OECD ພ້ອມແລ້ວທີ່ຈະໜູນຊ່ວຍ ຫວຽດນາມ ໃນການຊຸກຍູ້ການເຕີບໂຕໃໝ່ຄື ການຫັນປ່ຽນສີຂຽວ ແລະ ການຫັນເປັນດີຈີຕອນ

18:51 | 27/10/2023

ຍສໝ - ຕອນບ່າຍວັນທີ 27 ຕຸລາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຟ້າມມິງຈິງໄດ້ໃຫ້ການຕ້ອນຮັບທ່ານ Mathias Cormann ເລຂາທິການໃຫຍ່ອົງການຮ່ວມມືເສດຖະກິດ ແລະ ພັດທະນາ (OECD) ເນື່ອງໃນໂອກາດເຂົ້າຮ່ວມເວທີປາໄສ OECD - ລັດຖະມົນຕີອາຊີຕາເວັນອອກສ່ຽງໃຕ້ ແລະ ບັນດາການເຄື່ອນໄຫວພາຍໃນ. ຂອບເຂດການເປັນປະທານຮ່ວມຂອງໂຄງການອາຊີຕາເວັນອອກສ່ຽງໃຕ້ (SEARP) ຂອງ OECD ໃນປີ 2023 ໄດ້ຖືກຈັດຂຶ້ນເປັນຄັ້ງທີ 2 ຕິດຕໍ່ກັນຢູ່ຮ່າໂນ້ຍ.

	ຫຽອດນາມ: ການຫັນເປັນດີຈີຕອນແຫ່ງຊາດ ຕ້ອງນຳຜົນປະໂຫຍດມາໃຫ້ປະຊາຊົນ, ວິສາຫະກິດ
	ຫວຽດນາມ ແບ່ງປັນບົດຮຽນປະສົບການໃນການຊຸກຍູ້ການເຂົ້າຮ່ວມຂອງແມ່ຍິງ ແລະ ເດັກນ້ອຍຍິງໃນວິວັດການຫັນເປັນດີຈີຕອນທົ່ວໂລກ

ຕອນບ່າຍວັນທີ 27 ຕຸລາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຟ້າມມິງຈິງ ໄດ້ໃຫ້ການຕ້ອນຮັບທ່ານ Mathias Cormann ເລຂາທິການໃຫຍ່ອົງການຮ່ວມມືເສດຖະກິດ ແລະ ພັດທະນາ (OECD) ເນື່ອງໃນໂອກາດເຂົ້າຮ່ວມເວທີປາໄສ OECD - ລັດຖະມົນຕີອາຊີຕາເວັນອອກສ່ຽງໃຕ້ ແລະ ບັນດາການເຄື່ອນໄຫວພາຍໃນ. ຂອບເຂດການເປັນປະທານຮ່ວມຂອງໂຄງການອາຊີຕາເວັນອອກສ່ຽງໃຕ້ (SEARP) ຂອງ OECD ໃນປີ 2023 ໄດ້ຖືກຈັດຂຶ້ນເປັນຄັ້ງທີ 2 ຕິດຕໍ່ກັນຢູ່ຮ່າໂນ້ຍ.

ທີ່ການຕ້ອນຮັບ, ທ່ານນາຍົກລັດຖະມົນຕີ ຟ້າມມິງຈິງ ໄດ້ຕີລາຄາສູງ ເລື່ອງ OECD ຮ່ວມເດີນທາງ ແລະ ໜູນຊ່ວຍ ຫວຽດນາມ ໃນການຮັບປະກັນບົດບາດເປັນປະທານຮ່ວມ SEARP, ເປັນຕົ້ນແມ່ນການປະກອບສ່ວນເຂົ້າໃນຜົນສຳເລັດຂອງ ເວທີປາໄສ ລັດຖະມົນຕີ OECD - ອາຊີຕາເວັນອອກສ່ຽງໃຕ້ ແລະ ເວທີປາໄສການລົງທຶນ ຫວຽດນາມ - OECD, ທີ່ຫາກໍ່ດຳເນີນໃນລະຫວ່າງວັນທີ 26 - 27 ຕຸລາ.

OECD ພ້ອມແລ້ວທີ່ຈະໜູນຊ່ວຍ ຫວຽດນາມ ໃນການຊຸກຍູ້ການເຕີບໂຕໃໝ່ຄື ການຫັນປ່ຽນສີຂຽວ ແລະ ການຫັນເປັນດີຈີຕອນ

ທ່ານນາຍົກລັດຖະມົນຕີ ຟ້າມມິງຈິງ ໃຫ້ການຕ້ອນຮັບທ່ານ Mathias Cormann ເລຂານຸການໃຫຍ່ ອົງການຮ່ວມມື ແລະ ພັດທະນາ ເສດຖະກິດ (OECD) (ພາບ: TTXVN)

ທ່ານນາຍົກລັດຖະມົນຕີ ຟ້າມມິງຈິງ ສະເໜີໃຫ້ OECD ຊ່ວຍຫວຽດນາມ ສ້າງນະໂຍບາຍດຶງດູດການລົງທຶນທີ່ມີຄຸນນະພາບສູງ, ທັງຊ່ວຍຫວຽດນາມ ເຂົ້າຮ່ວມລະບົບມູນຄ່າ ແລະ ສະໜອງທົ່ວໂລກ ຢ່າງເລິກເຊິ່ງ, ທັງຮັບປະກັນຜົນປະໂຫຍດນັກລົງທຶນ ແລະ ທັງຕອບສະໜອງໄດ້ການນຳໃຊ້ບັນດາມາດຖານໃໝ່ ຢ່າງມີປະສິດທິຜົນ, ເປັນຕົ້ນແມ່ນ ພາສີລະດັບຕ່ຳສຸດໃນທົ່ວໂລກ.

ທ່ານເລຂານຸການໃຫຍ່ OECD ຖືວ່າ ໃນສະພາບການ ທົ່ວໂລກມີການປ່ຽນແປງຫຼາຍຢ່າງ, ຫວຽດນາມ ມີຄວາມສາມາດບົ່ມຊ້ອນຫຼາຍຢ່າງເພື່ອດຶງດູດການລົງທຶນທີ່ມີຄຸນນະພາບສູງ ມຸ່ງໄປເຖິງການພັດທະນາສີຂຽວ, ຍືນຍົງ. ທ່ານເລຂານຸການໃຫຍ່ ຢັ້ງຢືນວ່າ ຫວຽດນາມ ມີຄວາມສຳຄັນດ້ານຍຸດທະສາດ ສຳລັບ OECD, ທ່ານເຫັນດີເປັນເອກະພາບຈະຍົກລະດັບການພົວພັນ ຫວຽດນາມ - OECD ໃນໄລຍະຈະມາເຖິງ.

ທ່ານເລຂາທິການໃຫຍ່ OECD Mathias Cormann ຂອບອົກຂອບໃຈທ່ານນາຍົກລັດຖະມົນຕີ ທີ່ມີຄວາມຮູ້ສຶກດີ ແລະ ຕີລາຄາສູງບົດບາດສຳຄັນຂອງຫວຽດນາມ ໃນຖານະເປັນປະທານຮ່ວມຂອງໂຄງການ SEARP, ພິເສດແມ່ນຂໍ້ລິເລີ່ມຈັດຕັ້ງເວທີປາໄສລັດຖະມົນຕີ OECD – ອາຊີຕາເວັນອອກສ່ຽງໃຕ້. ທ່ານເລຂາທິການໃຫຍ່ໄດ້ຊົມເຊີຍຫົວຂໍ້ທີ່ເລິກເຊິ່ງ ແລະ ຮີບດ່ວນຂອງເວທີປາໄສປີນີ້ “ການລົງທຶນແບບຍືນຍົງ ແລະ ມີຄຸນນະພາບ: ແຮງຂັບເຄື່ອນໃໝ່ຂອງ OECD - ຄູ່ຮ່ວມມືອາຊີຕາເວັນອອກສ່ຽງໃຕ້” ໄດ້ສະແດງໃຫ້ເຫັນຄວາມສົນໃຈ ແລະ ການເຂົ້າຮ່ວມຂອງຫຼາຍຂັ້ນຂອງບັນດາລັດຖະມົນຕີຂອງບັນດາປະເທດ.

ທ່ານນາຍົກລັດຖະມົນຕີ ຟ້າມມິງຈິງແບ່ງປັນບັນດາທິດທາງຍຸດທະສາດພັດທະນາ, ເນັ້ນໜັກເຖິງບັນດາບຸລິມະສິດຂອງຫວຽດນາມ ໃນໄລຍະຈະມາເຖິງ, ໃນນັ້ນມີ 3 ບາດກ້າວບຸກທະລຸຍຸດທະສາດໃນບັນດາສະຖາບັນ, ພື້ນຖານໂຄງລ່າງ ແລະ ຊັບພະຍາກອນມະນຸດ; ສົມທົບກັນຊຸກຍູ້ການເຕີບໂຕທີ່ສຳຄັນ (ການສົ່ງອອກ, ການລົງທຶນ, ການບໍລິໂພກ) ໃນຂະນະທີ່ຊຸກຍູ້ການເຕີບໂຕໃໝ່ເຊັ່ນ: ເສດຖະກິດສີຂຽວ, ການຫັນເປັນດິຈິຕອລ, ເສດຖະກິດວົງຈອນ, ການປ່ອຍອາຍພິດຕ່ຳ, ເສດຖະກິດສະຫຼາດ.

ຄຳຮຸ່ງ