ຮ່າໂນ້ຍ ແມ່ນສະຖານທີ່ທ່ອງທ່ຽວອັນດັບຕົ້ນໆຂອງໂລກ ຈາກການຄັດເລືອກຂອງ CNN

ແຜນການໂຄສະນາພາບລັກຂອງ CNN ໄດ້ຮັບການຜັນຂະຫຍາຍນັບແຕ່ປີ 2017-2018 ແບ່ງອອກເປັນ 3 ໄລຍະ; ໃນນັ້ນໄລຍະທີ 3 ຕາມແຜນການເບື້ອງຕົ້ນຈະເລີ່ມແຕ່ ວັນທີ4 ຕຸລາ 2018 ແລະ ຈະແກ່ຍາວໄປຈົນເຖິງທ້າຍປີ 2018. “ເຖິງຢ່າງໃດກໍ່ຕາມ ຍ້ອນແຜນການລົງຄະແນນສຽງ ໃຫ້ແກ່ສະຖານທີ່ທ່ອງທ່ຽວ ຂອງ ຮ່າໂນ້ຍ ແມ່ນຂື້ນກັບອົງການທ່ອງທ່ຽວໂລກ ກຳລັງເປັນອົງການປຸກລະດົມ ດັ່ງນັ້ນ CNN ໄດ້ຜັນຂະຫຍາຍໄວກວ່າກຳນົດໃນອາທິດທີ່ຜ່ານມາ, ໃນນັ້ນໄດ້ປັບປຸງເພີ່ມເຕີມຂໍ້ມູນຂ່າວສານ ກ່ຽວກັບການລົງຄະແນນສຽງແກ່ສະຖານທີ່ທ່ອງທ່ຽວຂອງ ຮ່າໂນ້ຍ”.

ໜອງເຕົ່າ ນະຄອນຫຼວງ ຮ່າໂນ້ຍ.

ກ່ຽວກັບແຜນການ-ການຮ່ວມມື ກັບ CNN ນີ້, ທ່ານ ເຈີ່ນດຶກ ຫ໋າໄດ້ໃຫ້ຮູ້ວ່າ: ຕ່າງໜ້າຂອງ CNN ໄດ້ເຂົ້າມາເຮັດວຽກກັບ ນະຄອນຮ່າໂນ້ຍ ແລະ ໄດ້ສະເໜີແຜນການ-ການຮ່ວມມືໃນຊຸມປີຕໍ່ໜ້າ. ແຕ່ວ່ານີ້ກໍ່ເປັນພຽງແຕ່ການສະເໜີຂອງຄູ່ຮ່ວມມືເທົ່ານັ້ນ ແລະ ການຈະສືບຕໍ່ອີກຫຼືບໍ່ແມ່ນຈະເຮັດຕາມຂັ້ນຕອນ; ສະເໜີຂັ້ນນະຄອນ, ສະພາປະຊາຊົນ ນະຄອນ ເປັນຜູ້ພິຈາລະນາ.

ພະແນກ ທ່ອງທ່ຽວຮ່າໂນ້ຍ ໄດ້ໃຫ້ຮູ້ຕື່ມອີກວ່າ: ເຫັນໄດ້ການຮ່ວມມືກັບ CNN ແມ່ນບາດກ້າວອັນຖືກຕ້ອງເພື່ອການໂຄສະນາເຜີຍແຜ່ ພາບລັກໄປທົ່ວໂລກ, ຮ່າໂນ້ຍ ຈະສືບຕໍ່ຮ່ວມມືກັບ ສະຖານນີໂທລະພາບ CNN ສາກົນ ຈັດຕັ້ງການໂຄສານາການທ່ອງທ່ຽວຂອງນະຄອນຫຼວງ ໄລຍະ 2019-2021.

ທ່ານ ເຈີ່ນດຶກ ຫ໋າ ຫົວໜ້າພະແນກ ທ່ອງທ່ຽວ ຮ່າໂນ້ຍ ເປີດເຜີຍວ່າ: ປີ 2018 ຈະສູ້ຊົນໃນການຮັບນັກທ່ອງທ່ຽວໃຫ້ໄດ້ 25,4 ລ້ານເທື່ອຄົນ, ໃນນັ້ນ 5,5 ລ້ານຄົນແມ່ນນັກທ່ອງທ່ຽວຕ່າງປະເທດ.

ຕົວເລກສະຖິຕິສະແດງໃຫ້ເຫັນວ່າ: ນັກທ່ອງທ່ຽວສາກົນ(ນັກທ່ອງທ່ຽວຕ່າງປະເທດ) ມາທ່ຽວ ຮ່າໂນ້ຍ ຈາກ 190 ປະເທດ, ໃນນັ້ນນັກທ່ອງທ່ຽວສ່ວນໃຫຍ່ມາຈາກບັນດາປະເທດທີ່ມີຄວາມສາມາດ ໃຊ້ຈ່າຍໄດ້ດີຄື: ບັນດາປະເທດ ເອຣົບຕາເວັນຕົກ, ປະເທດ ອ໋ອດສະເຕເລຍ, ອາເມລິກາເໜືອ, ເອີຣົບຕາເວັນອອກ, ອາຊີຕາເວັນອອກສ່ຽງເໜືອ... ບັນດາສະຖານທີ່ທ່ອງທ່ຽວທີ່ດຶງດູດນັກທ່ອງທ່ຽວມາຢ້ຽມຊົມແມ່ນ ເຂດປູນີຍະສະຖານ ຮວ່າງແທ່ງທັງລ໋ອງ(Hoàng thành Thăng Long), ເຂດປູນີຍະສະຖານ ວັດວາອາລາມ ເຮືອງເຊີນ(ວັດ Hương Sơn), ວັນມ໋ຽວ-ກ໋ວກຕື້ຢ໋າມ(ມະຫາວິທະຍາໄລເກົ່າແກ່ Văn Miếu - Quốc Tử Giám), ບັນດາສະຖານທີ່ທ່ອງທ່ຽວ ຢູ່ ເມືອງ ບາວີ່, ໝູ່ບ້ານວັດທະນະທຳບັນດາເຜົ່າ ຫວຽດນາມ...

ຂົວ ເທຮຸ໋ກ (ເຂົາເຂົ້າວັດ ຫງ໋ອກເຊີນ ຢູ່ທີ່ຮ່າໂນ້ຍ).

ຕະຫຼາດນັກທ່ອງທ່ຽວທີ່ສຳຄັນທີ່ມາທ່ອງທ່ຽວຢູ່ຮ່າໂນ້ຍ ຍັງຄົງເປັນນັກທ່ອງທ່ຽວມາຈາກປະເທດ ຄື: ປະເທດຈີນ, ເກົາຫຼີໃຕ້, ຍີປຸ່ນ, ຝລັງເສດ, ອາເມລິກາ, ເຍຍລະມັນ, ອ໋ອດສະເຕເລຍ, ໄທ, ໄທເປ, ມາເລເຊຍ, ສິງກາໂປ, ການາດາ. ໃນນັ້ນ ນັກທ່ອງທ່ຽວຊາວ ຈີນ, ເກົາຫຼີໃຕ້ ແລະ ຍີປຸ່ນ ຍັງຄົງເປັນ ຕະຫຼາດນັກທ່ອງທ່ຽວອັນດັບຕົ້ນໆທີ່ມາທ່ຽວຮ່າໂນ້ຍ.

ເວົ້າສະເພາະແຜນການ-ການຮ່ວມມື ກັບສະຖານນີໂທລະພາບ CNN ສາກົນ ເພື່ອຈັດຕັ້ງປະຕິບັດການໂຄສະນາເຜີຍແຜ່ພາບລັກ ນະຄອນຫຼວງ, ອີງຕາມການນຳພະແນກທ່ອງທ່ຽວ ຮ່າໂນ້ຍ, ພະແນກ ໄດ້ເຮັດສຳເລັດບົດສະຫຼຸບລາຍງານຜົນການສຳຫຼວດ, ຜັນຂະຫຍາຍໂຄງການການໂຄສະນາເຜີຍແຜ່ການທ່ອງທ່ຽວ ຮ່າໂນ້ຍ ຢູ່ໜ້າເວບໄຊ ຂອງ CNN ປີ 2017 ແລະ ແຜນການ-ການຮ່ວມມື ປີ 2018.

（​ຫັດ​ທະ​ບູນ）