| HUFO ສະເຫຼີມສະຫຼອງວັນຊາດຂອງສາທາລະນະລັດ ຣູມານີ ຄົບຮອບ 104 ປີ | |
| ສະມາຄົມມິດຕະພາບຫວຽດນາມ - ຣູມານີ: ມານະພະຍາຍາມປະຕິບັດບັນດາກິດຈະກໍາທີ່ມີຄວາມໝາຍໃນສະພາບການໂລກລະບາດ COVID-19 |
ກ່າວຄຳເຫັນທີ່ພິທີ, ທ່ານນາງ Cristina Romila ໃຫ້ຮູ້ວ່າ: ການພົວພັນມິດຕະພາບລະຫວ່າງປະຊາຊົນສອງປະເທດ ຫວຽດນາມ - ຣູມານີ ໄດ້ມີມາແຕ່ດົນນານ ແລະ ນັບມື້ນັບເພີ່ມທະວີ, ເພີ່ມພູນຄູນສ້າງຜ່ານບັນດາການເຄື່ອນໄຫວແລກປ່ຽນປະຊາຊົນ.
ການເຄື່ອນໄຫວທີ່ຟົດຟື້ນຫຼາຍຢ່າງຄື: ການໂອ້ລົມສົນທະນາ, ກອງປະຊຸມ, ສຳມະນາ, ງານວາງສະແດງ ໄດ້ຮັບການຈັດຕັ້ງເພື່ອແນໃສ່ຊຸກຍູ້ການຮ່ວມມືດ້ານເສດຖະກິດ ຫວຽດນາມ - ຣູມານີ ດ້ວຍການເຂົ້າຮ່ວມຂອງຜູ້ແທນວິສາຫະກິດ 2 ປະເທດເປັນຈຳນວນຫຼວງຫຼາຍ. ຣູມານີ ໄດ້ໜູນຊ່ວຍຫວຽດນາມ ໃນການບຳລຸງສ້າງນັກສຶກສາ 4.000 ກວ່າຄົນ. ຫຼັງຈາກກັບຄືນປະເທດ, ນັກສຶກສາທຸກຄົນໄດ້ມີການປະກອບສ່ວນໃນການພັດທະນາຂອງປະເທດຊາດ. ໃນ 2 ປີທີ່ຜ່ານມາ, ມະຫາວິທະຍາໄລ ຣູມານີ 10 ແຫ່ງໄດ້ມາຫວຽດນາມ ເພື່ອໂຄສະນາ ແລະ ຮັບສະໝັກນັກສຶກສາ.
 |
| ການພົບປະມິດຕະພາບເນື່ອງໃນໂອກາດສະເຫຼີມສະຫຼອງ 105 ປີແຫ່ງວັນຊາດ ຣູມານີ (ພາບ: ດິງຮ່ວາ) |
ໃນໄລຍະ 2019-2022, ວົງເງິນການຄ້າສອງຝ່າຍລະຫວ່າງ ຫວຽດນາມ ແລະ ຣູມານີ ໄດ້ເພີ່ມຂຶ້ນ 1,66 ເທົ່າ ຈາກ 261 ລ້ານ USD ຂຶ້ນເປັນ 425 ລ້ານ USD. ທ່ານນາງ Cristina ຄາດຄະເນວ່າ, ໃນຈຳນວນນີ້ຈະສືບຕໍ່ເພີ່ມຂຶ້ນສູງຍ້ອນຄວາມສາມາດບົ່ມຊ້ອນການຮ່ວມມືລະຫວ່າງ ຫວຽດນາມ ແລະ ຣູມານີ ຍັງມີຫຼາຍຄຳໝັ້ນສັນຍາ. 2 ຝ່າຍສາມາດເປີດກວ້າງການຮ່ວມມືໃນບັນດາຂົງເຂດຜະລິດຕະພັນກະເສດ, ອາຫານທະເລ, ເກີບໜັງ; ການບຳລຸງສ້າງໃນຂະແຫນງຍຸດທະສາດຈໍານວນຫນຶ່ງເຊັ່ນ: ອຸດສາຫະກໍາການກໍ່ສ້າງ, ກະສິກໍາ, ການແພດ ແລະ ການຢາ ...
ທ່ານນາງ Cristina ໃຫ້ຮູ້ວ່າ: ໃນໄລຍະຈະມາເຖິງ, ຈະມີການພົບປະແລກປ່ຽນວັດທະນະທຳ ແລະ ສິລະປະຫຼາຍຢ່າງ, ປະກອບສ່ວນເພີ່ມທະວີຄວາມເຂົ້າໃຈຊຶ່ງກັນແລະກັນ ແລະ ເຊື່ອມຕໍ່ປະຊາຊົນສອງປະເທດ. ເຫດການພົ້ນເດັ່ນແມ່ນການສະແດງວົງດົນຕີປະສານສຽງຂອງ Romanian Bucharest Symphony Orchestra ຢູ່ ຫວຽດນາມ; ລາຍການດົນຕີ “Concert Harmonia” ດ້ວຍການເຂົ້າຮ່ວມຂອງບັນດານັກສິລະປິນຫວຽດນາມ ແລະ ຣູມານີ...
 |
| ທ່ານ ໂຮ່ກວາງເລີ້ຍ, ປະທານສະມາຄົມມິດຕະພາບ ຫວຽດນາມ - ຣູມານີ ມອບດອກໄມ້ໃຫ້ທ່ານນາງ Cristina Romila ເອກອັກຄະລັດຖະທູດ ຣູມານີ ປະຈຳ ຫວຽດນາມ ເນື່ອງໃນໂອກາດສະເຫຼີມສະຫຼອງ 105 ປີແຫ່ງວັນຊາດ ຣູມານີ (ພາບ: ດິງຮ່ວາ) |
ຕາມທ່ານ ໂຮ່ກວາງເລີ້ຍ, ປະທານສະມາຄົມມິດຕະພາບ ຫວຽດນາມ - ຣູມານີ ແລ້ວ, ການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານລະຫວ່າງ 2 ປະເທດນັບມື້ນັບໄດ້ເປີດກວ້າງ, ພັດທະນາ ແລະ ເຂົ້າສູ່ລວງເລິກໃນທຸກຂົງເຂດຄື: ການເມືອງ, ການທູດ, ການຄ້າ, ກະສິກຳ, ອຸດສາຫະກຳ, ແຮງງານ, ການທ່ອງທ່ຽວ, ການສຶກສາ ແລະ ການບຳລຸງສ້າງ... ສອງປະເທດແມ່ນຄູ່ຮ່ວມມືທີ່ໄວ້ເນື້ອເຊື່ອໃຈຕະຫຼອດມາ, ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສສາກົນ.
ໂດຍສະແດງຄວາມຊົມເຊີຍທີ່ພິທີສະເຫຼີມສະຫຼອງ 105 ປີແຫ່ງວັນຊາດ ຣູມານີ, ທ່ານ ໂຮ່ກວາງເລີ້ຍ ປາດຖະໜາວ່າ 2 ປະເທດຈະສືບຕໍ່ຊຸກຍູ້ການພົວພັນຮ່ວມມືທີ່ເປັນມູນເຊື້ອ, ເພື່ອຄວາມສາມັກຄີ, ມິດຕະພາບ, ການຮ່ວມມື ຫວຽດນາມ - ຣູມານີ ຍາມໃດກໍ່ນັບມື້ນັບເຂັ້ມແຂງ ແລະ ກ້າວໄປທາງໜ້າ.
ເນື່ອງໃນໂອກາດນີ້, ສະມາຄົມມິດຕະພາບ ຫວຽດນາມ - ຣູມານີ ໄດ້ມອບຫຼຽນກາທີ່ລະນຶກມິດຕະພາບ ຫວຽດນາມ - ຣູມານີ ໃຫ້ 15 ບຸກຄົນ ແລະ ໃບຍ້ອງຍໍຂອງສູນກາງສະມາຄົມມິດຕະພາບ ຫວຽດນາມ - ຣູມານີ ໃຫ້ 7 ໝູ່ຄະນະ ແລະ 14 ບຸກຄົນທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການເຄື່ອນໄຫວສະມາຄົມກໍ່ຄືການພົວພັນມິດຕະພາບລະຫວ່າງປະຊາຊົນສອງປະເທດ.
ດີງເລື້ອງ
