| ລາວສ້າງຄວາມມຸ່ງຫວັງກ່ຽວກັບໄຟຟ້າແຮງລົມເພື່ອຫຼຸດຜ່ອນການຂຶ້ນກັບໄຟຟ້ານ້ຳຕົກ | |
| ILO ຕີລາຄາສູງບັນດາຄວາມຄືບໜ້າຂອງ ຫວຽດນາມ ໃນການປະຕິບັດກົດໝາຍວ່າດ້ວຍແຮງງານ |
ໃນວັນທີ 26-27 ຕຸລາ, ຢູ່ ນິວຢອກ ປະເທດ ອາເມລິກາ, ສະມັດຊາໃຫ່ຍ ສປຊ ໄດ້ຈັດວາລະປະຊຸມດ່ວນພິເສດເພື່ອປຶກສາຫາລືບັນດາຄວາມເຄັ່ງຕຶງຢູ່ເຂດ ກາຊາ ໂດຍທີການເຂົ້າຮ່ວມຂອງຜູ້ຕາງໜ້າຫຼາຍປະເທດສະມາຊິກ ສປຊ, ປະເທດສັງເກດການ, ອົງການຈັດຕັ້ງສາກົນ. ນະທີ່ນີ້, ຫຼາຍປະເທດໄດ້ສະແດງຄວາມວິຕົກກັງວົນກ່ຽວກັບສະພາບຄວາມເຄັ່ງຕຶງພວມເພີ່ມຂຶ້ນຢູ່ເຂດ ກາຊາ, ກ່າວປະນາມບັນດາການບຸກໂຈມຕີທີ່ກໍ່ຄວາມລົ້ມຫາຍຕາຍຈາກໃຫ້ແກ່ສາມັນຊົນ Israel ແລະ Palestine.
 |
ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຜູ້ຕາງໜ້າ ຫວຽດນາມ ປະຈຳ ສປຊ |
ກ່າວຄຳເຫັນທີ່ວາລະປະຊຸມ, ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຜູ້ຕາງໜ້າ ຫວຽດນາມ ປະຈຳ ສປຊ ໄດ້ສະແດງຄວາມວິຕົກກັງວົນຢ່າງເລິກເຊິ່ງ ຕໍ່ສະພາບການປິ້ນຂັ້ນໄດໃນປະຈຸບັນຢູ່ຕາເວັນອອກກາງ. ຫວຽດນາມ ໄດ້ກ່າວປະນາມຢ່າງແຮງບັນດາການບຸກໂຈມຕີ ແນໃສ່ສາມັນຊົນ ແລະ ພື້ນຖານໂຄງລ່າງພົນລະເຮືອນຕົ້ນຕໍ, ທ່ານເນັນໜັກວ່າ ທຸກຝ່າຍຕ້ອງເຄົາລົບກົດໝາຍສາກົນ, ກົດໝາຍມະນຸດສະທຳສາກົນ ແລະ ບັນດາມະຕິທີ່ກ່ຽວຂ້ອງຂອງສະພາຄວາມໝັ້ນຄົງ ສປຊ.
ໃນຖານະເປັນປະເທດທີ່ປະສົບກັບສົງຄາມ ແລະ ການສູນເສຍຫຼາຍທົດສະວັດ, ຫວຽດນາມ ໄດ້ປະນາມການໂຈມຕີຕໍ່ພົນລະເຮືອນ ແລະ ພື້ນຖານໂຄງລ່າງທີ່ສຳຄັນ.
ທ່ານເອກອັກຄະລັດຖະທູດ ດັ້ງຮ່ວາງຢາງ ກໍ່ເນັ້ນໜັກເຖິງຄວາມຈຳເປັນຂອງທຸກຝ່າຍຕ້ອງປະຕິບັດຕາມກົດໝາຍສາກົນ, ກົດໝາຍມະນຸດສະທຳສາກົນ ແລະ ບັນດາມະຕິທີ່ກ່ຽວຂ້ອງຂອງສະພາຄວາມໝັ້ນຄົງ.
ທ່ານເອກອັກຄະລັດຖະທູດ ດັ້ງຮ່ວາງຢາງ ກໍ່ຮຽກຮ້ອງໃຫ້ ສປຊ ແລະ ສະພາຄວາມໝັ້ນຄົງ ສປຊ ຈົ່ງມານະພຍາຍາມເພື່ອມີສານທີ່ເອກະພາບ, ສ້າງສັນ ເພື່ອຊ່ວຍຫລຸດຜ່ອນຄວາມເຄັ່ງຕຶງ, ຢຸດຕິການຕໍ່ສູ້, ປົກປ້ອງສາມັນຊົນ ແລະ ໜູນຊ່ວຍຝ່າຍຕ່າງໆ ເຊື່ອມຕໍ່ການເຈລະຈາ.
ຄຳຮຸ່ງ
