| ຊາວໜຸ່ມຫວຽດນາມ - ຍີ່ປຸ່ນ 100 ຄົນ ຮຽນທັກສະການທູດ | |
| ແນະນຳເລື່ອງພາບ Ehon ສອງພາສາຫວຽດນາມ - ຍີ່ປຸ່ນ ຈຳນວນ 100 ຫົວ ໃຫ້ແກ່ເດັກນ້ອຍຫວຽດນາມ |
ໂຄງການດັ່ງກ່າວແມ່ນຢູ່ໃນຂອບເຂດການເຄື່ອນໄຫວພົບປະແລກປ່ຽນຊາວໜຸ່ມ ແລະ ນັກຮຽນ ຍີ່ປຸ່ນ - ອາຊີຕາເວັນອອກ 2023 ດ້ວຍການເຂົ້າຮ່ວມຂອງນັກສຶກສາ 320 ກວ່າຄົນທີ່ມາຈາກບັນດາໂຮງຮຽນປະຖົມ ແລະ ມັດທະຍົມຫວຽດນາມ ແລະ ໂຮງຮຽນມັດທະຍົມປາຍ Sumiyoshi (ຍີ່ປຸ່ນ).
 |
| ບັນດານັກສຶກສາຮ້ອງບົດເພງມິດຕະພາບ ຍີ່ປຸ່ນ - ຫວຽດນາມ “Tomodachi - ຄວາມຮັກໝູ່ເພື່ອນ”. (ພາບ: doanthanhnien.vn) |
ຢູ່ທີ່ນີ້, ເດັກນ້ອຍໄດ້ຊົມການສະແດງດົນຕີທີ່ເປັນເອກະລັກສະເພາະຫຼາຍຢ່າງທີ່ໄດ້ຮັບການຕີລາຄາທາງດ້ານວັດທະນະທຳຂອງແຕ່ລະປະເທດເຊັ່ນ: Mashup “ເດັກນ້ອຍຮູ້ຄວາມ”, “ຄວາມຮັກໝູ່ເພື່ອນທີ່ມະຫັດສະຈັນ”, ການຟ້ອນພື້ນເມືອງຂອງປະເທດ ຍີ່ປຸ່ນ “Kawachi Ondo”…
ບັນດານັກຮຽນໄດ້ພ້ອມກັນຮ້ອງເພງສອງພາສາ "Tomodachi - ຄວາມຮັກໝູ່ເພື່ອນ". ນີ້ແມ່ນບົດເພງຍ້ອງຍໍມິດຕະພາບ ຍີ່ປຸ່ນ - ຫວຽດນາມ ດ້ວຍເນື້ອໃນກ່ຽວກັບຄວາມຮັກແພງທີ່ສະເໝີພາບ ໂດຍບໍ່ຈຳແນກໄລຍະຫ່າງ, ອາຍຸ, ຊົນເຜົ່າ, ສີຜິວ, ພຽງແຕ່ພວກເຮົາສາມັກຄີ, ເຂົ້າໃຈ, ກໍ່ຈະພ້ອມກັນສ້າງໂລກທີ່ດີງາມ, ມີຄວາມຜາສຸກ. .
ນອກຈາກນັ້ນ, ບັນດານັກສຶກສາ ແລະ ບັນດາຜູ້ແທນກໍ່ໄດ້ພ້ອມກັນແຕ້ມຕື່ມສີສັນ ແລະ ເຮັດສຳເລັດພາບກ່ຽວກັບຄວາມງາມຂອງວັດທະນະທຳ ແລະ ມິດຕະພາບລະຫວ່າງ 2 ປະເທດ ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ.
ຜູ້ຕາງໜ້າກຸ່ມນັກຮຽນຍີ່ປຸ່ນ ກໍ່ໃຫ້ຮູ້ວ່າ: ລາຍການດັ່ງກ່າວມີຫຼາຍການເຄື່ອນໄຫວແລກປ່ຽນທີ່ມ່ວນຊື່ນ ແລະ ມີຄວາມໝາຍ. ພວກຂ້າພະເຈົ້າຈະຊຸກຍູ້ມູນເຊື້ອປົກປັກຮັກສາການພົວພັນທີ່ດີລະຫວ່າງ ຫວຽດນາມ ແລະ ຍີ່ປຸ່ນ”.
ທ່ານນາງ ຟ້າມທິທຽນງາ, ຜູ້ອຳນວຍການໂຮງຮຽນປະຖົມ ຫງວຽນບ໋າຫງອກ (ບ່າດິ່ງ, ຮ່າໂນ້ຍ) ໃຫ້ຮູ້ວ່າ: ໂຮງຮຽນມີຄວາມສົນໃຈໃນການບຳລຸງທາງດ້ານຄວາມຮູ້ສຶກ ແລະ ຄວາມງາມໃຫ້ແກ່ນັກຮຽນ, ໃນນັ້ນ ມີບຳລຸງນ້ຳໃຈຂອງບັນດານ້ອງນັກຮຽນກັບໝູ່ເພື່ອນ ແລະ ປະຊາຊົນຍີ່ປຸ່ນ. ທ່ານຫວັງວ່າ ໃນຕໍ່ໜ້າ, ບັນດາໂຮງຮຽນຈະມີບັນດາການເຄື່ອນໄຫວແລກປ່ຽນຫຼາຍກວ່າອີກ, ເພື່ອແນໃສ່ເພີ່ມທະວີການພົວພັນມິດຕະພາບລະຫວ່າງນັກສຶກສາ 2 ປະເທດ.
ດີງເລື້ອງ
