| ນ້ຳໃຈສາມັກຄີ ຫວຽດນາມ - ກູບາ ຍາມໃດກໍ່ໄດ້ຮັບການບຳລຸງສ້າງ, ຮັກສາ ແລະ ພັດທະນາຂອງປະຊາຊົນ 2 ປະເທດຢ່າງບໍ່ຢຸດຢັ້ງ | |
| ພ້ອມແລ້ວທີ່ຈະສ້າງເງື່ອນໄຂໃຫ້ວິສາຫະກິດຫວຽດນາມ ໄປລົງທຶນຢູ່ ກູບາ |
ທ່ານເລຂາຜູ້ທີໜຶ່ງ ຄະນະບໍລິຫານງານສູນກາງພັກກອມມູນິດ, ປະທານປະເທດ ກູບາ Miguel Díaz-Canel Bermúdez ໄດ້ຕ້ອນຮັບທ່ານເອກອັກຄະລັດຖະທູດ ຫວຽດນາມ ປະຈຳ ກູບາ ເລແທງຕຸ່ງ ເຂົ້າຢ້ຽມອຳລາກ່ອນເມື່ອການສິ້ນສຸດວາລະອາຍຸການເຮັດວຽກທີ່ ກູບາ.
 |
ທ່ານເອກອັກຄະລັດຖະທູດ ເລແທງຕຸ່ງ ຢືນຢັນວ່າ ບໍ່ວ່າຈະຢູ່ຖານະໃດ ກໍຈະສືບຕໍ່ປະກອບສ່ວນເພື່ອປັບປຸງ ແລະ ພັດທະນາການພົວພັນແບບພິເສດ ຫວຽດນາມ - ກູບາ. |
ທີ່ການຕ້ອນຮັບໃນວັນທີ 18 ພະຈິກນີ້ ຕາມເວລາທ້ອງຖິ່ນ ຢູ່ຫໍປະຊຸມ La Habana, ທ່ານເລຂາຜູ້ທີໜຶ່ງ-ປະທານປະເທດ ກູບາ Miguel Díaz-Canel Bermúdez ໄດ້ສະເໜີໃຫ້ທ່ານເອກອັກຄະລັດຖະທູດ ສົ່ງຄຳຢື້ຢາມຖາມຂ່າວ ແລະ ເຊີນທ່ານເລຂາທິການໃຫຍ່ ຫງວຽນຟູ໋ຈ້ອງ, ທ່ານປະທານປະເທດ ຫວໍວັນເຖືອງ, ນາຍົກລັດຖະມົນຕີ ຟ້າມມິນຈິ໋ງ ແລະ ບັນດາການນຳຂັ້ນສູງ ຫວຽດນາມ ຈະໄປຢ້ຽມຢາມ ກູບາ ໃນໄວໆນີ້.
ທ່ານເລຂາຜູ້ທີໜຶ່ງ-ປະທານ ກູບາ ໄດ້ຊົມເຊີຍການພົວພັນມິດຕະພາບທີ່ສັດຊື່ບໍລິສຸດ, ແທດຈິງ ແລະ ມີປະສິດທິຜົນລະຫວ່າງ 2 ປະເທດໃນໄລຍະຜ່ານມາ, ພິເສດແມ່ນການແລກປ່ຽນຄະນະຜູ້ແທນຂັ້ນສູງ ແລະ ບັນດາການສົນທະນາທາງໂທລະສັບ/ການພົບປະເຈລະຈາໂດຍກົງ ລະຫວ່າງການນຳຫຼັກແຫຼ່ງຂອງສອງປະເທດ. ການພົບປະແລກປ່ຽນຄະນະຂອງກະຊວງ, ຂະແໜງການ ແລະ ທ້ອງຖິ່ນຂອງສອງປະເທດ, ຜ່ານນັ້ນ ກໍ່ຮັດແໜ້ນການພົວພັນທີ່ໄວ້ເນື້ອເຊື່ອໃຈ ແລະ ມິດຕະພາບແບບພິເສດລະຫວ່າງ ກູບາ ແລະ ຫວຽດນາມ.
ທ່ານເລຂາຜູ້ທີໜຶ່ງ-ປະທານ ກູບາ ໄດ້ສະແດງຄວາມຂອບໃຈຕໍ່ພັກ, ລັດ, ລັດຖະບານ ແລະ ປະຊາຊົນ ຫວຽດນາມ ທີ່ໄດ້ໃຫ້ການສະໜັບສະໜູນດ້ານຈິດໃຈ ແລະ ດ້ານວັດຖຸໃນການໜູນຊ່ວຍ ກູບາ ຜະລິດສະບຽງອາຫານ, ຄວາມເຫັນອົກເຫັນໃຈ ແລະ ຄວາມສາມັກຄີຂອງ ຫວຽດນາມ ທີ່ມີຕໍ່ກັບ ກູບາ, ພິເສດແມ່ນໃນໄລຍະປະສົບກັບຄວາມຫຍຸ້ງຍາກໃນປະຈຸບັນຂອງການປະຕິວັດ ກູບາ.
ທ່ານເລຂາຜູ້ທີໜຶ່ງ-ປະທານ ກູບາ ເຊື່ອໝັ້ນວ່າ ການພົວພັນມິດຕະພາບແບບພິເສດລະຫວ່າງ ກູບາ ແລະ ຫວຽດນາມ ຈະສືບຕໍ່ພັດທະນາ, ປະກອບສ່ວນສຳຄັນເຂົ້າໃນພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດ.
ສ່ວນທ່ານເອກອັກຄະລັດຖະທູດ ເລແທງຕຸ່ງ ໄດ້ສົ່ງຄຳຢື້ຢາມຖາມຂ່າວ ແລະ ຄຳເຊື້ອເຊີນອັນສະໜິດສະໜົມຂອງທ່ານເລຂາທິການໃຫຍ່ ຫງວຽນຝູ໋ຈ້ອງ ແລະ ທ່ານປະທານປະເທດ ຫວໍວັນເຖືອງ ເຖິງທ່ານເລຂາຜູ້ທີໜຶ່ງ-ປະທານປະເທດ ກູບາ ໄປຢ້ຽມຢາມ ຫວຽດນາມ ໃນໄວໆນີ້.
ທ່ານເອກອັກຄະລັດຖະທູດໄດ້ແບ່ງປັນການຕີລາຄາຂອງທ່ານເລຂາຜູ້ທີໜຶ່ງ-ປະທານປະເທດ ກູບາ ກ່ຽວກັບການພົວພັນມິດຕະພາບແບບພິເສດລະຫວ່າງສອງປະເທດໃນໄລຍະຜ່ານມາ; ຂອບໃຈ ກູບາ ທີ່ໄດ້ຊ່ວຍເຫຼືອ ຫວຽດນາມ ໃນໄລຍະ 63 ປີທີ່ຜ່ານມາ.
ທ່ານເອກອັກຄະລັດຖະທູດຢືນຢັນຄືນໃໝ່ຄວາມສາມັກຄີ ແລະ ການສະໜັບສະໜູນຂອງພັກ, ລັດ, ລັດຖະບານ ແລະ ປະຊາຊົນ ຫວຽດນາມ ສຳລັບ ກູບາ, ຢ້ຳຄືນຫຼັກໝັ້ນຍາມໃດກໍ່ເປັນອັນໜຶ່ງອັນດຽວຂອງ ຫວຽດນາມ ທີ່ຮຽກຮ້ອງ ອາເມລິກາ ຢຸດຕິການເກືອດຫ້າມບໍ່ໃຫ້ຂົນສົ່ງ ຝ່າຍດຽວຕ້ານ ກູບາ, ສະເໜີໃຫ້ ອາເມລິກາ ເອົາ ກູບາ ອອກຈາກບັນຊີລາຍຊື່ບັນດາປະເທດອຸປະຖຳການກໍ່ການຮ້າຍ.
ເນື່ອງໃນໂອກາດນີ້, ທ່ານເອກອັກຄະລັດຖະທູດ ໄດ້ຊົມເຊີຍບັນດາໄຊຊະນະສຳຄັນຂອງ ກູບາ ໃນການພົວພັນຕ່າງປະເທດໃນໄລຍະທີ່ຜ່ານມາ, ໄດ້ສະແດງໃຫ້ເຫັນຢ່າງຈະແຈ້ງຜ່ານກອງປະຊຸມໃຫຍ່ສະຫະປະຊາຊາດໃນຕົ້ນເດືອນພະຈິກ 2023 ໂດຍໄດ້ຮັບການຮັບຮອງເອົາມະຕິ “ຄວາມຈຳເປັນຕ້ອງຢຸດຕິການເກືອດຫ້າມບໍ່ໃຫ້ຂົນສົ່ງດ້ານເສດຖະກິດ, ການຄ້າ ແລະ ການເງິນທີ່ ອາເມລິກາ ຈັດວາງຕໍ່ ກູບາ" ດ້ວຍການສະໜັບສະໜູນກົດດັນ ແລະ ການທີ່ ກູບາ ໄດ້ຮັບການເລືອກຕັ້ງເຂົ້າຮ່ວມສະພາສິດທິມະນຸດ ສະໄໝປີ 2024-2026 ດ້ວຍບັດເລືອກຕັ້ງທີ່ມີຄະແນນສູງຫຼາຍ ໃນຕົ້ນເດືອນຕຸລາ 2023.
ສຸດທ້າຍ, ທ່ານເອກອັກຄະລັດຖະທູດ ເລແທງຕຸ່ງ ຢືນຢັນວ່າ ບໍ່ວ່າຈະຢູ່ໃນຖານະໃດ ກໍຈະສືບຕໍ່ປະກອບສ່ວນເພື່ອປັບປຸງ ແລະ ພັດທະນາການພົວພັນແບບພິເສດ ຫວຽດນາມ - ກູບາ.
ເນື່ອງໃນໂອກາດນີ້, ສຳນັກຂ່າວສານ ກູບາ ຈຳນວນໜຶ່ງກໍ່ໄດ້ລົງພິມບົດຄວາມທີ່ເນັ້ນໜັກເຖິງການປະກອບສ່ວນຂອງທ່ານເອກອັກຄະລັດຖະທູດ ເລແທງຕຸ່ງ ເພື່ອສືບຕໍ່ເພີ່ມທະວີການພົວພັນມິດຕະພາບຢ່າງພິເສດ, ບໍລິສຸດຜຸດຜ່ອງ, ປອດໃສ ແລະ ຫາຍາກໃນການພົວພັນສາກົນລະຫວ່າງ ຫວຽດນາມ ແລະ ກູບາ. ສຳນັກຂ່າວສານລາຕິນ Prensa Latina ແລະ Radio Rebelde ໄດ້ຍົກຄຳເວົ້າຂອງທ່ານ Miguel Díaz-Canel ເລຂາຜູ້ທີໜຶ່ງ-ປະທານ ກູບາ ໂດຍໃຫ້ຮູ້ວ່າ: ໃນໄລຍະ 3 ປີ 4 ເດືອນ 8 ວັນຂອງທ່ານເອກອັກຄະລັດຖະທູດ ເລແທງຕຸ່ງ, ການພົວພັນມິດຕະພາບ ອ້າຍນ້ອງ ຂອງຫວຽດນາມ - ກູບາ ໄດ້ຮັບການເພີ່ມທະວີ.
ດ້ອຍຫົວຂໍ້ “ການພົບປະກັບຜູ້ເປັນເພື່ອນ, ອ້າຍນ້ອງຂອງກູບາ”, ໜັງສືພິມເອເລັກໂຕນິກ Cubadebate ທີ່ມີການເຂົ້າໄປຄົ້ນຫາຫຼາຍທີ່ສຸດຢູ່ເກາະ Caribbean ໃຫ້ຮູ້ວ່າ: ທ່ານເລຂາຜູ້ທີໜຶ່ງ-ປະທານ ກູບາ Miguel Díaz-Canel ໄດ້ຊົມເຊີຍບັນດາຜົນງານຂອງທ່ານເອກອັກຄະລັດຖະທູດ ເລແທງຕຸ່ງ ໃນຕະຫຼອດວາລະປະຕິບັດງານ ແລະ ຢືນຢັນວ່າ ຫວຽດນາມ ສາມາດເຊື່ອໝັ້ນຕໍ່ ກູບາ ຕະຫຼອດໄປ.
ໃນເວລາຕອບສຳພາດຕໍ່ນັກຂ່າວ ກູບາ ພາຍຫຼັງການພົບປະ, ທ່ານເອກອັກຄະລັດຖະທູດ ເລແທງຕຸ່ງ ຍັງເນັ້ນໜັກເຖິງຄວາມຮູ້ສຶກຂອງປະຊາຊົນຫວຽດນາມ ທີ່ມີຕໍ່ທ່ານຜູ້ບັນຊາການສູງສຸດ Fidel Castro, ພົນເອກ Raul Castro ແລະ ປະຊາຊົນ ກູບາ.
ມິງດຶກ
