| ງານວາງສະແດງຮູບພາບ “ຮ່ວາງຊາ-ເຈື່ອງຊາ ຢູ່ໃນໃຈກາງແຂວງກວາງຫງາຍ” | |
| ກຽນຢາງ ສົ່ງຂອງຂວັນໜູນຊ່ວຍພີ່ນ້ອງຊາວຫວຽດນາມຢູ່ກຳປູເຈຍ ຕ້ອນຮັບບຸນປີໃຫມ່ປີຂານ 2022 |
ທີ່ງານວາງສະແດງຮູບພາບຄັ້ງນີ້, ຄະນະຈັດຕັ້ງໄດ້ຄັດເລືອກບັນດາຜົນງານຮູບຖ່າຍທີີ່ເປັນສັນຍະລັກຂອງງານປະກວດຮູບພາບສິລະປະແຫ່ງຊາດ ດ້ວຍຫົວຂໍ້ວ່າ “ເອກອ້າງທະນົງໃຈເຂດຊາຍແດນປີ 2023” ເພື່ອເຂົ້າຮ່ວມວາງສະແດງ. ໃນນັ້ນມີ 22 ຜົນງານທີ່ໄດ້ຮັບລາງວັນ (ປະກອບມີ: 2 ລາງວັນຄຳ, 4 ລາງວັນເງິນ, 6 ລາງວັນທອງ, 10 ລາງວັນຊົມເຊີຍ) ແລະ 187 ຜົນງານທີ່ເປັນສັນຍະລັກເພື່ອແນະນຳໃຫ້ປະຊາຊົນທ້ອງຖິ່ນ ແລະ ນັກທ່ອງທ່ຽວ ຫວຽດນາມ ໃນທົ່ວປະເທດ ແລະ ສາກົນກ່ຽວກັບຄວາມງາມ, ຄວາມໃຫຍ່ໂຕມະໂຫຖານ, ຄວາມເອກອ້າງທະນົງໃຈຂອງຊາຍແດນອັນສັກສິດຂອງປະເທດຊາດ.
 |
ປະຊາຊົນໄປຢ້ຽມຢາມງານວາງສະແດງຮູບພາບ "ເອກອ້າງທະນົງໃຈເຂດຊາຍແດນ” |
ກ່າວຄຳປາໄສທີ່ພິທີເປີດ, ທ່ານ ຫງວຽນແທັງຟອງ - ຫົວໜ້າຄະນະໂຄສະນາສຶກສາສູນກາງ ກຽນຢາງ ຖືວ່າ ບັນດາຜົນງານໃນງານວາງສະແດງຄັ້ງນີ້ ຈະຖ່າຍທອດບັນດາອາລົມຈິດ, ສ່ອງແສງໃຫ້ເຫັນເຖິງຄວາມສວຍງາມຂອງບ້ານເກີດເມືອງນອນ, ປະເທດຊາດ, ພິເສດແມ່ນຄວາມສວຍງາມຂອງທຳມະຊາດທີ່ມີຄວາມດູດດຶງໃຈ, ໃຫຍ່ໂຕມະໂຫຖານຂອງຊາຍແດນປະເທດຊາດ ກໍ່ຄືບັນດາຈຸດວັດທະນະທຳທີ່ເປັນເອກະລັກສະເພາະຂອງປະຊາຊົນຢູ່ເຂດຊາຍແດນ; ສະແດງໃຫ້ເຫັນເຖິງຊີວິດ, ການອອກແຮງງານ, ການເຄື່ອນໄຫວ, ການຝຶກຊ້ອມການຕໍ່ສູ້ຂອງກອງທັບ ແລະ ປະຊາຊົນຢູ່ເຂດຊາຍແດນຂອງປະເທດຊາດ; ເຜີຍແຜ່ຄວາມໝາຍ, ການເຄື່ອນໄຫວທີ່ລຽບງ່າຍ, ສັກກະລະບູຊາຂອງບັນດາກຳລັງປະຕິບັດໜ້າທີ່ປົກປັກຮັກສາຊາຍແດນຂອງປະເທດຊາດ.
ຈາກນັ້ນ, ກໍ່ປະກອບສ່ວນປຸກລະດົມຈິດໃຈຮັກຊາດ, ຄວາມເອກອ້າງທະນົງໃຈກ່ຽວກັບພາລະກິດອັນໃຫຍ່ຫຼວງ, ທີ່ຕັ້ງຂອງປະເທດຊາດ, ຄວາມຮັບຜິດຊອບຕໍ່ບ້ານເກີດເມືອງນອນ, ປະເທດຊາດຂອງບັນດາຊົນຊັ້ນວັນນະປະຊາຊົນພາຍໃນ ແລະ ຕ່າງປະເທດ, ພິເສດແມ່ນໄດ້ສ້າງຄວາມປະທັບໃຈອັນດີງາມໃນໃຈເພື່ອນມິດສາກົນ.
ກໍ່ຕາມທ່ານ ຟອງ ແລ້ວ, ງານວາງສະແດງຮູບພາບ “ເອກອ້າງທະນົງໃຈເຂດຊາຍແດນ” ຍັງແມ່ນໂອກາດເພື່ອເຜີຍແຜ່ວຽກງານແບ່ງເຂດຊາຍແດນ, ປັກຫຼັກໝາຍຊາຍແດນ ແລະ ຄຸ້ມຄອງຊາຍແດນ, ເພີ່ມທະວີຄວາມເຂົ້າໃຈກ່ຽວກັບອະທິປະໄຕເຂດຊາຍແດນດິນແດນຂອງຊາດ, ເຂດຊາຍແດນຂອງປະເທດຊາດ, ປະກອບສ່ວນສຳຄັນເຂົ້າໃນການສ້າງຄວາມເຫັນດີເຫັນພ້ອມ, ເພີ່ມທະວີຄວາມໄວ້ເນື້ອເຊື່ອໃຈ ແລະ ການໜູນຊ່ວຍອັນລ້ຳຄ່າຂອງທຸກຊັ້ນຄົນສຳລັບພັກ ແລະ ລັດ, ຍົກສູງທີ່ຕັ້ງ ແລະ ກຽດສັກສີຂອງຫວຽດນາມ ບົນເວທີສາກົນ.
ກ່ອນໜ້ານັ້ນ, ປີ 2022, ຄະນະໂຄສະນາສຶກສາສູນກາງ ໄດ້ສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງຈັດຕັ້ງງານປະກວດຮູບພາບສິລະປະແຫ່ງຊາດ ດ້ວຍຫົວຂໍ້ວ່າ “ເອກອ້າງທະນົງໃຈເຂດຊາຍແດນປີ 2022”. ງານແຂ່ງຂັນບໍ່ພຽງແຕ່ດຶງດູດຄວາມສົນໃຈຢ່າງເລິກເຊິ່ງຈາກປະຊາຊົນທຸກຊັ້ນຄົນ, ພິເສດແມ່ນນັກຖ່າຍພາບໃນທົ່ວປະເທດ ສຳລັບອະທິປະໄຕເຂດຊາຍແດນດິນແດນ, ເຂດຊາຍແດນຂອງປະເທດຊາດເທົ່ານັ້ນ, ຫາກຍັງແມ່ນການຮັບຮູ້ຄວາມມານະພະຍາຍາມຂອງບັນດາກຳລັງເຮັດວຽກງານໂຄສະນາໃນການປ່ຽນແປງໃໝ່, ປະດິດສ້າງ, ນຳໃຊ້ເຕັກໂນໂລຊີທີ່ທັນສະໄໝ ເພື່ອປະຕິບັດວຽກງານໂຄສະນາເຜີຍແຜ່ກ່ຽວກັບການປັກຫຼັກໝາຍຊາຍແດນ ແລະ ການຄຸ້ມຄອງຊາຍແດນຂອງພັກ ແລະ ລັດ.
ມິງດຶກ
