ແຂວງ ຮ່າຢາງ-ດິນແດນເໜືອສຸດຂອງຫວຽດນາມ ເປັນສະຖານທີ່ ທີ່ມີດອກໄມ້ທີ່ສວຍງາມທີ່ສຸດ ເປັ່ງບານຢູ່ເທິງຜາຫີນ ອັນແຫ້ງແລ້ງ. ເຂົາເອີ້ນວ່າ ດອກ ຕາມຢ໋າກແມັກ ກໍ່ຍ້ອນວ່າ: ໜຶ່ງ “ເອກກະລັກສະເພາະໂຕ” ຂອງພູຜາປ່າດົງແຫ່ງນີ້ເຖິງຈະບອບບາງແຕ່ເຕັມໄປດ້ວຍມົນສະເໜ່.
ດອກ ຕາມຢ໋າກແມັກ ປະສົມປະສານກັບ ເຂດພູຜາສູງ, ເມື່ອກະແສລົມໜາວທຳອິດຂອງລະດູພັດມາ ບໍ່ພຽງແຕ່ຈະເຮັດໃຫ້ເຢັນ, ດອກໄມ້ຊະນິດນີ້ ຍັງໄດ້ອອກດອກພ້ອມກັນ ບານທົ່ວ ຮວ່າງຊູຟີ, ສິນເມິ່ນ, ສຸ້ງລ່າ, ພໍ໋ບ້າງ... ລະບາຍສີໃຫ້ ຮ່າຢາງ ດ້ວຍສີສັນອັນອົບອຸ່ນ.
 |
 |
ພູພຽງຫີນ ຮ່າຢາງ ປົກຄຸມໄປດ້ວຍສີບົວ(ສີຊົມພູ) ຂອງ ດອກ ຕາມຢ໋າກແມັກ.
ເມື່ອກ້າວເຂົ້າລະດູໃບໄມ້ຫຼົ່ນ ເຂດຮ່າຢາງ ນັບມາຕັ້ງແຕ່ເສັ້ນທາງອັນຄົດລ້ຽວ ຫວງັກໄປຫງວັກມາ ໄປຈົນຮອດ ສາຍພູລ້ວນແລ້ວແຕ່ເຕັມໄປດ້ວຍສີສັນຂອງດອກ ຕາມຢ໋າກແມັກ, ປັ້ນແຕ່ງພາບທີ່ງົດງາມອັນຫາໄດ້ຍາກ ເຊິ່ງທຳມະຊາດເປັນຜູ້ເສກສັນມາໃຫ້ ເຂດພູຫີນ ຮ່າຢາງ. ທີວທັດທຳມະຊາດອັນສວຍງາມເຊິ່ງຫາຊົມໄດ້ຍາກນີ້ດຶງດູດນັກທ່ອງທ່ຽວມາທ່ຽວ ຫຼາຍພັນຄົນຕໍ່ປີ.
ດອກໄມ້ຊະນິດນີ້ເປັນຕົວແທນຂອງຄວາມອ່ອນໂຍນ ຕອນຍັງບໍ່ທັນບານມັນຈະມີຮູບຄ້າຍຄືນກຸບ. ເມື່ອບານອອກມາທຳອິດຈະເປັນສີຂາວອົມຊົມພູອ່ອນໆ ຈາກນັ້ນຈະຄ່ອຍໆປ່ຽນສີເປັນສີບົວ(ສີຊົມພູ) ແລະ ສີອິດອອກຊົມພູກ່ອນທີ່ຈະເປັນແກ່ນ.
 |
ພົ້ວດອກຕາມຢ໋າກແມັກ ແຕກດອກນ້ອຍໆສີຊົມພູ ອັນສວຍງາມ.
ເທດສາການ ດອກໄມ້ ຕາມຢ໋າກແມັກ ຮ່າຢາງ ຄັ້ງທີ IV ຈະເປີດຕັ້ງແຕ່ວັນທີ 15 ຕຸລາ 2018 ເພື່ອເປັນການສັນລະເສີນຄວາມງາມຂອງດອກໄມ້ຊະນິດນີ້ທີ່ເປັນເອກກະລັກຂອງເຂດພູຜາຫີນ ແລະ ເຜີຍແຜ່ຄວາມງາມອັນເປັນເອກກະລັກຂອງຊົນເຜົ່າມົ້ງ.
ດ້ວຍຫົວຂໍ້: "ດິນແດນຂອງດອກໄມ້-ເຜີຍແຜ່", ປີນີ້ ຮ່າຢາງຄາດວ່າຈັດເທດສະການໄດ້ປະທັບໃຈ, ດຶງດູດ ດ້ວຍບັນດາກິດຈະກຳ ອັນເປັນເອກກະລັກ ເຊິ່ງເປັນຄັ້ງທຳອິດທີ່ ຈັດຂື້ນຢູ່ທີ່ ເຂດພູພຽງ-ພູຫີນ ເປັນຕົ້ນ ແມ່ນ ງານວາງສະແດງ ແຜນທີ່ພູມສັນຖານຂອງ ເຂດພູພຽງ, ການປະກວດ ເສັ້ນທາງຂອງດອກໄມ້, ການປະກວດ ງົວງາມຂອງ ເມືອງ ດົ່ງວັນ...
ນີ້ແມ່ນປະມວນພາບທີ່ສວຍງາມ ຂອງ ລະດູດອກໄມ້ ຕາມຢ໋າກແມັກ ຢູ່ ຮ່າຢາງ:
 |
 |
 |
 |
（ຫັດທະບູນ）
