ເທສະບານເມືອງ ກີແອງ ເຊັນຮ່ວມມືກັບເມືອງ ຄູນຄຳ ຂອງ ລາວ

	ພິທີເປີດມອບ-ຮັບໂຄງການກໍ່ສ້າງ ຫ້ອງການ ປກສ ເມືອງ ດາກຈຶງ (ລາວ)
	​ຕໍ່າຫູກ - ວັດ​ທະ​ນະ​ທຳ​ພື້ນ​ເມືອງ ​ທີ່​ເປັນ​ເອ​ກະ​ລັກ​ສະ​ເພາະ​ຂອງ​ຊົນ​ເຜົ່າ ກະຕູ່ ຢູ່​ຫວຽດ​ນາມ ແລະ ລາວ

ແຕ່​ວັນ​ທີ 24-25 ພະຈິກ​ນີ້, ຄະນະ​ຜູ້​ແທນເທສະບານເມືອງ ກີແອງ ​ໄດ້​ໄປ​ຢ້ຽມຢາມ ​ແລະ ​ເຮັດ​ວຽກ​ກັບ​ເມືອງ​ຄູນ​ຄຳ (​ແຂວງ​ຄຳ​ມ່ວນ - ລາວ). 2 ຝ່າຍ​ໄດ້​ພົບປະ​ເພື່ອ​ປຶກສາ​ຫາລື​ບັນດາ​ບັນຫາ​ທີ່​ຕ່າງຝ່າຍຕ່າງມີ​ຄວາມ​ສົນ​ໃຈ ແລະ ​ໄດ້​ເຊັນຂໍ້ຕົກລົງກັນ​ຮ່ວມ​ມື ໄລຍະ 2023 – 2025.

ການ​ນຳເທສະບານເມືອງ ກີ​ແອງ ​ແລະ ​ເມືອງ​ຄູນ​ຄຳ ​ໄດ້ເຊັນຕົກລົງກັນ​ຮ່ວມ​ມື

ຕາມຂໍ້ຕົກລົງຮ່ວມ​ມື​ທີ່​ໄດ້​ເຊັນແລ້ວ, 2 ຝ່າຍ​ສືບ​ຕໍ່​ປະຕິບັດ​​ບັນດາ​ນະ​ໂຍບາຍ ​ແລະ ​ແນວທາງ​ການ​ຕ່າງປະ​ເທດ​ຂອງ 2 ພັກ, 2 ລັດຖະບານ ​ແລະ ສັນຍາເຂດ​ຊາຍ​ແດນ​ຂອງ​ສາທາລະນະ​ລັດ ສັງຄົມນິຍົມ ຫວຽດນາມ ແລະ ສາທາລະນະລັດ ປະຊາທິປະໄຕ ປະຊາຊົນລາວ; ປະຕິບັດ​ບັນດາ​ເນື້ອ​ໃນ​ທີ່​ໄດ້​​ເຊັນໃນ​ກອງ​ປະຊຸມຂັ້ນສຸງລະຫວ່າງ 2 ​ແຂວງ ຮ່າ​ຕິ້ງ ​ແລະ ຄຳ​ມ່ວນ ​ໃນ​ວັນ​ທີ 27 ມີນາ 2023 ໃຫ້ເປັນຢ່າງ​ດີ.

ສອງຝ່າຍໄດ້ເຜີຍແຜ່ ແລະ ແລກປ່ຽນຂໍ້ມູນຂ່າວສານຢ່າງເປັນປົກກະຕິກ່ຽວກັບສະພາບການເສດຖະກິດ-ສັງຄົມ, ປ້ອງກັນຊາດ-ປ້ອງກັນຄວາມສະຫງົບ, ບັນດາທ່າແຮງ, ຄວາມສາມາດບົ່ມຊ້ອນໃນການພັດທະນາໃຫ້ແກ່ພະນັກງານ ແລະປະຊາຊົນຂອງສອງທ້ອງຖິ່ນ, ໂດຍສະເພາະແມ່ນລຸ້ນໜຸ່ມ. ປະສານ​ສົມທົບ​ກັນກວດກາ​ຄືນ​ບັນດາ​ຂະ​ແໜງການ ແລະ ຂົງ​ເຂດ​ທີ່​ມີຜົນປະໂຫຍດຄ້າຍຄື​ກັນ ເພື່ອ​ຮ່ວມ​ມື​ກັນ ແລະ ​ແລກປ່ຽນ​ປະສົບການລະຫວ່າງ​ບັນດາຫ້ອງການ, ຄະນະ, ຂະແໜງການ, ຫົວໜ່ວຍ, ອົງການ​ການ​ເມືອງ-ສັງຄົມ, ທ້ອງ​ຖິ່ນ ​ເພື່ອ​ເຊື່ອມ​ໂຍງ ​ແລະ ຮ່ວມ​ມື​ໃນ​ຫລາຍ​ຂົງ​ເຂດ​ທີ່ມີຄວາມ​ຕ້ອງການ.

ທີ່​ການພົບປະ, ການ​ນຳເທສະບານເມືອງ ກີແອງ ແລະ ​ເມືອງ ຄູນ​ຄຳ ຢືນຢັນ​ວ່າ ການ​ພົວພັນ​ຮ່ວມ​ມື​ລະຫວ່າງ​ບັນດາຫ້ອງການ, ຄະນະ, ຂະແໜງການ, ຫົວໜ່ວຍ, ອົງການການເມືອງ-ສັງຄົມ, ທ້ອງຖິ່ນຂອງ 2 ຝ່າຍ ​ແມ່ນເພື່ອ​ກໍ່ສ້າງ​ສາຍ​ພົວພັນ​ຮ່ວມ​ມື​ຮອບດ້ານໃນ​ທຸກ​ຂົງ​ເຂດ, ປັບປຸງບັນດາ​ຫົວໜ່ວຍ​ຕົວ​ແບບ​ໃນ​ຮູບ​ແບບ​ການ​ຮ່ວມ​ມື​ມິດຕະພາບ​ແບບ​ພິ​ເສດ​ຂອງ​ສອງ​ພັກ, ສອງ​ລັດ, ສອງ​ແຂວງ; ສືບ​ຕໍ່​ພັດ​ທະ​ນາເທສະບານເມືອງ ກີແອງ ແລະ ເມືອງ​ຄູນ​ຄຳ ຢ່າງ​ບໍ່​ຢຸດ​ຢັ້ງ; ພ້ອມ​ກັນ​ນັ້ນ ກໍ່ໄດ້​ເຫັນ​ດີ​ເປັນເອກະພາບຢ່າງເປັນ​ທາງ​ການໃນການ​ສ້າງ​ການ​ພົວພັນ​ຮ່ວມ​ມື​ມິດຕະພາບ​ທີ່​ເປັນ​ມູນ​ເຊື້ອ.

​ເນື່ອງ​ໃນ​ໂອກາດ​ນີ້, ເທສະບານເມືອງ ກີແອງ ​ໄດ້​ມອບໃຫ້​ເມືອງ ຄູນນຄຳ ​ເຄື່ອງ​ຄອມ​ພິວ​ເຕີ 10 ຊຸດ, ຂອງຂວັນ 100 ​ພູດ ​ເພື່ອ​ໜູນ​ຊ່ວຍ​ປະຊາຊົນຜູ້​ປະສົບ​ໄພ​ນ້ຳ​ຖ້ວມ ແລະ ​ບັນດາສືື່ສິ່ງ​ພິມ, ຜະລິດ​ຕະພັນ OCOP ​ທີ່ເປັນເອກະລັກພິເສດຂອງ​ທ້ອງ​ຖິ່ນ.

ໃນ​ຂອບ​ເຂດ​ການ​ຢ້ຽມຢາມ, ​ເຮັດ​ວຽກ​ຢູ່ເມືອງ ຄູນ​ຄຳ (​ແຂວງ​ຄຳ​ມ່ວນ), ຄະນະ​ປະຕິບັດວຽກງານຂອງເທສະບານເມືອງ ກີແອງ ໄດ້​ຈັດ​ຕັ້ງ​ການ​ຈູດ​ທູບ​ທຽນບູຊາ​ຢູ່ຫໍບູຊາທະຫານອາສາສະໝັກທີ່​ເສຍສະຫຼະຊີວິດຢູ່ ລາວ ແລະ ​ຊອກ​ຮູ້​ກ່ຽວ​ກັບ​ບາງ​ສະຖານທີ່, ໂຄງ​ການ​ທີ່​ສຳຄັນຢູ່​ໃນບໍລິເວນ.