ເພື່ອເສີມຂະຫຍາຍມູນເຊື້ອ “ຮັກເພື່ອນມະນຸດເໝືອນດັ່ງຮັກຕົນເອງ”, ໃນຫຼາຍປີຜ່ານມາ, ພຸດທະສາສະນິກະຊົນຫວຽດນາມ ຢູ່ລາວ ຍາມໃດກໍ່ຈັດຕັ້ງບັນດາການເຄື່ອນໄຫວຊ່ວຍເຫຼືອຜູ້ທຸກຍາກ, ຜູ້ປະສົບກັບຄວາມຫຍຸ້ງຍາກ, ເຈັບປ່ວຍຜ່ານບັນດາການເຄື່ອນໄຫວອາສາສະໝັກ.
 |
| ພຸດທະສາສະນິກະຊົນຫວຽດນາມ ຢູ່ລາວ ເສີມຂະຫຍາຍຄຸນຄ່າມະນຸດຊາດຂອງຊາວຫວຽດນາມ. ພາບ: vov.vn |
ຕັ້ງແຕ່ເຊົ້າ, ພຸດທະສາສະນິກະຊົນໄດ້ແບ່ງງານໃຫ້ແຕ່ລະຄົນ, ໄປຕະຫຼາດຊື້ອາຫານ, ຕັດ ແລະສ້ອມຜັກ, ປອກປະເພດໝາກ, ແລ້ວແຕ່ງອາຫານ. ເຖິງວ່າ ສ່ວນຫຼາຍແມ່ນອາຫານເຈກໍ່ຕາມ, ແຕ່ພຸດທະສາສະນິກະຊົນ ກໍ່ມີໄຫວພິບໃນການປ່ຽນເມນູອາຫານ ແລະຄິດໄລ່ໂພສະນາການຢ່າງຄົບຖ້ວນ ເພື່ອຊ່ວຍໃຫ້ຜູ້ປະສົບຄວາມຫຍຸ້ງຍາກ ແລະຄົນເຈັບປ່ວຍໄດ້ກິນແຊບກວ່າ.
ໃນຊຸມປີມໍ່ໆມານີ້, ປະຊາຄົມຊາວຫວຽດນາມ ຢູ່ລາວ ເວົ້າລວມ ແລະພຸດທະສາສະນິກະຊົນເວົ້າສະເພາະ ໄດ້ມີການເຄື່ອນໄຫວອາສາສະໝັກຫຼາຍຢ່າງ, ບໍ່ພຽງແຕ່ມຸ່ງໄປເຖິງບ້ານເກີດເມືອງນອນເທົ່ານັ້ນ ຫາກຍັງປະກອບສ່ວນໃຫ້ປະເທດປະຈຳຖິ່ນ, ຜ່ານນັ້ນ ກໍ່ໄດ້ສ້າງສີສັນວັດທະນະທຳທີ່ດີງາມຂອງຊາວຫວຽດນາມ ຢູ່ປະເທດລ້ານຊ້າງ, ທັງເປັນການເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດລະຫວ່າງສອງປະເທດ ຫວຽດນາມ - ລາວ.
ບູນມີ
