ຜູ້ຊ່ຽວຊານ ຊວ່າຍາ ດີວາ (Surya Deva): ຫວຽດນາມ ບັນລຸໄດ້ຄວາມກ້າວໜ້າທີ່ໜ້າປະທັບໃຈໃນການຫຼຸດຜ່ອນຄວາມທຸກຍາກຫຼາຍດ້ານ
ສິ້ນສຸດການຢ້ຽມຢາມຫວຽດນາມ ເປັນເວລາ 10 ວັນ , ຜູ້ລາຍງານພິເສດຂອງສະຫະປະຊາຊາດ ກ່ຽວກັບສິດພັດທະນາ, ທ່ານ ຊວ່າຢາ ດີວາ (Surya Deva) ໄດ້ຍ້ອງຍໍບັນດາຄວາມມານະພະຍາຍາມຂອງລັດຖະບານ ຫວຽດນາມ ໃນການຈັດຕັ້ງປະຕິບັດວຽກງານຫລຸດຜ່ອນຄວາມທຸກຍາກ, ສ້າງວຽກເຮັດງານທຳ ແລະ ເພີ່ມການຄ້ຳປະກັນສັງຄົມ.
ທີ່ການຖະແຫຼງຂ່າວໃນວັນທີ 15 ພະຈິກນີ້, ຢູ່ຮ່າໂນ້ຍ, ທ່ານ ຊວ່າຢາ ດີວາ ໃຫ້ຮູ້ວ່າ: ເຖິງວ່າຈະໄດ້ຮັບຜົນກະທົບທາງລົບ ຈາກການແຜ່ລະບາດຂອງພະຍາດໂຄວິດ-19 ແລະ ບັນດາການຂັດແຍ່ງຕ່າງໆກໍ່ຕາມ, ແຕ່ຫວຽດນາມ ຍັງບັນລຸໄດ້ຄວາມກ້າວໜ້າທີ່ໜ້າປະທັບໃຈໃນການຫຼຸດຜ່ອນຄວາມທຸກຍາກຫຼາຍດ້ານ.
ຫວຽດນາມ ກຳລັງບັນລຸໄດ້ບັນດາຄວາມກ້າວໜ້າໃນການປະຕິບັດບັນດາເປົ້າໝາຍການພັດທະນາແບບຍືນຍົງ (SDGs) ແລະ ຫຼຸດຜ່ອນການປ່ອຍອາຍພິດ ເພື່ອຕອບສະໜອງໄດ້ຕາມຄຳໝັ້ນສັນຍາໃນການບັນລຸການປ່ອຍອາຍພິດລົງເທົ່າ 0 ໃນປີ 2050.
 |
| ທ່ານ ຊວ່າຢາ ດີວາ ປະກາດບົດລາຍງານ ເບື້ອງຕົ້ນ ກ່ຽວກັບການເດີນທາງໄປປະຕິບັດໜ້າທີ່ຢູ່ຫວຽດນາມ. (ພາບ: ໜັງສືພິມ ເຍີນເຊີ່ນ) |
ທ່ານ ຊວ່າຢາ ດີວາ ໄດ້ເນັ້ນໜັກ 3 ສິ່ງທ້າທາຍໃນປັດຈຸບັນ, ນັ້ນກໍ່ແມ່ນວິວັດການ, ການເຂົ້າຮ່ວມ ແລະ ດາວເຄາະ. ລັດຖະບານຫວຽດນາມ ຕ້ອງປັບປຸງວິວັດການ ອະນຸມັດໃຫ້ ບັນດາໂຄງການປະຈຸບັນ, ໃນນັ້ນ ມີບັນດາໂຄງການຂອງບັນດາຄູ່ຮ່ວມມືພັດທະນາ ແລະ ອົງການທີ່ບໍ່ຂຶ້ນກັບລັດຖະບານສາກົນ ທີ່ໄດ້ໃຫ້ການຊ່ວຍເຫຼືອ, ແນໃສ່ປະຕິບັດບັນດາເປົ້າໝາຍ SDGs ເພື່ອຮັບປະກັນໃຫ້ບັນດາຜູ້ທີ່ຕ້ອງການຮັບການຊ່ວຍເຫຼືອ ຢູ່ບັນດາແຂວງ, ນະຄອນ ໄດ້ຮັບຜົນປະໂຫຍດຫຼາຍກວ່າອີກ.
ກ່າວຄຳເຫັນກ່ຽວກັບສະພາບຄວາມສ່ຽງຂອງຫວຽດນາມ ຕໍ່ກັບການປ່ຽນແປງຂອງດິນຟ້າອາກາດ, ນັກຂ່າວລາຍງານພິເສດຂອງສະຫະປະຊາຊາດໃຫ້ຮູ້ວ່າ: ລັດຖະບານ, ບັນດາອົງການສະຫະປະຊາຊາດ, ບັນດາຄູ່ຮ່ວມມືພັດທະນາ, ທຸລະກິດ ແລະ ອົງການທີ່ບໍ່ຂຶ້ນກັບລັດຖະບານ ຕ້ອງສົມທົບກັນ ເພື່ອສະກັດກັ້ນວິກິດການທີ່ອາດຈະເກີດຂຶ້ນ.
ທ່ານ ກ່າວວ່າ: “ເພື່ອຮັບປະກັນການພັດທະນາແບບຍືນຍົງ, ລັດຖະບານຕ້ອງມີການກະທຳຫຼາຍກວ່າເກົ່າ ເພື່ອຮັບມືກັບວິກິດການປ່ຽນແປງຂອງດິນຟ້າອາກາດ, ມົນລະພິດສິ່ງແວດລ້ອມ ແລະ ການສູນເສຍຊີວະນາໆພັນ. ຕ້ອງນຳໃຊ້ບັນດາວິທີການເຂົ້າເຖິງການພັດທະນາແບບມີສ່ວນຮ່ວມທີ່ແທ້ຈິງ ໃນນັ້ນ ປະສົມປະສານບັນດາຫຼັກການ: ລັກສະນະເຊື່ອມຕໍ່ແຕ່ລະຊັ້ນຄົນ, ຄວາມສະເໝີພາບ ລະຫວ່າງ ບັນດາຄົນແຕ່ລະຮຸ້ນ, ຄວາມຍຸດຕິທຳແບບແຜ່ກະຈາຍ ແລະ ສິດໃນການຕັດສິນດ້ວຍຕົນເອງ, ເພື່ອບັນລຸການຫັນປ່ຽນຄວາມສະເໝີພາບ ມາເປັນເສດຖະກິດສີຂຽວ.
ການລາຍການອັນລະອຽດຂອງນັກຂ່າວພິເສດ ຊວ່າຢາ ດີວາ (Surya Deva) ກ່ຽວກັບການຢ້ຽມຢາມ ແລະ ຂໍ້ສະເໜີແນະ ຂອງທ່ານ ຈະໄດ້ນຳສະເໜີຕໍ່ສະພາສິດທິມະນຸດ ໃນເດືອນກັນຍາ 2024.
ຊ ສະຫວັດ
