 | ທະນາຄານໂລກ ພ້ອມແລ້ວທີ່ຈະໜູນຊ່ວຍ ຫວຽດນາມ ໃນການກໍ່ສ້າງບັນດາໂຄງການພື້ນຖານໂຄງລ່າງການຄົມມະນາຄົມ |
ກວາງຈີ: ຈຸດເດັ່ນໃນການດຶງດູດ ແລະ ລະດົມການຊ່ວຍເຫຼືອ ຈາກອົງການທີ່ບໍ່ຂຶ້ນກັບລັດຖະບານ ຕ່າງປະເທດ
ແຕ່ປີ 2020 ຮອດເດືອນ ມິຖຸນາ 2023, ແຂວງ ກວ໋າງຈີ ໄດ້ດຶງດູດ 187 ໂຄງການ ທີ່ບໍ່ຂຶ້ນກັບລັດຖະບານ ຕ່າງປະເທດ, ດ້ວຍມູນຄ່າ 87,9 ລ້ານ USD. ບັນດາໂຄງການໄດ້ປະກອບສ່ວນຢ່າງມີປະສິດທິຜົນ ເຂົ້າໃນການພັດທະນາເສດຖະກິດ - ສັງຄົມ, ລົບລ້າງຄວາມທຸກຍາກ, ປັບປຸງຊີວິດການເປັນຢູ່ຂອງປະຊາຊົນ ກວາງຈິ.
ບັນດາຂໍ້ມູນຂ້າງເທິງນັ້ນ ໄດ້ຍົກອອກໃນກອງປະຊຸມຕີລາຄາໄລຍະກາງ ຂອງການປະຕິບັດລາຍການ ສົ່ງເສີມການຊ່ວຍເຫຼືອຈາກອົງການທີ່ບໍ່ຂຶ້ນກັບລັດຖະບານ ຕ່າງປະເທດ (NGO) ໄລຍະ 2020 - 2025 ໂດຍຄະນະກຳມະການປະຊາຊົນແຂວງ ກວາງຈີ ຈັດຂຶ້ນ ໃນວັນທີ 23 ພະຈິກນີ້.
ເມື່ອທຽບໃສ່ໄລຍະກ່ອນ, ໄລຍະແຕ່ປີ 2020 ຫາເດືອນ ມິຖຸນາ 2023, ຈຳນວນໂຄງການຊ່ວຍເຫຼືອໃຫ້ແຂວງກວາງຈີ ເພີ່ມຂຶ້ນ 52%, ມູນຄ່າການຊ່ວຍເຫຼືອເພີ່ມຂຶ້ນ 42,9%. ໃນນັ້ນ ປີ 2020 ແມ່ນປີທີ່ມີຍອດມູນຄ່າການຊ່ວຍເຫຼືອສູງສຸດ ໂດຍມີເຖິງ 55 ລ້ານ USD. ຕົວເລກສະເລ່ຍຂອງໂຄງການໃໝ່ ແລະ ການຊ່ວຍເຫຼືອໃໝ່ ໃນແຕ່ລະປີແມ່ນ 53 ໂຄງການ/ປີ.
ບັນດາແຜນງານ ແລະ ໂຄງການຂອງອົງການ NGOs/ຜູ້ອຸປະຖຳ ໄດ້ສຸມໃສ່ຜັນຂະຫຍາຍໃນຂົງເຂດ: ຟື້ນຟູຜົນທີ່ຕາມມາຈາກສົງຄາມ; ການແພດ; ການສຶກສາ ແລະ ບຳລຸງສ້າວ; ແກ້ໄຂບັນຫາສັງຄົມ; ຄົນພິການ; ການປ້ອງກັນ, ຫຼຸດຜ່ອນໄພທຳມະຊາດ ແລະ ການຊ່ວຍເຫຼືອສຸກເສີນ... ໃນນັ້ນ, ຂົງເຂດ ຜັນຂະຫຍາຍທີ່ພົ້ນເດັ່ນແມ່ນ ການແກ້ໄຂຜົນຮ້າຍຂອງລະເບີດ ຫຼັງສົງຄາມ.
 |
| ບັນດາຜູ້ແທນເຂົ້າຮ່ວມກອງປະຊຸມ ຕີລາຄາໄລຍະກາງ ກ່ຽວກັບການປະຕິບັດໂຄງການສົ່ງເສີມການຊ່ວຍເຫຼືອຂອງອົງການທີ່ບໍ່ຂຶ້ນກັບລັດຖະບານ ຕ່າງປະເທດ ໄລຍະ 2020 - 2025 ຢູ່ແຂວງ ກວາງຈີ. (ພາບ: Quangtri.gov.vn) |
ບັນດາອົງການ NGO ໄດ້ປະກອບສ່ວນ 2,24% ຍອດທຶນການລົງທຶນ ພັດທະນາສັງຄົມ ແລະ 13,1% ຂອງຍອດລາຍຮັບງົບປະມານທົ່ວແຂວງ, ປະກອບສ່ວນປະຕິບັດຢ່າງແທດຈິງ ແລະ ມີປະສິດທິຜົນ ເຂົ້າໃນການພັດທະນາເສດຖະກິດ - ສັງຄົມ, ລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກ, ປັບປຸງຊີວິດການເປັນຢູ່ຂອງປະຊາຊົນຢູ່ບັນດາເຂດປະສົບໄພ. ຕາມບັນດາບຸລິມະສິດ ແລະ ທິດທາງຂອງປະເທດ ແລະ ແຂວງ ກວາງຈິ, ປະກອບສ່ວນຢ່າງຕັ້ງໜ້າເຂົ້າໃນການປະຕິບັດບັນດາເປົ້າໝາຍສະຫັດສະວັດ (SDGs) ຂອງຫວຽດນາມ ຮອດປີ 2030.
ທີ່ກອງປະຊຸມ, ບັນດາຜູ້ແທນໄດ້ປຶກສາຫາລື ແລະ ຕີລາຄາໝາກຜົນການປະຕິບັດວຽກງານສົ່ງເສີມການຊ່ວຍເຫຼືອ NGO ໄລຍະ 2020 - 2025; ກວດກາ ແລະ ຕີລາຄາຄວາມຄືບໜ້າຂອງການປະຕິບັດບັນດາບົດບັນທຶກສັນຍາ ແລະ ຂໍ້ຕົກລົງຮ່ວມມືລະຫວ່າງ ຄະນະກຳມະການປະຊາຊົນແຂວງກວາງຈິ, ບັນດາພະແນກການ, ທ້ອງຖິ່ນຂອງແຂວງ ແລະ ບັນດາຜູ້ອຸປະຖຳ ຈາກສາກົນ ແລະ ບັນດາຄູ່ຮ່ວມມື NGO ໃນບໍລິເວນແຂວງ. ພ້ອມກັນນັ້ນ, ກໍ່ເຜີຍແຜ່, ແລກປ່ຽນ, ປຶກສາຫາລື ແລະ ຕອບບັນຫາຄວາມຫຍຸ້ງຍາກ ກ່ຽວກັບການຈັດຕັ້ງປະຕິບັດເອກະສານນິຕິກຳ ກ່ຽວກັບການຄຸ້ມຄອງ ແລະ ລະດົມການຊ່ວຍເຫຼືອແກ່ອົງການ NGO ແລະ ການເຄື່ອນໄຫວຂອງບັນດາອົງການທີ່ບໍ່ຂຶ້ນກັບລັດຖະບານໃນແຂວງ.
ໂດຍຮັບຮູ້ການຮ່ວມມືຢ່າງມີປະສິດທິຜົນ ຂອງບັນດາອົງການ NGO, ບັນດາຜູ້ອຸປະຖຳ ແລະ ສ່ວນບຸກຄົນສະຫງວນໃຫ້ແຂວງ ກວ໋າງຈີ, ທ່ານ ຮວ່າງນາມ, ຮອງປະທານຄະນະກຳມະການປະຊາຊົນແຂວງ ກວ໋າງຈີ ໄດ້ໃຫ້ຮູ້ວ່າ: ໃນເງື່ອນໄຂ ແຫຼ່ງທຶນງົບປະມານສູນກາງ, ງົບປະມານທ້ອງຖິ່ນຍັງຈຳກັດ, ການຊ່ວຍເຫຼືອຂອງບັນດາຜູ້ອຸປະຖຳ, ບັນດາອົງການ NGO ເພື່ອພັດທະນາເສດຖະກິດ - ສັງຄົມ, ຫຼຸດຜ່ອນຄວາມທຸກຍາກ ແລະ ການເຄື່ອນໄຫວພັດທະນາແບບຍືນຍົງຢູ່ແຂວງ ກວາງຈີ ແມ່ນສຳຄັນທີ່ສຸດ ແລະ ມີຄວາມໝາຍດ້ານມະນຸດສະທຳຢ່າງເລິກເຊິ່ງ.
ເພື່ອສືບຕໍ່ເພີ່ມທະວີການຮ່ວມມື ແລະ ຜັນຂະຫຍາຍໂຄງການຊ່ວຍເຫຼືອຂອງອົງການ NGO ຢູ່ແຂວງ ກວ໋າງຈີ ໄລຍະ 2020-2025, ທ່ານ ຮວ່າງນາມ ສະເໜີໃຫ້ບັນດາຜູ້ອຸປະຖຳ, ອົງການ NGO, ບັນດາອົງການ, ຫົວໜ່ວຍໃນແຂວງ ບົນພື້ນຖານບັນດາການກຳນົດທິດບຸລິມະສິດໃນໂຄງການສົ່ງເສີມການຊ່ວຍເຫຼືອແຂວງ ກວາງຈີ ໄລຍະ 2020 - 2025; ສືບຕໍ່ໝູນໃຊ້ແຫຼ່ງທຶນ, ແຫຼ່ງທຶນທາງດ້ານເຕັກນິກ ແລະ ຕ່າງປະເທດຢ່າງຕັ້ງໜ້າ ເພື່ອບັນລຸປະສິດທິຜົນ ແລະ ຄວາມຍືນຍົງກວ່າອີກໃນການກໍ່ສ້າງ ແລະ ປົກປັກຮັກສາຂໍ້ສະເໜີໂຄງການຮ່ວມມື.
ເພີ່ມທະວີການເຄື່ອນໄຫວປຶກສາຫາລື ກັບບັນດາພາກສ່ວນທີ່ກ່ຽວຂ້ອງ (ຜູ້ອຸປະຖຳ, ອົງການຈັດຕັ້ງສາກົນ ແລະ NGO, ອຳນາດການປົກຄອງທ້ອງຖິ່ນ ແລະ ອົງການຮ່ວມມື...); ສຸມໃສ່ດັດປັບ ແລະ ສ້າງແຜນການເຄື່ອນໄຫວ ປີ 2024 ແລະ 2025 ເພື່ອຕິດແທດຕາມສະພາບຕົວຈິງຢ່າງໃກ້ຊິດ ແລະ ຮັບເອົາບັນດາບັນດາຂໍ້ສະເໜີແນະຈາກບັນດາຜູ້ອຸປະຖຳ ແລະ ບັນດາຄູ່ຮ່ວມມື.
ທ່ານເຊື່ອວ່າ ການພົວພັນຮ່ວມມືລະຫວ່າງແຂວງ ແລະ ບັນດາຜູ້ອຸປະຖຳສາກົນ, ອົງການຈັດຕັ້ງສາກົນ ແລະ ອົງການ NGO ຈະສືບຕໍ່ພັດທະນາຢ່າງເລິກເຊິ່ງ ແລະ ກ້ວາງຂວາງ. ຜ່ານນັ້ນ ກໍ່ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ - ສັງຄົມ, ຫຼຸດຜ່ອນຄວາມທຸກຍາກ, ປັບປຸງຊີວິດການເປັນຢູ່ຂອງປະຊາຊົນ, ເພີ່ມທະວີຄວາມເຂົ້າໃຈ, ມິດຕະພາບ ແລະ ການຮ່ວມມືລະຫວ່າງປະຊາຊົນແຂວງ ກວາງຈີ້ ກັບເພື່ອນມິດສາກົນ.
ຊ ສະຫວັດ
ທ່ານອາດຈະມັກ
ຫວຽດນາມ ແລະ ບຣາຊິນ ຍົກລະດັບການພົວພັນເປັນຄູ່ຮ່ວມມືຍຸດທະສາດ
ໝູ່ເພື່ອນຊາວສະວິດ ແລະ ເລື່ອງຂອງທຸງສັນຕິພາບຢູ່ເທິງສຸດຂອງຈອມວິຫານ Notre Dame Cathedral Paris
ຝຶກຊ້ອມກອບກູ້ໄພພິບັດ ກອງທັບ 3 ປະເທດ ຫວຽດນາມ-ລາວ-ກໍາປູເຈຍ
ນ້ຳໃຈມິດຕະພາບ ຫວຽດນາມ-ລາວ ພາຍຫຼັງພາຍຸ ແລະ ໄພນໍ້າຖ້ວມ
ປະທານໂຮ່ຈິມິນ ແລະສາຍພົວພັນ ຫວຽດນາມ - ຈີນ
