| ປະຊາຄົມຊາວຫວຽດນາມ ຢູ່ ຍີ່ປຸ່ນ ປາດຖະໜາຢາກຮ່ວມມື ແລະ ສ້າງແຜນການພັດທະນານະຄອນ ໂຮ່ຈີມິນ | |
| ຍີ່ປຸ່ນ ອຸປະຖໍາກວ່າ 1,6 ລ້ານ USD ໃຫ້ 9 ໂຄງການຢູ່ ຫວຽດນາມ |
ນີ້ແມ່ນກອງປະຊຸມສຳມະນາທີ່ຈັດຂຶ້ນໃນທຸກໆ 2 ປີ, ໄດ້ຮັບການສ້າງຕັ້ງໂດຍ 3 ອົງການເປັນສັນຍະລັກ, ຄື: ເຄືອຂ່າຍນັກສຶກສາ ຫວຽດນາມ ຢູ່ ຍີ່ປຸ່ນ (VANJ), ປະຊາຄົມບັນດານັກຊ່ຽວຊານ ຫວຽດນາມ ຢູ່ ຍີ່ປຸ່ນ (VPJ) ແລະ ສະມາຄົມຊາວໜຸ່ມ, ນັກສຶກສາຫວຽດນາມຢູ່ຍີ່ປຸ່ນ (VYSA).
ເວທີປາໄສປັນຍາຊົນຫວຽດນາມ ປະຈຳ ຍີ່ປຸ່ນ ປີນີ້ ດ້ວຍຫົວຂໍ້ “ກະແສຍຸກສະໄໝ - ມຸ່ງໄປເຖິງອະນາຄົດ” ເນັ້ນໜັກເຖິງຄວາມສຳຄັນຂອງການປະເຊີນໜ້າກັບການປ່ຽນແປງ, ຜ່ານຜ່າສິ່ງທ້າທາຍ ແລະ ການຮ່ວມມືກໍ່ສ້າງ ເພື່ອສ້າງອະນາຄົດອັນດີງາມຂອງ ຫວຽດນາມ ແລະ ຍີ່ປຸ່ນ.
 |
| ທ່ານເອກອັກຄະລັດຖະທູດ ຫວຽດນາມ ປະຈຳ ຍີ່ປຸ່ນ ຟ້າມກ່ວາງຫ້ຽວ ກ່າວຄຳເຫັນທີ່ເວທີປາໄສ |
ກ່າວຄຳເຫັນທີ່ເວທີປາໄສ, ທ່ານເອກອັກຄະລັດຖະທູດ ຫວຽດນາມ ປະຈຳ ຍີ່ປຸ່ນ ຟ້າມກ່ວາງຫ້ຽວ ເນັ້ນໜັກວ່າ: ໃນຊຸມປີມໍ່ໆມານີ້, ປະຊາຄົມຊາວຫວຽດນາມ ຢູ່ ຍີ່ປຸ່ນ ໄດ້ເຕີບໂຕຢ່າງວ່ອງໄວ, ປະຈຸບັນມີເກືອບ 500.000 ຄົນ, ເຮັດໃຫ້ຊາວຕ່າງປະເທດໃຫຍ່ອັນດັບ 2 ຢູ່ ຍີ່ປຸ່ນ.
ໃນນັ້ນມີບັນດາຄົນຮຸ່ນໜຸ່ມ, ເປັນຈຳນວນຫຼວງຫຼາຍໄດ້ໄປສຶກສາ, ຄົ້ນຄວ້າ ແລະ ເຮັດວຽກຢູ່ຍີ່ປຸ່ນໃນໄລຍະ 15-20 ປີຜ່ານມາ. ຫຼາຍຄົນຍັງໄດ້ຮັບຕໍາແໜ່ງທີ່ສໍາຄັນໃນການສອນ, ການຄົ້ນຄວ້າ, ແລະການຄຸ້ມຄອງຢູ່ໃນມະຫາວິທະຍາໄລທີ່ມີຊື່ສຽງຫຼືທຸລະກິດຊັ້ນນໍາໃນປະເທດຍີ່ປຸ່ນ.
ເຂົາເຈົ້າພ້ອມກັບກຳລັງນັກປັນຍາຊົນໜຸ່ມ, ນັກທຸລະກິດເລີ່ມຕົ້ນ ແລະ ນັກສຶກສາສາກົນທີ່ມີຄວາມກະຕືລືລົ້ນເປັນຈຳນວນຫຼວງຫຼາຍ, ປະກອບສ່ວນນຳການພັດທະນາຂອງປະຊາຄົມຊາວ ຫວຽດນາມ ຢູ່ ຍີ່ປຸ່ນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ - ສັງຄົມຂອງ ຍີ່ປຸ່ນ, ກາຍເປັນ. ຂົວທາງທີ່ສຳຄັນໃນການຮ່ວມມືມິດຕະພາບລະຫວ່າງສອງປະເທດ.
ກ່າວຄຳເຫັນທີ່ເວທີປາໄສ, ທ່ານລັດຖະມົນຕີກະຊວງແຜນການ ແລະ ການລົງທຶນ ຫງວຽນຈີ໋ຢຸງ ໃຫ້ຄຳເຫັນວ່າ: ບັນດາການເຄື່ອນໄຫວຂອງເວທີປາໄສຄວາມຮູ້ ຫວຽດນາມ ຢູ່ ຍີ່ປຸ່ນ ແມ່ນຂົວຕໍ່ທີ່ມີຄວາມໝາຍ, ປະກອບສ່ວນຊຸກຍູ້ການພົວພັນ ຫວຽດນາມ - ຍີ່ປຸ່ນ ໃນໄລຍະຜ່ານມາ ແລະ ໃນອະນາຄົດ.
ທ່ານຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຢີ ປູຍເທຢູຍ ກໍ່ຕີລາຄາສູງບັນດາກຳລັງປັນຍາຊົນຫວຽດນາມ ຢູ່ ຍີ່ປຸ່ນ ຍາມໃດກໍ່ມີບັນດາການເຄື່ອນໄຫວປະຕິບັດຕົວຈິງເພື່ອປະເທດຊາດ ດ້ວຍບັນດາຄຳແນະນຳ, ຕຳນິຕິຕຽນ ເປັນຕົ້ນແມ່ນບັນດາການເຄື່ອນໄຫວໜູນຊ່ວຍ, ບຳລຸງສ້າງ, ຈັດຕັ້ງຫຼາຍເວທີປາໄສເພື່ອເຊື່ອມໂຍງ ແລະ ແລກປ່ຽນ.
ນອກຈາກນັ້ນ, ຄະນະນັກປັນຍາຊົນ, ນັກທຸລະກິດ, ນັກວິທະຍາສາດຫວຽດນາມ ຢູ່ ຍີ່ປຸ່ນ ກໍ່ປະກອບສ່ວນຢ່າງໃຫຍ່ຫຼວງເຂົ້າໃນການສ້າງຕັ້ງ, ເພີ່ມທະວີ, ຊຸກຍູ້ການຮ່ວມມືລະຫວ່າງ ຫວຽດນາມ ແລະ ຍີ່ປຸ່ນ, ພິເສດແມ່ນໃນຂົງເຂດເຕັກໂນໂລຢີ ແລະ ນະວັດຕະກຳ.
ຄຳຮຸ່ງ
