| ແນະນຳເລື່ອງພາບ Ehon ສອງພາສາຫວຽດນາມ - ຍີ່ປຸ່ນ ຈຳນວນ 100 ຫົວ ໃຫ້ແກ່ເດັກນ້ອຍຫວຽດນາມ | |
| ສື່ມວນຊົນ ຍີ່ປຸ່ນ ໄດ້ໃຫ້ຂ່າວ ແລະ ບົດກ່ຽວກັບການຢ້ຽມຢາມ ຫວຽດນາມ ຂອງທ່ານນາຍົກລັດຖະມົນຕີ ຍີ່ປຸ່ນ |
ຕາມນັ້ນແລ້ວ, ແຕ່ວັນທີ 13-19 ພະຈິກ, ນັກຮຽນມັດທະຍົມປາຍຫວຽດນາມ 50 ຄົນ ແລະ ນັກຮຽນມັດທະຍົມປາຍຍີ່ປຸ່ນ 50 ຄົນຈະໄດ້ຮັບການປະກອບທັກສະເພື່ອກາຍເປັນນັກການທູດໃນອະນາຄົດຄື: ເຄັດລັບເພື່ອຮຽນພາສາຕ່າງປະເທດເກັ່ງ ແລະ ໝູນໃຊ້ເຂົ້າໃນວຽກງານການທູດ, ບັນດາສິ່ງທີ່ຮຸ່ນໜຸ່ມຕ້ອງເຮັດເພື່ອປະກອບສ່ວນໃຫ້ການພົວພັນມິດຕະພາບຫວຽດນາມ - ຍີ່ປຸ່ນ ຫຼາຍຂຶ້ນ.
 |
ໂຄງການ ''ເອກອັກຄະລັດຖະທູດຂອງຊາວໜຸ່ມ 2023" |
ຕາມຄະນະຈັດຕັ້ງແລ້ວ, ໂຄງການ ''ເອກອັກຄະລັດຖະທູດຊາວໜຸ່ມ 2023" ເພື່ອຊຸກຍູ້ການພົວພັນມິດຕະພາບລະຫວ່າງບັນດາປະເທດ, ສ້າງສະໜາມໃຫ້ຊາວໜຸ່ມຍີ່ປຸ່ນ ແລະ ຊາວໜຸ່ມຕ່າງປະເທດ ສາມາດພົບປະກັນໂດຍກົງ, ຮຽນຮູ້ວັດທະນະທຳ ແລະ ປະຫວັດສາດຂອງກັນແລະກັນ. ປີນີ້, ໂຄງການດັ່ງກ່າວໄດ້ຮັບການຈັດຕັ້ງໃນຂອບເຂດການເຄື່ອນໄຫວແລກປ່ຽນຂອງລຸ້ນໜຸ່ມລະຫວ່າງສອງປະເທດເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ.
ທ່ານ ເຈີ່ນດັງເຫງຍ, ຮອງຫົວໜ້າຫ້ອງການສຶກສາຂັ້ນມັດທະຍົມ, ພະແນກການສຶກສາ ແລະ ບຳລຸງສ້າງ ຮ່າໂນ້ຍ ໃຫ້ຮູ້ວ່າ: ບັນດານັກຮຽນທີ່ຖືກຄັດເລືອກເຂົ້າຮ່ວມການແລກປ່ຽນຄັ້ງນີ້ລ້ວນແຕ່ແມ່ນນັກຮຽນທີ່ມີລະດັບຄວາມຮູ້ທີ່ເກັ່ງ, ມີຄວາມສາມາດສື່ສານດ້ວຍພາສາຕ່າງປະເທດ, ໃນນັ້ນ ມີນັກຮຽນຫຼາຍຄົນທີ່ຮູ້ພາສາຍີ່ປຸ່ນ.
ທ່ານ ເຈີ່ນດັງເຫງຍ ກ່າວວ່າ: "ຫວັງວ່າ ຄວາມນິຍົມ, ຄວາມກະຕືລືລົ້ນໃນການຊອກຮູ້ກ່ຽວກັບຍີ່ປຸ່ນ, ປະຫວັດສາດ ແລະ ວັດທະນະທຳຍີ່ປຸ່ນ ຂອງນັກຮຽນຈະຊ່ວຍນັກຮຽນສາມາດເຊື່ອມຕໍ່ກັບນັກຮຽນຍີ່ປຸ່ນ, ຜ່ານນັ້ນ ກໍ່ສືບຕໍ່ຮັກສາມູນເຊື້ອການພົວພັນມິດຕະພາບທີ່ດີງາມລະຫວ່າງສອງປະເທດ.
ອຸປະທູດຊົ່ວຄາວສະຖານທູດຫວຽດນາມ ປະຈຳຍີ່ປຸ່ນ ຫງວຽນດຶກມິງ ກໍ່ປາຖະໜາວ່າ ຜ່ານໂຄງການ, ນັກຮຽນ 2 ປະເທດຈະມີການຢ້ຽມຢາມທີ່ມີປະໂຫຍດ ແລະ ມີຄວາມໝາຍ, ມີຄວາມຊົງຈຳອັນລ້ຳຄ່າ, ມີໝູ່ເພື່ອນໃໝ່, ເປີດກວ້າງຄວາມຮູ້ ແລະ ວິໄສທັດຂອງວຽກງານການທູດ, ເປັນຂົວຕໍ່ເພື່ອເພີ່ມທະວີການພົວພັນລະຫວ່າງຫວຽດນາມ ແລະ ຍີ່ປຸ່ນ.
ນ້ອງ Sana Higashionna (ໂຮງຮຽນມັດທະຍົມຕອນປາຍ Naha Kokusai Okinawa Prefectural Naha Kokusai) ໃຫ້ຮູ້ວ່າ ນ້ອງໄດ້ລົງທະບຽນເຂົ້າຮ່ວມໂຄງການດັ່ງກ່າວດ້ວຍຄວາມປາດຖະໜາຢາກເຂົ້າໃຈປະເທດ ແລະ ປະຊາຊົນ ຫວຽດນາມ ກ່ວາອີກ. Sana ມີຄວາມປະທັບໃຈກັບນັກຮຽນຫວຽດນາມ ທີ່ເວົ້າພາສາຍີ່ປຸ່ນ ໄດ້ຊຳນານ ແລະ ມັກວັດທະນະທໍາຍີ່ປຸ່ນ, ໂດຍສະເພາະແມ່ນເລື່ອງລາວດ້ວຍພາບ. ສິ່ງນັ້ນໄດ້ເຮັດໃຫ້ການສື່ສານ ແລະ ການແລກປ່ຽນງ່າຍຂຶ້ນ.
ຫຼັງຈາກນັ້ນ, ບັນດານັກຮຽນຈະເຂົ້າຮ່ວມບັນດາການເຄື່ອນໄຫວຄື: ຢ້ຽມຢາມຫໍສະພາແຫ່ງຊາດ, ຫ້ອງວ່າການນາຍົກລັດຖະມົນຕີ, ມະຫາວິທະຍາໄລໂຕກຽວ, ຢ້ຽມຢາມບັນດາທັດສະນີຍະພາບທີ່ມີຊື່ສຽງ ແລະ ໄດ້ລົງພຶດຕິກຳຕົວຈິງກັບວັດທະນະທຳພື້ນເມືອງຂອງຍີ່ປຸ່ນ.
ມິງດຶກ
