ນຳເອົາອາຫານ ກາຍເປັນຂົວຕໍ່ ສອງປະເທດ ເປຣູ

ຍສໝ - ຕອນຄ່ຳວັນທີ 24 ຕຸລາ ຜ່ານມານີ້, ສະຖານເອກອັກຄະລັດຖະທູດເປຣູ ປະຈຳ ຫວຽດນາມ ໄດ້ສົມທົບກັບ ໂຮງຮຽນວິຊາຊີບ ອາຊີ - ເອີລົບ ຈັດງານວາງສະແດງ “ບັນດາປະເພດອາຫານ ແລະ ເຄື່ອງດື່ມພື້ນເມືອງ ຂອງເປຣູ” ທີ່ຮ່າໂນ້ຍ. ງານດັ່ງກ່າວ ຈັດຂຶ້ນຢູ່ໃນທ່າມກາງ ງານບຸນ “ອາຫານເປຣູຢູ່ຫວຽດນາມ 2023” ເພື່ອແນະນຳ ແລະ ໂຄສະນາພື້ນຖານວັດທະນະທຳທາງດ້ານອາຫານການກິນທີ່ອຸດົມສົມບູນຂອງເປຣູ ໃຫ້ແກ່ຊາວຫວຽດນາມ.

	ລາວ ຮຽກຮ້ອງໃຫ້ ອາຊຽນ ພ້ອມກັນກະທຳເພື່ອຄ້ຳປະກັນຄວາມໝັ້ນຄົງດ້ານສະບຽງອາຫານ
	ຂີດໝາຍອາຫານການກິນທີ່ພົ້ນເດັ່ນຂອງເຂົ້າຈີ່ ຫວຽດນາມ

ນຳເອົາອາຫານ ກາຍເປັນຂົວຕໍ່ ສອງປະເທດຂອງໂລກ, ເປຣູ - ຫວຽດນາມ

ຕອນຄ່ຳວັນທີ 24 ຕຸລາ ຜ່ານມານີ້, ສະຖານເອກອັກຄະລັດຖະທູດເປຣູ ປະຈຳ ຫວຽດນາມ ໄດ້ສົມທົບກັບ ໂຮງຮຽນວິຊາຊີບ ອາຊີ - ເອີລົບ ຈັດງານວາງສະແດງ “ບັນດາປະເພດອາຫານ ແລະ ເຄື່ອງດື່ມພື້ນເມືອງ ຂອງເປຣູ” ທີ່ຮ່າໂນ້ຍ. ງານດັ່ງກ່າວ ຈັດຂຶ້ນຢູ່ໃນທ່າມກາງ ງານບຸນ “ອາຫານເປຣູຢູ່ຫວຽດນາມ 2023” ເພື່ອແນະນຳ ແລະ ໂຄສະນາພື້ນຖານວັດທະນະທຳທາງດ້ານອາຫານການກິນທີ່ອຸດົມສົມບູນຂອງເປຣູ ໃຫ້ແກ່ຊາວຫວຽດນາມ.

ເຂົ້າຮ່ວມພິທີດັ່ງກ່າວ ມີຜູ້ຕາງໜ້າກົມ ການຕະຫຼາດ ເອີລົບ - ອາເມລິກາ (ກະຊວງອຸດສາຫະກຳ ແລະ ການຄ້າ), ຜູ້ຕາງໜ້າບັນດາວິສາຫະກິດ F&B, ບໍລິສັດທ່ອງທ່ຽວ, ມະຫາວິທະຍາໄລຮ່າໂນ້ຍ ແລະ ບັນດາ bartender ກໍ່ຄື ພໍ່ຄົວຢູ່ທີ່ຫວຽດນາມ.

ກ່າວຄຳເຫັນທີ່ພິທີເປີດງານ ໂດຍທ່ານນາງ ຄຣິດແຕວ ອາວີເຣດ ໂຟຣເລດ (Kristell Aviles Flores) ຮອງເອກອັກຄະລັດຖະທູດ ເປຣູ ປະຈຳ ຫວຽດນາມ ໄດ້ສະແດງຄວາມຂອບໃຈມາຍັງບັນດາແຂກທີ່ເຂົ້າຮ່ວມ, ທ່ານເຊື່ອໝັ້ນວ່າ ງານນີ້ແມ່ນໂອກາດເພື່ອໃຫ້ປະຊາຊົນຫວຽດນາມ ມີຄວາມຮູ້ຄວາມເຂົ້າໃຈຕື່ມອີກກ່ຽວກັບບັນດາອາຫານການກິນທີ່ເປັນເອກະລັກສະເພາະຂອງ ເປຣູ ກໍ່ຄືໄດ້ປະກອບສ່ວນເປັນຂົວຕໍ່ຊ່ວຍໃຫ້ບັນດາວິສາຫະກິດ, ພິເສດແມ່ນບັນດາທຸລະກິດໃນຂະແໜງ F&B ໄດ້ເຊື່ອມໂຍງ ແລະ ຊອກຫາຄູ່ຮ່ວມມື ເພື່ອແນໃສ່ເພີ່ມທະວີການຮ່ວມມືດ້ານການຄ້າລະຫວ່າງ 2 ປະເທດ.

Bếp trưởng José María Murga Brescia, Đại sứ Peru tại Việt Nam Augusto Morelli, bếp trưởng Phạm Ngọc Dũng và Phó Đại sứ Peru tại Việt Nam Kristell Aviles Flores tại sự kiện (Từ trái sang phải. Ảnh: Thời Đại) ຫົວໜ້າພໍ່ຄົວ ທ່ານ ໂຈດສ ມາເລຍ ເບສເຄຍ (José María Murga Brescia), ທ່ານອູກັດໂຕ ມໍເລວລີ (Augusto Morelli) ເອກອັກຄະລັດຖະທູດເປຣູ ປະຈຳ ຫວຽດນາມ, ພໍ່ຄົວ ຟາມງອກຢູ້ງ (Pham Ngoc Dung) ແລະ ທ່ານຄຣິດເຕວ ອາວີເລດ ໂຟຣເລດ (Kristell Aviles Flores) ຮອງເອກອັກຄະລັດຖະທູດ ເປຣູ ປະຈຳ ຫວຽດນາມ ທີ່ພິທີເປີດງານ (ຈາກຊ້າຍໄປຂວາ).

ຫົວໜ້າພໍ່ຄົວ ທ່ານ ໂຈດສ ມາເລຍ ເບສເຄຍ (José María Murga Brescia), ທ່ານອູກັດໂຕ ມໍເລວລີ (Augusto Morelli) ເອກອັກຄະລັດຖະທູດເປຣູ ປະຈຳ ຫວຽດນາມ, ພໍ່ຄົວ ຟາມງອກຢູ້ງ (Pham Ngoc Dung) ແລະ ທ່ານນາງ ຄຣິດເຕວ ອາວີເລດ ໂຟຣເລດ (Kristell Aviles Flores) ຮອງເອກອັກຄະລັດຖະທູດ ເປຣູ ປະຈຳ ຫວຽດນາມ ທີ່ພິທີເປີດງານ (ຈາກຊ້າຍໄປຫາຂວາ).

ມາໃນງານຄັ້ງນີ້, ບັນດາແຂກທີ່ຖືກເຊີນ ໄດ້ສຳຜັດກັບລົດຊາດອາຫານທີ່ເປັນເອກະລັກສະເພາະຂອງອາຫານພື້ນເມືອງເປຣູ, ພ້ອມດຽວກັນນັ້ນ, ກໍ່ຍັງໄດ້ຊອກຮູ້ກ່ຽວກັບເຕັກນິກໃນການປຸງແຕ່ງອາຫານ ແລະ ການກະກຽມຄັອກເທວ ໂດຍຜ່ານການເຮັດໂດຍພໍ່ຄົວເປຣູ ທ່ານ ໂຈສ ມາເລຍ ມູກາ ເບດສເຄຍ (José María Murga Brescia). ຈາກນັ້ນ, ແຂກໄດ້ຮັບປະທານອາຫານ ທີ່ມີຊື່ສຽງຂອງເປຣູຄື: ຍໍາກ້ອຍປາ, ຍໍາປາດິບ (Tiradito), ມັນຝະລັ່ງເປຣູ Causa limeña ແລະ 2 ເຄື່ອງດື່ມພື້ນເມືອງຂອງປະເທດອາເມລິກາໃຕ້ເຊັ່ນ: Pisco sour ແລະ Chilcano.

ຄຽງຄູ່ກັນນັ້ນ, ດ້ງຍຄວາມຫວັງຢາກຮັດແໜ້ນນໍ້າໃຈສາມັກຄີທີ່ເປັນມູນເຊື້ອລະຫວ່າງ ເປຣູ ແລະ ຫວຽດນາມ ເນື່ອງໃນໂອກາດສະເຫຼີມສະຫຼອງ 29 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ, ພໍ່ຄົວຫວຽດນາມ ທ່ານ ຟາມງອກຢຸ້ງ (Pham Ngoc Dung) ແລະ ພໍ່ຄົວເປຣູ ທ່ານ José María Murga Brescia ໄດ້ສົມທົບກັນ ເພື່ອກະກຽມເຮັດອາຫານ “ປີ້້ງພັນອາຫານທະເລໃສ່ຊອັດເປຣູ” ທີ່ນໍາເອົາອາຫານ ຂອງສອງປະເທດມາປະສົມປະສານກັນ.

ຕະຫຼອດລາຍການ, ສະຖານທູດ ຍັງໄດ້ແນະນໍາລົດຊາດທີ່ເປັນເອກະລັກຂອງກາເຟເອກະລັກພິເສດ (specialty coffee) ທີ່ມສຈາກຍີ່ຫໍ້ກາເຟທີ່ມີຊື່ສຽງຂອງເປຣູ.

ອາຫານທີ່ນຳສະແດງໃນງານ

ພໍ່ຄົວເປຣູ José María Murga Brescia ໃຫ້ຮູ້ວ່າ: "ຂ້້າພະເຈົ້າເຄີຍມາຫວຽດນາມມາກ່ອນນີ້, ແຕ່ທຸກຄັ້ງທີ່ກັບມາຫວຽດນາມ, ຂ້າພະເຈົ້າກໍ່ຍິ່ງເພີ່ມຄວາມປະທັບໃຈຕໍ່ກັບອາຫານຂອງເຂົ້າເຈົ້າຫຼາຍຂື້ນ. ຫຼ້າສຸດຮັບປະທານເຂົ້າປຸ້ນຊິ້ນປີ້ງ (bun cha) ແລະ ຂ້າພະເຈົ້າ່ກໍ່ມັກອາຫານນີ້. ນອກຈາກນັ້ນ, ຊ້າພະເຈົ້າຍັງ ມັກ: ເຝີ, ເຂົ້າຈີ່, ປະເພດເຂົ້າປຸ້ນ,... ອາຫານເກືອບທຸກຊະນິດຂອງຫວຽດນາມ ແມ່ນແຊບຫຼາຍ.

ຂ້າພະເຈົ້າເຫັນວ່າ ຫວຽດນາມ ແລະ ເປຣູ ມີສ່ວນປະກອບອາຫານທີ່ຄ້າຍຄືກັນຫຼາຍຢ່າງ, ທັງສອງປະເທດມີອາຫານທະເລ ແລະ ຊີ້ນຫຼາຍຢ່າງ. ຫວຽດນາມ ອາດຈະກິນປະເພດຜັກຂຽວ, ຜັກຫອມຫຼາຍກວ່າ, ສ່ວນເປຣູແມ່ນຄວາມຫຼາກຫຼາຍທາງດ້ານປະເພດຫົວ ແລະ ໝາກເຊັ່ນ: ມັນຟລັ່ງ ແລະ ໝາກເຜັດ. ນອກຈາກນັ້ນ, ວິທີປຸງແຕ່ງໃສ່ເຄື່ອງປຸງ ແລະ ສ້າງລົດຊາດຂອງອາຫານ ແມ່ນແຕກຕ່າງກັນເລັກນ້ອຍ. ສະນັ້ນ, ຂ້າພະເຈົ້າເອງຄິດວ່າ ເພື່ອເຮັດໃຫ້ບັນດາອາຫານເປຣູ ແທດເໝາະກັບຫວຽດນາມ, ບັນດາພໍ່ຄົວສາມາດນຳເອົາປະເພດຜັກຂຽວ ແລະ ເຄື່ອງປຸງໃສ່ຕື່ມອີກ”.

ເມື່ອເວົ້າເຖິງປະສົບການທີ່ເຮັດອາຫານເປຣູ, ອາຈານສະຖາບັນອາຊີ - ເອີລົບ - ພໍ່ຄົວ ຟ້າມງອກຢຸງ ໃຫ້ຂໍ້ສັງເກດວ່າ: “ອາຫານເປຣູແມ່ນຄ້າຍຄືກັນກັບຫວຽດນາມ, ແມ່ນອາຫານທີ່ມີສ່ວນປະສົມ ແລະ ດືງດູດຈາກຫຼາຍປະເທດຄື ເອີລົບ ແລະ ຍີ່ປຸ່ນ. ຍ້ອນແນວນັ້ນ ບັນດາອາຫານເປຣູ ແມ່ນເໝາະສົມສຳລັບຊາວຫວຽດນາມ, ເຖິງຢ່າງໃດກໍຕາມ, ພໍ່ຄົວຊາວເປຣູ ກໍ່ມັກປຸງແຕ່ງອາຫານທີ່ມີລົດຊາດສົ້ມກວ່າລົດຊາດຫວຽດນາມ, ຂ້າພະເຈົ້າຄິດວ່າ ນີ້ແມ່ນຈຸດທີ່ຄວນເອົາໃຈໃສ່ ເພື່ອເພີ່ມລົດຊາດໃຫ້ເໝາະສົມກວ່າ.

ອາຫານທີ່ນຳສະແດງໃນງານ

“ສັບປະດາອາຫານ ເປຣູ ຢູ່ ຫວຽດນາມ 2023” ໄດ້ໄຂຂຶ້ນຢ່າງເປັນທາງການໃນວັນທີ 24 ຕຸລາ. ສືບຕໍ່ລາຍການ, ແຕ່ວັນທີ 26 – 29 ຕຸລາ, ຊາວນະຄອນຫຼວງ ຈະມີໂອກາດໄດ້ສຳຜັດກັບລົດຊາດທີ່ອຸດົມສົມບູນ ແລະ ດຶງດູດໃຈຂອງອາຫານອາເມລິກາໃຕ້ທີ່ມີຊື່ສຽງຂອງໂລກ ດ້ວຍອາຫານພິເສດເຊັ່ນ: Ceviche (ຍໍາອາຫານທະເລແບບເປຣູ), Causa (ເຂົ້າໜົມມັນຕົ້ນພື້ນເມືອງເປຣູ.), Lomo Saltado (ຊີ້ນງົວແບບເປຣູ) ແລະ ອາຫານອື່ນໆອີກຫຼາຍຢ່າງທີ່ຮ້ານອາຫານ Oven D'or (ໂຮງແຮມ Sheraton Hanoi).

ອາຫານເປຣູ ເປັນໜຶ່ງໃນການປະສານສົມທົບທີ່ແກ່ຍາວນັບພັນປີລະຫວ່າງອາຫານຂອງຫຼາຍວັດທະນະທໍາລວມທັງ ອິນຄາ (Inca), ເອີຣົບ (ສະເປນ, ອີຕາລີ, ເຢຍລະມັນ), ອາຊີ (ຍີ່ປຸ່ນ, ຈີນ) ແລະ ອາຟຣິກາ. ດ້ວຍພູມສັນຖານທີ່ມີຄວາມຫຼາກຫຼາຍທີ່ເປັນເອກະລັກ, ສ່ວນປະກອບສໍາລັບອາຫານພື້ນເມືອງເປຣູ ຍັງອຸດົມສົມບູນທີ່ສຸດ, ຈາກຍໍາອາຫານທະເລສົດເຊັ່ນ ceviche ແລະ tiradito ໃນເຂດແຄມຝັ່ງທະເລ, ອາຫານທີ່ເຮັດດ້ວຍຊີ້ນແກະ ແລະ ຊີ້ນງົວ, ໝູຕົ້ມກັບມັນຟລັ່ງ ແລະ ສາລີ ຢູ່ເຂດພູສູງ ແລະ ສຸດທ້າຍແມ່ນອາຫານທີ່ປຸງແຕ່ງຈາກປາ ແລະ ສັດທີ່ຢູ່ໃນເຂດປ່າ ອາເມຊອ່ນ.

ຕັ້ງແຕ່ປີ 2012 ຫາ 2023, ອົງການ World Travel Awards (ລາງວັນການທ່ອງທ່ຽວໂລກທີ່ມີຊື່ສຽງ ຄືລາງວັນ Oscars ຂອງຂະແໜງການທ່ອງທ່ຽວ) ໄດ້ສະເຫນີຊື່ ເປຣູ 10 ຄັ້ງໃນບັນຊີລາຍຊື່ຂອງສະຖານທີ່ທ່ອງທ່ຽວດ້ານອາຫານທີ່ດີທີ່ສຸດຂອງໂລກ ແລະ 9 ຄັ້ງ ໄດ້ເຊີດຊູ ເປຣູ ໃນລາຍຊື່ຈຸດຫມາຍປາຍທາງການທ່ອງທ່ຽວດ້ານອາຫານການກິນ ນໍາໜ້າໃນ ອາເມລິກາໃຕ້. ໃນປີ 2022, ປະເທດອາເມລິກາໃຕ້ ນີ້ເປັນຄັ້ງທີ່ສີ່ ກ່ຽວກັບເຄື່ອງໝາຍ “ຈຸດຫມາຍປາຍທາງດ້ານອາຫານການກິນ ນໍາໜ້າຂອງໂລກ”.