| ນັກສຶກສາຫວຽດນາມ - ລາວ - ກຳປູເຈຍ ຢູ່ນະຄອນໂຮ່ຈີມິນ ພົບປະແລກປ່ຽນວັດທະນະທຳ ແລະຕ້ອນຮັບບຸນປີໃໝ່ | |
| ພົບປະແລກປ່ຽນວັດທະນະທຳ, ກິລາ ແລະ ທ່ອງທ່ຽວ ຫວຽດນາມ-ລາວ |
ເຂົ້າຮ່ວມພິທີມີຜູ້ຕາງໜ້າສະຖານທູດ ຫວຽດນາມ ປະຈຳ ລາວ ພ້ອມດ້ວຍພະນັກງານ, ນັກຮຽນ, ສະມາຊິກຊາວຫວຽດນາມ ອາໄສຢູ່ນະຄອນຫຼວງວຽງຈັນ ເປັນຈຳນວນຄັບຄາໜາແໜ້ນ.
ທີ່ການພົບປະ, ບັນດານັກສິລະປິນຂອງໂຮງລະຄອນລະຄອນຫວຽດນາມ ພ້ອມກັບບັນດາສິລະປິນທີ່ມາຈາກໂຮງຮຽນວິທະຍາໄລວັດທະນະທຳ ແລະ ສິລະປະແຫ່ງຊາດລາວ ໄດ້ສະແດງບົດເພງ, ຟ້ອນ, ດົນຕີທີ່ຍ້ອງຍໍຄວາມງາມຂອງປະເທດຊາດ ແລະ ປະຊາຊົນສອງປະເທດ, ຍ້ອງຍໍມິດຕະພາບທີ່ເປັນມູນເຊື້ອພິເສດລະຫວ່າງຫວຽດນາມ - ລາວ.
 |
| (ພາບ: ຫາຍຕ໋ຽນ) |
ຈຸດພົ້ນເດັ່ນທີ່ໜ້າປະທັບໃຈຂອງການພົບປະແລກປ່ຽນແມ່ນບົດລະຄອນ “ດວງຕາສົດໃສ” ຂອງນັກປະພັນ ທຽນເອີ່ນ, ໂດຍຜູ້ກຳກັບ, ນັກສິລະປິນດີເດັ່ນ ຕ້າຕ້ວນມີ່ງ ໄດ້ຈັດສ້າງສາກການສະແດງວາດພາບມື້ສຸດທ້າຍຂອງຈຸດເວລາສົ່ງປີເກົ່າຕ້ອນຮັບປີໃໝ່ ປີ 1956, ຢູ່ໂຮງຮຽນທະຫານເສຍອົງຄະທາງສາຍຕາ ຢູ່ຮ່າໂນ້ຍ.
ໃນຄືນນັ້ນ, ລຸງໂຮ່ ໄດ້ໄປຢາມໂຮງຮຽນ, ໄດ້ໂອ້ລົມກັບທະຫານທີ່ເສຍອົງຄະ ແລະ ທ່ານເວົ້າວ່າ “ທະຫານໄດ້ຮັບບາດເຈັບແຕ່ບໍ່ພິການ”. ຈາກຄຳມຫ້ກຳລັງໃຈຂອງລຸງໂຮ່, ບັນດາສະຫາຍທະຫານເສຍອົງຄະ, ເສຍສະຫຼະສ່ວນໃດໜຶ່ງໃນຮ່າງກາຍຂອງຕົນເພື່ອຊາດ ແລະ ປະຊາຊົນ ພັດສືບຕໍ່ຈູບຈ້າວຫ້າວຫັນອອກແຮງງານ, ທຳການຜະລິດ, ຮ່ຳຮຽນ ແລະ ປະກອບສ່ວນເຂົ້າໃນສັງຄົມ.
ລາຍການສິລະປະໄດ້ປະກອບສ່ວນແຜ່ກະຈາຍ ແລະ ເຜີຍແຜ່ຮູບພາບປະທານ ໂຮ່ຈີມິນ ແລະ ຄວາມໝາຍຂອງສາຍພົວພັນແບບພິເສດ ຫວຽດນາມ - ລາວ ເຖິງປະຊາຄົມຊາວ ຫວຽດນາມ ແລະ ເພື່ອນລາວ, ຜ່ານນັ້ນ ກໍ່ເຊື່ອມໂຍງຊາວຫວຽດນາມ ທີ່ຢູ່ປະເທດປະຈຳຖິ່ນ ກັບບ້ານເກີດເມືອງນອນ, ສືບຕໍ່ເພີ່ມພູນຄູນສ້າງການພົວພັນລະຫວ່າງ ຫວຽດນາມ ແລະ ລາວ ໃຫ້ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ.
ໃນຂອບເຂດການໄປພົບປະແລກປ່ຽນການສະແດງຢູ່ລາວຄັ້ງນີ້, ກ່ອນໜ້ານີ້, ວັນທີ 25 ຕຸລາ, ນັກສິລະປິນໂຮງລະຄອນລະຄອນຫວຽດນາມ ກໍ່ໄດ້ດຳເນີນງານສະແດງຢູ່ນະຄອນປາກເຊ, ແຂວງຈຳປາສັກ (ພາກໃຕ້ລາວ) ແລະ ໄດ້ຮັບການຕອບຮັບຢ່າງສຸດຈິດສຸດໃຈຈາກບັນດາພີ່ນ້ອງປະຊາຄົມຊາວຫວຽດນາມ ກໍ່ຄືຜູ້ຊົມຊາວລາວ ທີ່ຢູ່ທ້ອງຖິ່ນ.
ດີງເລື້ອງ
