, ປະກອບສ່ວນໂຄສະນາພາບພົດະນຄອນຕິດພັນກັບການປົກປັກຮັກສາພື້ນຖານແນວຄິດຂອງພັກ ໂດຍຜ່ານການເຄື່ອນໄຫວທີ່ອຸດົມສົມບູນ ແລະ ຫຼາກຫຼາຍແບບ.
ຂີດໝາຍ ຫວຽດນາມ - ອາເມລິກາ
ນັບແຕ່ສອງປະເທດ ໄດ້ສ້າງຕັ້ງການພົວພັນທາງການທູດ (12/7/1995), ພິເສດແມ່ນ ເມື່ອສອງປະເທດສ້າງຕັ້ງ ການພົວພັນຄູ່ຮ່ວມມືຮອບດ້ານ (ເດືອນກໍລະກົດ 2013), ການພົວພັນປະຊາຊົນ ຫວຽດນາມ - ອາເມລິກາ ພັດທະນາຢ່າງເຂັ້ມແຂງ. ການນຳສອງປະເທດ ໄດ້ອອກຖະແຫຼງການຮ່ວມ ກ່ຽວກັບການຍົກລະດັບການພົວພັນ ຫວຽດນາມ - ອາເມລິກາ ຂຶ້ນເປັນຄູ່ຮ່ວມມືຍຸດທະສາດຮອບດ້ານ, ເນື່ອງໃນໂອກາດສະເຫຼີມສະຫຼອງ 10 ປີແຫ່ງວັນສ້າງຕັ້ງ ການພົວພັນຄູ່ຮ່ວມມືຮອບດ້ານ (2013-2023), ເປັນຂີດໝາຍແຫ່ງໄລຍະປະຫວັດສາດໃໝ່ຂອງນ້ຳໃຈມິດຕະພາບ ແລະການຮ່ວມມືສອງຝ່າຍ ໃນການພົວພັນຂອງສອງປະເທດ, ເພື່ອສັນຕິພາບ ແລະ ການພັດທະນາແບບຍືນຍົງ.
 |
| ທ່ານນາງ ເລທິແທ່ງຢ່າງ, ປະທານສະຫະພັນ ບັນດາອົງການຈັດຕັ້ງມິດຕະພາບ ນະຄອນເກີນເທີ ໄດ້ມອບຫຼຽນກາລະນຶກ “ເພື່ອສັນຕິພາບ ແລະ ມິດຕະພາບ ລະຫວ່າງບັນດາຊົນເຜົ່າ” ສະຫະພັນບັນດາອົງການຈັດຕັ້ງມິດຕະພາບ ໃຫ້ແກ່ທ່ານ ສາດສະດາຈານ ປອ ຮ່າແທ່ງຕ່ວນ, ປະທານ ສະມາຄົມມິຕະພາບ ຫວຽດນາມ-ອາເມລິກາ ນະຄອນເກິນເທີ. |
ຕາມທ່ານ ສາດສະດາຈານ ປອ ຮ່າແທ່ງຕ່ວນ, ອະດີດຜູ້ອຳນວຍການ ມະຫາວິທະຍາໄລ ເກິນເທີ, ປະທານສະມາຄົມມິດຕະພາບ ຫວຽດນາມ - ອາເມລິກາ ນະຄອນແລ້ວ, ໃນໄລຍະ 2018-2023, ສະມາຄົມໄດ້ເຂົ້າຮ່ວມບັນດາການເຄື່ອນໄຫວທາງການທູດເປັນປະຈຳ; ປະສານສົມທົບເພື່ອຈັດຕັ້ງການເຄື່ອນໄຫວ ແລະ ກິດຈະກຳຫຼາຍຢ່າງ ກັບບັນດາຄູ່ຮ່ວມມືອາເມລິກາ. ສະມາຄົມໄດ້ແຈ້ງໃຫ້ຊາບກ່ຽວກັບການເຄື່ອນໄຫວມິດຕະພາບ ແລະ ການຮ່ວມມື ລະຫວ່າງສອງປະເທດເປັນປະຈຳ, ຕັກເຕືອນໃຫ້ສະມາຊິກຮັກສາ ແລະ ເສີມຂະຫຍາຍມູນເຊື້ອມິດຕະພາບ ແລະ ການຮ່ວມມື ລະຫວ່າງພັກ, ລັດຖະບານ ແລະ ປະຊາຊົນສອງປະເທດ...
ສະເພາະມະຫາວິທະຍາໄລເກິນເທີ ໄດ້ປະຕິບັດຫຼາຍໂຄງການທີ່ໄດ້ຮັບການສະໜັບສະໜູນຈາກບັນດາອົງການ ແລະ ບຸກຄົນຂອງອາເມລິກາ. ຫຼາຍກວ່າ 20 ໂຄງການສາກົນທີ່ມີຂະໜາດແຕກຕ່າງກັນ ແມ່ນໄດ້ຈັດຕັ້ງຜັນຂະຫຍາຍຢູ່ໃນຕົວເມືອງ ແລະ ບັນດາແຂວງ, ນະຄອນອື່ນໆ ໃນເຂດທົ່ງພຽງແມ່ນໍ້າຂອງ. ໃນແຕ່ລະປີ ມະຫາວິທະຍາໄລເກິນເທີ ໄດ້ຕ້ອນຮັບຄະນະຜູ້ແທນຈາກສະຖານທູດ ແລະ ສະຖານກົງສຸນ ອາເມລິກາ ມາຢ້ຽມຢາມ ແລະ ແລກປ່ຽນ ກັບມະຫາວິທະຍາໄລ ກ່ຽວກັບບັນດາໂຄງການຮ່ວມມື, ເປັນຕົ້ນແມ່ນ: ໂຄງການເຂົ້າເຖິງທຶນການສຶກສາພາສາອັງກິດ Access ໃຫ້ສໍາລັບນັກສຶກສາທີ່ມີຖານະທີ່ຫຍຸ້ງຍາກ, ໂຄງການຊ່ວຍເຫຼືອດ້ານການສິດສອນພາສາອັງກິດ (English Language Fellow) ແລະ ງານວາງສະແດງການສຶກສາ ມະຫາວິທະຍາໄລອາເມລິກາ...
ເພີ່ມທະວີວຽກງານຂໍ້ມູນຂ່າວສານການພົວພັນຕ່າງປະເທດ
ປະຈຸບັນ, ສະຫະພັນບັນດາອົງການມິດຕະພາບ ນະຄອນເກີນເທີ ມີສະມາຊິກ 21 ສະມາຄົມ; ກຳລັງສ້າງຕັ້ງການພົວພັນ ມິດຕະພາບ ແລະ ການຮ່ວມມືທີ່ດີ ກັບເກືອບ 200 ອົງການບໍ່ຂຶ້ນກັບລັດຖະບານ, ມະຫາວິທະຍາໄລ ແລະ ກົງສຸນຂອງບັນດາປະເທດ; 57 ອົງການຂອງປະຊາຊົນຢູ່ 18 ປະເທດ ແລະ ເຂດແຄ້ວນ. ບັນດາສະມາຊິກສະມາຄົມມິດຕະພາບມີຄວາມເຄົາລົບນັບຖືຢ່າງສູງ ແລະ ຮັບຮູ້ຢ່າງເລິກເຊິ່ງ ກ່ຽວກັບລະບົບການເມືອງຂອງຫວຽດນາມ, ຮັບຮູ້ບົດບາດນຳພາຂອງພັກກອມມູນິດຫວຽດນາມ ໃນລະບົບການເມືອງ.
ດ້ວຍຈິດໃຈເປັນເຈົ້າການ, ປ່ຽນແປງໃໝ່ ແລະ ຄວາມຮັບຜິດຊອບ, ບັນດາການເຄື່ອນໄຫວການທູດປະຊາຊົນ ສະຫະພັນບັນດາອົງການມິດຕະພາບ ນະຄອນ ເກີນເທີ ແລະ ສະມາຄົມສະມາຊິກ ໄດ້ຜັນຂະຫຍາຍຢ່າງແໜ້ນແຟ້ນ ຕາມໂຄງການຂອງນະຄອນ. ແຕ່ປີ 2013 ມາຮອດປະຈຸບັນ, ສະຫະພັນບັນດາອົງການມິດຕະພັບ ນະຄອນ ໄດ້ສົ່ງ ແລະ ຈັດຕັ້ງຄະນະຜູ້ແທນ 29 ຄະນະ, 138 ເທື່ອຄົນ ໄປຢ້ຽມຢາມ, ຝຶກອົບຮົມ ແລະ ພົບປະກັບຫຼາຍປະເທດຄື: ຍີ່ປຸ່ນ, ກຳປູເຈຍ, ລາວ, ອີຕາລີ, ກູບາ, ໄທ, ຈີນ, ອິນເດຍ... ແຕ່ລະປີ, ໄດ້ຕ້ອນຮັບຄະນະຜູ້ແທນການທູດ 500 ເທື່ອຄັ້ງ, ຮັບແຂກສາກົນນັບພັນເທື່ອຄົນມາຢ້ຽມຢາມ, ເຮັດວຽກ, ລົງນາມໃນການຮ່ວມມື, ແລກປ່ຽນ, ຊອກຫາກາລະໂອກາດລົງທຶນເພື່ອພັດທະນາເສດຖະກິດ, ວັດທະນະທຳ, ສັງຄົມ... ລະຫວ່າງ ນະຄອນ ເກີນເທີ ແລະ ປະເທດອື່ນໆໃນພາກພື້ນ ແລະໃນໂລກ.
ຕາມທ່ານນາງ ເລທິແທ່ງຢ່າງ, ປະທານສະຫະພັນບັນດາອົງການມິດຕະພາບ ນະຄອນເກີນເທີ ແລ້ວ, ສະຫະພັນບັນດາອົງການມິດຕະພັບ ນະຄອນເກີນເທີ ຍາມໃດກໍ່ເອົາໃຈໃສ່ເຖິງວຽກງານຂໍ້ມູນຂ່າວສານໂຄສະນາ ການພົວພັນຕ່າງປະເທດ; ເຜີຍແຜ່ທັດສະນະຂອງພັກ ກ່ຽວກັບການເປີດກວ້າງການພົວພັນມິດຕະພາບ ຮ່ວມມືກັບປະເທດຕ່າງໆ, ຖືເປັນສຳຄັນການພັດທະນາການພົວພັນມິດຕະພາບ ເຂົ້າສູ່ລວງເລິກ ກັບປະຊາຊົນບັນດາປະເທດບ້ານໃກ້ເຮືອນຄຽງ ແລະ ບັນດາປະເທດ ທີ່ມີທີ່ຕັ້ງສຳຄັນໃນນະໂຍບາຍການພົວພັນຕ່າງປະເທດ; ຮັດແໜ້ນການພົວພັນມິດຕະພາບທີ່ເປັນມູນເຊື້ອ,ເພີ່ມທະວີການພົວພັນກັບບັນດາກຳລັງຮັກສາສັນຕິພາບ ແລະ ຄວາມກ້າວໜ້າໃນໂລກ. ພ້ອມກັນນັ້ນ, ກໍ່ເພີ່ມທະວີວຽກງານຂອງຊາວຫວຽດນາມ ຢູ່ຕ່າງປະເທດໃຫ້ກາຍເປັນແນວໂຮມຂອງທົ່ວປວງຊົນ ໃນການເຮັດວຽກງານການທູດປະຊາຊົນ.
ນອກນັ້ນ, ສະຫະພັນບັນດາອົງການມິດຕະພາບ ນະຄອນ ກໍ່ມີຄວາມສົນໃຈໃນການເປີດກວ້າງການພົວພັນສາກົນ ແລະ ການພົບປະແລກປ່ຽນມິດຕະພາບ. ໂດຍສະເລ່ຍແລ້ວ ແຕ່ລະປີ, ສະຫະພັນບັນດາອົງການມິດຕະພາບ ນະຄອນ ທີ່ເປັນເຈົ້າພາບ, ເປັນເຈົ້າພາບຮ່ວມ ຈັດຕັ້ງ 20 ກວ່າເຫດການ ແລະ ການເຄື່ອນໄຫວເພື່ອສັນຕິພາບ, ມິດຕະພາບ, ການແລກປ່ຽນປະຊາຊົນ; ເຜີຍແຜ່ ແລະ ໂຄສະນາກ່ຽວກັບປະຫວັດສາດແຫ່ງການສ້າງຕັ້ງ ແລະ ການພັດທະນາ ກໍ່ຄືຄວາມງາມທາງດ້ານວັດທະນະທໍາ ແລະ ອາຫານຂອງແຕ່ລະປະເທດໃຫ້ແກ່ປະຊາຊົນຂອງນະຄອນ. ໃນສະເພາະປີ 2023 ສະຫະພັນບັນດາອົງການມິດຕະພາບ ນະຄອນ ແລະ ບັນດາສະມາຊິກ ໄດ້ສົມທົບກັບສະຖານກົງສຸນຂອງບັນດາປະເທດ ແລະ ບັນດາຫົວໜ່ວຍທີ່ກ່ຽວຂ້ອງ ໄດ້ຈັດຕັ້ງບັນດາເຫດການການເມືອງການຕ່າງປະເທດຄື: ວັນບຸນນຳໃຊ້ພາສາຝະລັ່ງ ຢູ່ເຂດທົ່ງພຽງແມ່ນ້ຳຂອງ ຄັ້ງທີ 23 ຢູ່ນະຄອນ ເກິນເທີ; ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ ແລະ ໂຮນລັງ ແລະ ກອງປະຊຸມສຳມະນາກ່ຽວກັບບັນດາເປົ້າໝາຍການພັດທະນາແບບຍືນຍົງ (SDG); ໂຄງການສິລະປະຂອງກຸ່ມການເຕັ້ນ ພື້ນເມືອງ Bharatnatyam ອິນເດຍ; ການພົບປະແລກປ່ຽນວັດທະນະທຳ ແລະ ການຄ້າ ຫວຽດນາມ - ຍີ່ປຸ່ນ... ເຊິ່ງໄດ້ຮັບການຕີລາຄາສູງຈາກເພື່ອນມິດສາກົນ, ປະກອບສ່ວນເພີ່ມທະວີຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນນະຄອນ ແລະ ເພື່ອນມິດສາກົນ.
ທ່ານນາງ ເລທິແທ່ງຢ່າງ ໃຫ້ຮູ້ວ່າ: ໃນການປະຕິບັດບັນດາໜ້າທີ່ສຳຄັນ ແລະ ເປັນປະຈຳ, ສະຫະພັນບັນດາອົງການຈັດຕັ້ງມິດຕະພາບ ນະຄອນ ສືບຕໍ່ຖືເປັນສຳຄັນການຕິດພັນການປົກປັກຮັກສາພື້ນຖານແນວຄິດຂອງພັກ, ຕໍ່ສູ້ຕ້ານກັບອິດທິກຳລັງປໍລະປັກຂອງສັດຕູ, ກໍ່ສ້າງ ແລະ ໂຄສະນາຮູບພາບສັນຕິພາບ ແລະ ໝັ້ນຄົງ, ດຶງດູດການສະໜັບສະໜູນ ແລະ ແບ່ງປັນຂອງປະຊາຄົມໂລກ..., ປະກອບສ່ວນຢ່າງມີປະສິດທິຜົນ ເຂົ້າໃນນະໂຍບາຍການຕ່າງປະເທດ ຂອງນະຄອນ.
ອານຸໄຊ ສະຫວັດ
