ລັດ New South Wales (ອົດສະຕາລີ) ພ້ອມແລ້ວທີ່ຈະຕ້ອນຮັບວິສາຫະກິດ ຫວຽດນາມ

11:54 | 16/10/2023

ຍສໝ - ຕາມສຳນັກຂ່າວສານຫວຽດນາມປະຈຳ Sydney, ໃນຂອບເຂດການຢ້ຽມຢາມນິວຊີແລນ ແລະ ອົດສະຕາລີ ໄດ້ດຳເນີນໄປແຕ່ວັນທີ 6 – 15 ຕຸລາ ຂອງຄະນະຜູ້ແທນນະຄອນຮ່າໂນ້ຍ ໂດຍທ່ານຮອງເລຂາຄະນະພັກນະຄອນ ຫງວຽນວັນຟອງ ນຳໜ້າໃນຕອນເຊົ້າວັນທີ ວັນທີ 11 ຕຸລານີ້, ຄະນະຜູ້ແທນໄດ້ມີການພົບປະເຈລະຈາກັບທ່ານນາງ Katie Knight, ຜູ້ອຳນວຍການໃຫຍ່ອົງການລົງທຶນແຫ່ງລັດ New South Wales, ກະຊວງການລົງທຶນ, ການຄ້າ ແລະ ວິສາຫະກິດອົດສະຕາລີ ແລະ ການນຳບັນດາອົງການວິຊາສະເພາະຂອງລັດ.

	ໝາກລຳໄຍສົດຂອງບັກຢາງ ໄດ້ສົ່ງອອກ ໄປຍັງຕະຫຼາດອົດສະຕາລີ
	ທ່ານນາຍົກລັດຖະມົນຕີ ຟ້າມມິງຈິງ ເປັນປະທານພິທີຕ້ອນຮັບທ່ານນາຍົກລັດຖະມົນຕີ ອົດສະຕາລີ ຢ່າງເປັນທາງການ

ໃນຂອບເຂດການໄປປະຕິບັດງານຢູ່ ນິວຊີແລນ ແລະ ອົດສະຕາລີ ທີ່ໄດ້ດຳເນີນໃນລະຫວ່າງວັນທີ 6 – 15 ຕຸລາ, ຄະນະຜູ້ແທນ ຮ່າໂນ້ຍ ໂດຍທ່ານ ຫງວຽນວັນຟອງ, ຮອງເລຂາຄະນະພັກນະຄອນ ເປັນຫົວໜ້າຄະນະໄດ້ມີການເຮັດວຽກກັບທ່ານນາງ Katie Knight, ຫົວໜ້າກົມໃຫຍ່ອົງການລົງທຶນລັດ New South Wales , ກະຊວງລົງທຶນການຄ້າ ແລະ ວິສາຫະກິດ ອົດສະຕາລີ.

ທີ່ການເຮັດວຽກກັບອຳນາດການປົກຄອງລັດ New South Wales ຢູ່ Sydney, ທ່ານ ຫງວຽນວັນຟອງ ຫວັງວ່າ ນະຄອນຫຼວງຮ່າໂນ້ຍ ແລະ ລັດ New South Wales ຈະເພີ່ມທະວີການພົວພັນຮ່ວມມືລົງທຶນດ້ານການຄ້າ, ການສຶກສາບຳລຸງສ້າງ, ພົບປະແລກປ່ຽນວັດທະນະທຳ ເພື່ອຊຸກຍູ້ການທ່ອງທ່ຽວສອງສົ້ນ, ຮ່ວມມືກັບບັນດານະຄອນຂອງອົດສະຕາລີ ໃນຂອບເຂດເຄືອຂ່າຍ ບັນດານະຄອນປະດິດຄິດສ້າງຂອງອົງການສຶກສາ, ວິທະຍາສາດ ແລະ ວັດທະນະທຳຂອງ ສປຊ (UNESCO), ເພີ່ມທະວີບັນດາຮູບແບບພົບປະແລກປ່ຽນລະຫວ່າງບັນດາອົງການວັດທະນະທຳເພື່ອແລກປ່ຽນບົດຮຽນປະສົບການກ່ຽວກັບການພັດທະນາອຸດສາຫະກຳ ວັດທະນະທຳ, ຮູບເງົາ.

ລັດ New South Wales (ອົດສະຕາລີ) ພ້ອມແລ້ວທີ່ຈະຕ້ອນຮັບວິສາຫະກິດ ຫວຽດນາມ

ທ່ານເລຂາທິການໃຫຍ່ຄະນະບໍລິຫານງານສູນກາງພັກ ຮ່າໂນ້ຍ ຫງວຽນວັນຟຸກ ມອບຂອງທີ່ລະນຶກໃຫ້ຜູ້ຕາງໜ້າມະຫາວິທະຍາໄລ Macquarie.

ລັດ New South Wales ໄດ້ເປີດສຳນັກງານຜູ້ຕາງໜ້າຢູ່ ຫວຽດນາມ ແລະ ພ້ອມແລ້ວທີ່ຈະຕ້ອນຮັບບັນດາວິສາຫະກິດ ຫວຽດນາມ ເວົ້າລວມ, ກໍ່ຄື ຮ່າໂນ້ຍ ເວົ້າສະເພາະ ເຂົ້າຮ່ວມຂະບວນການພັດທະນາເສດຖະກິດ - ສັງຄົມຂອງລັດ, ພິເສດແມ່ນການຮ່ວມມືລົງທຶນໃນຂົງເຂດຫັນເປັນດີຈີຕອນ ແລະ ນະວັດຕະກໍາ.

ກ່າວຄຳເຫັນທີ່ການພົບປະ, ທ່ານນາງ Katie Knight ໃຫ້ຮູ້ວ່າ: ລັດ New South Wales ແລະ ນະຄອນຫຼວງ ຮ່າໂນ້ຍ ຍັງຄົງມີຫຼາຍຊ່ອງຫວ່າງ, ເປັນໂອກາດໃນການຮ່ວມມື, ແລະ ຕ້ອງສືບຕໍ່ຊຸກຍູ້ການຮ່ວມມືໃນໄລຍະຈະມາເຖິງໃນສະພາບການ. ລັດຖະບານອົດສະຕາລີປະກາດຍຸດທະສາດເສດຖະກິດອາຊີຕາເວັນອອກສ່ຽງໃຕ້ແຕ່ນີ້ຮອດປີ 2040 ດ້ວຍເປົ້າໝາຍເພີ່ມທະວີການພົວພັນດ້ານການຄ້າກັບພາກພື້ນ ແລະ ການຮ່ວມມືພັດທະນາກັບບັນດາປະເທດອາຊີ, ໃນນັ້ນມີຫວຽດນາມ.

ສ່ວນທ່ານນາງ Katie Knight ໃຫ້ຮູ້ວ່າ ລັດ New South Wales ໄດ້ເປີດຫ້ອງການຜູ້ຕາງໜ້າປະຈຳ ຫວຽດນາມ ແລະ ພ້ອມແລ້ວທີ່ຈະຕ້ອນຮັບບັນດາວິສາຫະກິດຂອງ ຫວຽດນາມ ເວົ້າລວມ ແລະ ຮ່າໂນ້ຍ ເວົ້າສະເພາະ ເຂົ້າຮ່ວມວິວັດການພັດທະນາເສດຖະກິດ, ສັງຄົມຂອງລັດ ພິເສດແມ່ນການຮ່ວມມືລົງທຶນເຂົ້າຂົງເຂດຫັນເປັນດີຈີຕອນ ແລະ ນະວັດຕະກຳ.

ຕອນບ່າຍວັນດຽວກັນ, ຄະນະຜູ້ແທນຮ່າໂນ້ຍ ໄດ້ມີການພົບປະເຈລະຈາກັບຄະນະປະຈຳສະພານະຄອນ Sydney, ລັດ New South Wales. ຕ້ອນຮັບ ແລະ ເຮັດວຽກກັບຄະນະ, ໂດຍທ່ານຮອງເຈົ້າຄອງນະຄອນ Sydney ທ່ານ Robert Kok. ທີ່ການພົບປະ, ຮອງເຈົ້າຄອງນະຄອນ Robert Kok ໃຫ້ຮູ້ວ່າ: ສອງທ້ອງຖິ່ນມີຫຼາຍຈຸດທີ່ຄ້າຍຄືກັນໃນເນື້ອທີ່ ແລະ ຂະໜາດປະຊາກອນ, ນະຄອນ Sydney ແມ່ນນະຄອນນຳໜ້າໃນຂົງເຂດຫັນເປັນດີຈີຕອນ ແລະ ນະວັດຕະກຳ.

ລັດຖະບານນະຄອນ Sydney ໄດ້ວາງແຜນຍຸດທະສາດຮອບດ້ານວິໄສທັດ 2030-2050, ວາງເປົ້າໝາຍເຮັດໃຫ້ນະຄອນ Sydney ເປັນນະຄອນສ້າງສັນໃນປີ 2030 ດ້ວຍ 10 ທິດທາງຍຸດທະສາດເພື່ອສ້າງເມືອງສະຫຼາດ ແລະ ລວມທັງດ້ານຫໍສະໝຸດ ແລະ ການຮຽນ; ເຫດການໃຫຍ່ ແລະງານບຸນ; ພື້ນທີ່ວັດທະນະທໍາ ແລະ ການພັດທະນາພາກພື້ນ; ໂຄງການວັດທະນະທໍາ ແລະ ການທ່ອງທ່ຽວ...