ສະຫາຍ ເລວັນ ຫຽນ ໄດ້ປະກອບສ່ວນສຳຄັນ ເຂົ້າໃນການຮັດແໜ້ນ ສາຍພົວພັນ ມິດຕະພາບ ທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ຫວຽດນາມ ແລະ ລາວ
	ການແຂ່ງຂັນບານເຕະມິດຕະພາບສາກົນ - ຮັດແໜ້ນຄວາມສາມັກຄີລະຫວ່າງກະຊວງຕໍາຫຼວດຫວຽດນາມ ແລະ ບັນດາອົງການຜູ້ຕາງໜ້າຕ່າງປະເທດປະຈໍາຫວຽດນາມ

ໂດຍປະຕິບັດຕາມແຜນງານ "ຂໍ້ຕົກລົງແກ້ໄຂບັນຫາອົບພະຍົກຢ່າງເສລີ ແລະແຕ່ງງານຜິດກົດໝາຍຢູ່ເຂດຊາຍແດນ" ລະຫວ່າງລັດຖະບານສອງປະເທດຫວຽດນາມ-ລາວ, ຊ່ວຍປະຊາຊົນຢູ່ເຢັນເປັນສຸກ, ປະກອບສ່ວນຮັກສາ, ປົກປັກຮັກສາຄວາມໝັ້ນຄົງ, ຄວາມເປັນລະບຽບຮຽບຮ້ອຍຢູ່ເຂດຊາຍແດນ, ແມ່ນຂີດໝາຍສຳຄັນໃນສາຍພົວພັນມິດຕະພາບຫວຽດນາມ-ລາວ.

ຜູ້ຕາງໜ້າຂະແໜງຍຸຕິທຳແຂວງເທື່ອທຽນເຫວ້ ແລະບັນດາແຂວງສາລາວັນ, ເຊກອງ ເຊັນບົດບັນທຶກຊ່ວຍຈຳກ່ຽວກັບການແກ້ໄຂບັນຫາອົບພະຍົບຢ່າງເສລີ. ພາບ: ທ໊າຍບິ່ງ

"ຢູ່ເຢັນເປັນສຸກ"

ດ້ວຍຄວາມເອົາໃຈໃສ່, ການໜູນຊ່ວຍຂອງອຳນາດການປົກຄອງທ້ອງຖິ່ນ, ບັນດາພົນລະເມືອງຂອງປະເທດເພື່ອນລາວ ໄດ້ຮັບອະນຸຍາດຈາກປະທານປະເທດໃຫ້ເຂົ້າສັນຊາດ ຫວຽດນາມ ນັ້ນມີການດຳລົງຊີວິດເປັນປົກກະຕິ, ອຸ່ນອ່ຽນໃຈສະໜິດຕິດພັນກັບແຜ່ນດິນໃໝ່. ເອື້ອຍ ອາວຽດທິນໍ (ອາຍຸ 36 ປີ, ດຳລົງຊີວິດຢູ່ຕາແສງກວາງເຍີມ, ອາເລື໊ອຍ) ແມ່ນໜຶ່ງໃນຈຳນວນ 164 ຄົນທີ່ໄດ້ເຂົ້າສັນຊາດຫວຽດນາມ ຕາມແຜນງານຂໍ້ຕົກລົງລະຫວ່າງສອງປະເທດຫວຽດນາມ-ລາວ ກ່ຽວກັບການແກ້ໄຂບັນຫາຜູ້ອົບພະຍົບຢ່າງເສລີ ແລະແຕ່ງງານຜິດກົດໝາຍຢູ່ເຂດຊາຍແດນ.

ກ່ອນໜ້ານີ້, ເອື້ອຍ ອາວຽດທິນໍ ພ້ອມກັບອາວ ມາຈາກບ້ານກາໂລ (ເມືອງກະລຶມ, ແຂວງເຊກອງ) ມາດຳລົງຊີວິດ ແລະທຳມາຫາກິນຢູ່ຕາແສງກວາງເຍີມ. ຢູ່ທີ່ນີ້, ອາວຽດທິນໍ ໄດ້ພົບ ແລະເປັນຜົວເມຍກັບອ້າຍ ໂຮ່ວຽດແອັງ ໃນປີ 2009. ດຳລົງຊີວິດນຳກັນເປັນເວລາກວ່າ 10 ປີ, ມີລູກນຳກັນ 2 ຄົນ, ແຕ່ວ່າອ້າຍເອື້ອຍຍັງບໍ່ທັນຈົດທະບຽນສົມລົດເທື່ອ. ຈົນຮອດເວລາ ອາວຽດທິນໍ ໄດ້ເຂົ້າສັນຊາດຫວຽດນາມ ໃນປີ 2019, ອ້າຍເອື້ອຍ ຈຶ່ງ "ເປັນຜົວເມຍ" ຖືກຕາມກົດໝາຍ.

ເອື້ອຍ ນໍ ແບ່ງປັນວ່າ ເມືອກາຍເປັນພົນລະເມືອງຫວຽດນາມ ຄອບຄົວຂ້າພະເຈົ້າຮູ້ສຶກດີໃຈ, ຍ້ອນວ່ານີ້ແມ່ນສິ່ງທີ່ຂ້າພະເຈົ້າໄດ້ລໍຄອຍມາແຕ່ດົນແລ້ວ. ຢູ່ທີ່ນີ້, ພວກຂ້າພະເຈົ້າໄດ້ຮັບການແນະນຳຈາກພະນັກງານກ່ຽວກັບວິທີທຳມາຫາກິນ, ວິທີປູກຕົ້ນໄມ້ໃຫ້ໝາກ, ລ້ຽງໝູ, ໂຕແບ້ ແລະໜູນຊ່ວຍກູ້ຢືນເງິນເພື່ອທຳມາຫາກິນ. ກ່ອນນີ້ເມື່ອຍັງບໍ່ທັນເຂົ້າສັນຊາດ, ການເຮັດເອກະສານໃຫ້ລູກຍາກຫຼາຍ, ແຕ່ດຽວນີ້ແມ່ນງ່າຍແລ້ວ. ຂ້າພະເຈົ້າຂອບໃຈລັດຫວຽດນາມ, ຂອບໃຈອຳນາດການປົກຄອງເມືອງ ອາເລື໊ອຍ ທີ່ໄດ້ອໍານວຍຄວາມສະດວກ ເພື່ອໃຫ້ຂ້າພະເຈົ້າໄດ້ດຳລົງຊີວິດຢູ່ທີ່ນີ້ດ້ວຍຄວາມຜາສຸກ.

ຢູ່ຫ່າງຈາກເຮືອນຂອງເອື້ອຍ ນໍ ບໍ່ໄກປານໃດແມ່ນເຮືອນຂອງເອື້ອຍ ໂຮ່ທິເຮືອງ (ອາຍຸ 38 ປີ) ຜູ້ທີ່ອົບພະຍົບຢ່າງເສລີ ຈາກລາວ ມາ ຫວຽດນາມ ແຕ່ປີ 2010. ເມື່ອມາຮອດຕາແສງກວາງເຍີມ, ເອື້ອຍໄດ້ທຳມາຄ້າຂາຍຢູ່ທີ່ນີ້ ແລະເປັນຜົວເມຍກັບອ້າຍ ເລວັນເຕີ໊ຍ .

ເອື້ອຍ ເຮືອງ ແບ່ງປັນວ່າ "ປີ 2019, ຂ້າພະເຈົ້າໄດ້ເຂົ້າສັນຊາດຫວຽດນາມ ຕາມແຜນງານຂອງລັດຖະບານ 2 ປະເທດ. ພວກຂ້າພະເຈົ້າໄດ້ຮັບງົວພັນເພື່ອລ້ຽງ, ໄດ້ກູ້ຢືນເງິນເພື່ອດໍາເນີນການຜະລິດ ແລະຮັບເງິນໜູນຊ່ວຍເພື່ອປຸກສ້າງເຮືອນຢູ່. ການເຂົ້າສັນຊາດຫວຽດນາມ ໄດ້ສ້າງໂອກາດໃຫ້ຄອບຄົວຂ້າພະເຈົ້າ "ຢູ່ເຢັນເປັນສຸກ", ມຸ່ງໄປເຖິງຫຼຸດພົ້ນອອກຈາກຄວາມທຸກຍາກແບບຍືນຍົງ".

ທ່ານປະທານຄະນະກຳມະການປະຊາຊົນເມືອງ ອາເລື໊ອຍ ຫງວຽນແມັ້ງຮຸ່ງ ໃຫ້ຮູ້ວ່າ ຄົນລາວທີ່ອົບພະຍົບຢ່າງເສລີ ແລະແຕ່ງງານຜິດກົດໝາຍດຳລົງຊີວິດກະແຈກກະຈາຍຢູ່ບັນດາຕາແສງຕິດກັບຊາຍແດນ, ຫຼາຍທີ່ສຸດແມ່ນຢູ່ກວາງເຍີມ, ຮົ່ງເວີນ, ອາຣວ່າງ... ກ່ອນໜ້ານີ້, ເມື່ອຍັງບໍ່ທັນໄດ້ເຂົ້າສັນຊາດ, ຄົນລາວຢູ່ເມືອງອາເລື໊ອຍ ເວົ້າສະເພາະ ແລະຜູ້ອົບພະຍົບຢ່າງເສລີມາດຳລົງຊີວິດຢູ່ລຽບຕາມຊາຍແດນຫວຽດນາມ ປະສົບກັບຄວາມຫຍຸ້ງຍາກຫຼາຍຢ່າງ, ບໍ່ສາມາດເຮັດເອກະສານນິຕິກຳສ່ວນຕົວ ແລະໃຫ້ລູກໄປຮຽນໄດ້. ພາຍຫຼັງໄດ້ເຂົ້າສັນຊາດແລ້ວ, ເຂົາເຈົ້າຈຶ່ງມີສິດ ແລະພັນທະຄືພົນລະເມືອງຫວຽດນາມ, ແລະໄດ້ຮັບການໜູນຊ່ວຍເຮືອນຢູ່, ທີ່ດິນທຳການຜະລິດ, ໄດ້ຮັບເບ້ຍໄມ້, ແນວພັນສັດລ້ຽງ ແລະໄດ້ກູ້ຢືມເງິນ; ຮັບໃບປະກັນສຸຂະພາບ; ໃບຢັ້ງຢືນການເກີດ, ໃບຢັ້ງຢືນການສົມລົດ. ພ້ອມທັງ, ໄດ້ຊົມໃຊ້ບັນດາລະບອບ, ນະໂຍບາຍບຸລິມະສິດສຳລັບຄອບຄົວທຸກຍາກ, ຄອບຄົວໃກ້ຊິທຸກຍາກ, ຊາວເຜົ່າສ່ວນໜ້ອຍຢູ່ເຂດຫຍຸ້ງຍາກພິເສດ, ເຂດຊາຍແດນ.

ຕ້ອງໜູນຊ່ວຍແຫຼ່ງກຳລັງຕື່ມອີກ

ຕົວຈິງແລ້ວ, ຜູ້ອົບພະຍົບຢ່າງເສລີ, ແຕ່ງງານຜິດກົດໝາຍແມ່ນບັນຫາທີ່ມີລັກສະນະປະຫວັດສາດ, ຄົງຕົວມາຫຼາຍປີແລ້ວ, ຍ້ອນສາຍເຫດແຕກຕ່າງກັນ, ພົນລະເມືອງຂອງແຂວງນີ້ສ່ວນໜຶ່ງອາໄສ, ດຳລົງຊີວິດຢູ່ແຂວງອື່ນແຕ່ບໍ່ມີໃບຢັ້ງຢືນສັນຊາດ ແລະຖືກຕົກສູ່ສະພາບບໍ່ມີສັນຊາດ. ວັນທີ 8 ກໍລະກົດ 2013, ລັດຖະບານສອງປະເທດຫວຽດນາມ ແລະລາວ ໄດ້ເຊັນແຜນງານຂໍ້ຕົກລົງແກ້ໄຂບັນຫາຜູ້ອົບພະຍົບຢ່າງເສລີ ແລະແຕ່ງງານຜິດກົດໝາຍຢູ່ເຂດຊາຍແດນສອງປະເທດ.

ຕາມທ່ານ ຫງວຽນວັນຮຶງ, ຫົວໜ້າພະແນກຍຸຕິທຳ ແລ້ວ, ການປະຕິບັດແຜນງານນີ້ໄດ້ຄວບຄຸມສະພາບອົບພະຍົບຢ່າງເສລີ ແລະການແຕ່ງງານຢ່າງຜິດ ກົດໝາຍຢູ່ເຂດຊາຍແດນສອງປະເທດເປັນຕົ້ນແມ່ນຢູ່ເມືອງອາເລື໊ອຍ, ຮັບປະກັນຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຢູ່ເຂດຊາຍແດນລະຫວ່າງເທື່ອທຽນເຫວ້ ກັບສອງແຂວງສາລາວັນ ແລະເຊກອງ. ນະໂຍບາຍຂອງລັດ ອະນຸຍາດໃຫ້ຜູ້ອົບພະຍົບຢ່າງເສລີ ແລະແຕ່ງງານຜິດກົດໝາຍເຂົ້າສັນຊາດຫວຽດນາມ ສະແດງໃຫ້ເຫັນທາດແທ້ມະນຸດສະທຳອັນສູງສົ່ງຂອງພັກ ແລະລັດຫວຽດນາມ, ແມ່ນຂີດໝາຍແຫ່ງຄວາມສະໜິດຕິດພັນໃນສາຍພົວພັນມິດຕະພາບຫວຽດນາມ-ລາວ.

ໃນໄລຍະຈະມາເຖິງ, ແຂວງເທື່ອທຽນເຫວ້ ສະເໜີລັດຖະບານ, ບັນດາກະຊວງ, ຂະແໜງການສູນກາງເອົາໃຈໃສ່, ສ້າງເງື່ອນໄຂໜູນຊ່ວຍບ່ອນຢູ່ອາໄສ, ເຮືອນຢູ່, ດິນປູກຝັງ, ກູ້ຢືນເງິນ, ຮຽນວິຊາຊີບ... ໃຫ້ຜູ້ເຂົ້າສັນຊາດຫວຽດນາມ ຕື່ມອີກ ເພື່ອໃຫ້ເຂົາເຈົ້າມີຊີວິດການເປັນຢູ່ເປັນປົກກະຕິ, ພັດທະນາເສດຖະກິດ, ຍົກສູງ ລາຍຮັບ, ເຊື່ອມຕົວກັບປະຊາຄົມຢູ່ບ່ອນພັກພາອາໄສໂດຍໄວ. ພ້ອມທັງ, ມີມາດຕາດການສະກັດກັ້ນການອົບພະຍົບຢ່າງເສລີ ແລະແຕ່ງງານຜິດກົດໝາຍຢູ່ເຂດຊາຍແດນຫວຽດນາມ-ລາວ ຄືນໃໝ່.