 |
“ວັນ ຫວຽດນາມ” ໄດ້ຈັດຕັ້ງໃນບໍລິເວນສວນສາທາລະນະ Seeber (ພາບ: qdnd.vn)
ໃນຂອບເຂດບັນດາການເຄື່ອນໄຫວສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ອັກຊັງຕິນ, ວັນທີ 08 ກັນຍາ, ສະຖານທູດ ຫວຽດນາມ ປະຈຳ ອັກຊັງຕິນ ໄດ້ສົມທົບກັບອຳນາດການປົກຄອງ ນະຄອນ Buenos Aires ຈັດຕັ້ງ “ວັນ ຫວຽດນາມ” ທີ່ ສວນສາທາລະນະ Seeber ດ້ວຍການເຂົ້າຮ່ວມຂອງ ຜູ້ຕາງໜ້າ ກະຊວງການຕ່າງປະເທດ, ອຳນາດການປົກຄອງນະຄອນ Buenos Aires, ຄະນະທູຕານຸທູດ ພ້ອມດ້ວຍປະຊາຊົນປະຈຳຖິ່ນເປັນຈຳນວນຫລວງຫລາຍ.
ກ່າວຄຳເຫັນເປີດງານໃນຄັ້ງນີ້, ທ່ານເອກອັກຄະລັດຖະທູດ ດັ້ງຊົນ ຢຸງ ຕີລາຄາສູງ ການສະໜັບສະໜູນ ແລະ ການຮ່ວມມືກັນ ຂອງອຳນາດການປົກຄອງ ນະຄອນ Buenos Aires ແລະ ບັນດາອົງການທີ່ກ່ຽວຂ້ອງຂອງ ອັກຊັງຕິນ ເພື່ອເປັນຄັ້ງທຳອິດນຳເອົາ “ວັນ ຫວຽດນາມ” ມານຳສະເໜີໃຫ້ປະຊາຊົນ ນະຄອນຫລວງເປັນຈຳນວນຫລວງຫລາຍ, ພ້ອມທັງ ຢືນຢັນວ່າ: ນີ້ແມ່ນງານອັນແທ້ຈິງ ເພື່ອຂ່ຳນັບຮັບຕ້ອນວັນຄົບຮອບ 45 ປີ ແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ ຫວຽດນາມ - ອັກຊັງຕິນ.
ທ່ານເອກອັກຄະລັດຖະທູດ ດັ້ງຊົນ ຢຸງ ໃຫ້ຮູ້ວ່າ: ການເຄື່ອນໄຫວໃນຄັ້ງນີ້ແມ່ນກິດຈະກຳຕົວຈິງເຮັດໃຫ້ປະຊາຊົນ ອັກຊັງຕິນ ມີເງື່ອນໄຂ ໃນການຊອກຮູ້ກ່ຽວກັບປະເທດ ຫວຽດນາມ ຫຼາຍຂື້ນ ໃນຫຼາຍໆຊ່ອງທາງ ຈາກນັ້ນ ກໍ່ຫວັງວ່າຈະຊ່ວຍຊຸກຍູ້ຕື່ມ ສາຍພົວພັນມິດຕະພາບ ສອງຝ່າຍອັນມີມູນເຊື້ອຢ່າງຍາວນານ ເພີ່ມທະວີຄວາມເຂົ້າໃຈເຊິ່ງກັນແລະກັນລະຫວ່າງປະຊາຊົນສອງຊາດ.
（ຫັດທະບູນ）
