| ປກສ ແຂວງຄໍາມ່ວນ (ລາວ) ຢ້ຽມຢາມ, ອວຍພອນຕໍາຫຼວດແຂວງກວາງບິ່ງ ເນື່ອງໃນໂອກາດບຸນປີໃໝ່ປະຈໍາຊາດ ປີເຖາະ 2023 | |
| ກອງບັນຊາການທະຫານຊາຍແດນແຂວງດ້ຽນບຽນ ແລະກອງບັນຊາການ ປກສ ແຂວງຫຼວງພະບາງ ຈັດການພົບປະຮ່ວມມືຄັ້ງທີ 10 |
ຕອນເຊົ້າວັນທີ 5 ພະຈິກນີ້, ຢູ່ເມືອງ ດາກຈຶງ ແຂວງເຊກອງ ສປປລາວ, ຕຳຫຼວດແຂວງ ກວ໋າງນາມ ສສ ຫວຽດນາມ ໄດ້ສົມທົບກັບ ປກສ ແຂວງ ເຊກອງ ຈັດຕັ້ງພິທີເປີດນໍ້າໃຊ້ ແລະມອບ-ຮັບໂຄງການກໍ່ສ້າງ ຫ້ອງການ ປກສ ເມືອງ ດາກຈຶງ.
 |
| ພິທີເປີດມອບ-ຮັບໂຄງການກໍ່ສ້າງ ຫ້ອງການ ປກສ ເມືອງ ດາກຈຶງ (ລາວ). ພາບ: baoquangnam.vn |
ໂຄງການໄດ້ເລີ່ມລົງມືກໍ່ສ້າງໃນວັນທີ 29 ສິງຫາ 2022 ແລະ ໄດ້ສຳເລັດຕາມຄວາມຄືບໜ້າທີ່ວາງໄວ້. ໂຄງການມີມູນຄ່າການກໍ່ສ້າງທັງໝົດ 10,6 ຕື້ດົ່ງ, ແຂວງກວ໋າງນາມ ໄດ້ເຫັນດີເປັນເອກະພາບລົງທຶນກໍ່ສ້າງ ມອບເປັນຂອງຂວັນໃຫ້ແຂວງ ເຊກອງ ແລະ ມອບໝາຍໃຫ້ ປກສ ແຂວງ ກວ໋າງນາມ ເປັນເຈົ້າຂອງໂຄງການ.
 |
| ການນຳສອງແຂວງຕັດແຖບຜ້າເປີດນໍາໃຊ້ ແລະມອບ-ຮັບໂຄງການ ພາບ: baoquangnam.vn |
ຫ້ອງການ ປກສ ເມືອງ ດາກຈຶງ ໄດ້ກໍ່ສ້າງໃນເນື້ອທີ່ 801 ຕາແມັດ ລວມມີ ສະໂມສອນ 1 ຫ້ອງ, ຫ້ອງເຮັດວຽກ 9 ຫ້ອງ, ... ເພື່ອຮັບໃຊ້ຄວາມຕ້ອງການໃນການປະຕິບັດໜ້າທີ່ຂອງພະນັກງານ, ນັກຮົບຕຳຫຼວດເມືອງ ດາກຈຶງ. ຄວາມງາມ ແລະຄຸນນະພາບຂອງໂຄງການ ແມ່ນຮັບປະກັນຕາມຄວາມຮຽກຮ້ອງຕ້ອງການຂອງການອອກແບບ, ໄດ້ຮັບການກວດກາ ແລະ ຮັບຮອງຈາກອົງການເຈົ້າໜ້າທີ່ຂອງແຂວງກວ໋າງນາມ ແລະ ແຂວງເຊກອງ ກ່ອນຈະນຳເຂົ້າໃຊ້ງານ.
 |
| ຕຳຫຼວດແຂວງ ກວ໋າງນາມ ມອບຢຸກຢາ ແລະອຸປະກອນການແພດໃຫ້ ປກສ ແຂວງເຊກອງ. ພາບ: baoquangnam.vn |
ເລື່ອງຊ່ວຍເຫຼືອແຂວງ ເຊກອງ ລົງທຶນກໍ່ສ້າງຫ້ອງການ ປກສ ເມືອງ ດາກຈຶງ ໄດ້ປະກອບສ່ວນປັບປຸງເງື່ອນໄຂຂອງການເຮັດວຽກໃຫ້ ປກສ ເມືອງ, ພ້ອມທັງປະກອບສ່ວນຮັດແໜ້ນສາຍພົວພັນມິດຕະພາບ ແລະຄວາມສາມັກຄີແບບພິເສດລະຫວ່າງ 2 ປະເທດຫວຽດນາມ - ລາວ ເວົ້າລວມ, ແຂວງ ກວ໋າງນາມ - ເຊກອງ ເວົ້າສະເພາະ, ພິເສດແມ່ນກຳລັງຕຳຫຼວດ 2 ແຂວງ ໃນວຽກງານສົມທົບກັນຮັບປະກັນຄວາມສະຫງົບແຫ່ງຊາດ ແລະຄວາມເປັນລະບຽບຮຽບຮ້ອຍຂອງສັງຄົມ, ສະກັດກັ້ນ, ຕ້ານອາດຊະຍາກຳ
ກ່າວຄຳເຫັນທີ່ພິທີເປີດນໍາໃຊ້, ທ່ານພົນຈັດຕະວາ ຫງວຽນດຶກຢຸງ, ຫົວໜ້າຕຳຫຼວດແຂວງ ກວ໋າງນາມ ຢືນຢັນວ່າ: ໂຄງການແມ່ນສັນຍາລັກແຫ່ງຄວາມສາມັກຄີ, ມິດຕະພາບລະຫວ່າງແຂວງກວ໋າງນາມ ແລະ ແຂວງເຊກອງ ເວົ້າລວມ ແລະ ລະຫວ່າງຕຳຫຼວດສອງແຂວງເວົ້າສະເພາະ. ຕຳຫຼວດແຂວງ ກວ໋າງນາມ ຍາມໃດກໍ່ຄຽງບ່າຄຽງໄຫຼ່ກັບພະນັກງານ, ນັກຮົບຂອງ ປກສ ແຂວງ ເຊກອງ ເພື່ອຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍຕາມຄວາມສາມາດ ແລະ ເງື່ອນໄຂທີ່ເປັນໄປໄດ້.
ບູນມີ
