ຕອນບ່າຍວັນທີ 10 ຕຸລາ, ຢູ່ຮ່າໂນ້ຍ, ໄດ້ຈັດກອງປະຊຸມແນະນຳດັດຊະນີນະວັດຕະກຳທົ່ວໂລກ (GII) 2023 ແລະ ຜົນງານຂອງ ຫວຽດນາມ. ກອງປະຊຸມໄດ້ຈັດຂຶ້ນແບບເຊິງໜ້າ ສົມທົບກັບທາງໄກ ເຊື່ອມຕໍ່ກັບບັນດາສະຖານທີ່ຢູ່ອົງການຊັບສິນທາງປັນຍາໂລກ (ເຊີແນວ, ປະເທດ ສະວິດ) ແລະ ຄະນະຜູ້ຕາງໜ້າ ຫວຽດນາມ ປະຈຳສະຫະປະຊາຊາດ (ນິວຢອກ, ປະເທດ ອາເມລິກາ). ຕາມບົດລາຍງານດັດຊະນີນະວັດຕະກຳໂລກ (Global Innovation Index 2023 - GII) ປີ 2023 ໂດຍອົງການຊັບສິນທາງປັນຍາໂລກປະກາດໃນວັນທີ 27 ກັນຍາ, ຫວຽດນາມ ໄດ້ຈັດອັນດັບ 46/132 ປະເທດ ແລະ ພື້ນຖານເສດຖະກິດ, ເພີ່ມຂຶ້ນ 2 ຂັ້ນເມື່ອທຽບໃສ່ປີ 2022. ຫວຽດນາມ ກໍ່ໄດ້ຮັບການຕີລາຄາວ່າ ແມ່ນ 1 ໃນຈຳນວນ 7 ປະເທດທີ່ມີລາຍຮັບປານກາງທີ່ມີຄວາມຄືບໜ້າທີ່ສຸດກ່ຽວກັບນະວັດຕະກຳໃນທົດສະວັດຜ່ານມາ.
 |
ກ່າວຄຳເຫັນທີ່ກອງປະຊຸມສຳມະນາ, ທ່ານຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຢີ ຫວຽດນາມ ບຸຍເທເຢືອງ ຫວັງວ່າ, ດ້ວຍການໜູນຊ່ວຍຂອງນັກຊ່ຽວຊານຂອງອົງການຊັບສິນທາງປັນຍາໂລກ, ທາງກະຊວງຈະພ້ອມກັບບັນດາຫົວໜ່ວຍປະຕິບັດການປະເມີນລະດັບນະວັດຕະກຳ.
ຕາມທ່ານນາງເອກອັກຄະລັດຖະທູດ ເລທິຕວຽດມາຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳສະຫະປະຊາຊາດແລ້ວ, ທາງຄະນະຍາມໃດກໍ່ໜູນຊ່ວຍ, ຮ່ວມມື 2 ຝ່າຍ ແລະ ຫຼາຍຝ່າຍກັບອົງການຊັບສິນທາງປັນຍາໂລກ ແລະ ບັນດາອົງການທີ່ກ່ຽວຂ້ອງໃນຂົງເຂດນະວັດຕະກຳ, ຖ່າຍທອດເຕັກໂນໂລຊີເຂົ້າໃນການພັດທະນາຜະລິດຕະພັນການບໍລິການ, ປະກອບສ່ວນນຳ ຫວຽດນາມ ໃຫ້ນັບມື້ນັບພັດທະນາກວ່າ.
ທ່ານຮອງລັດຖະມົນຕີ ບຸຍເທຢູຍ ປາດຖະໜາວ່າ ດ້ວຍການໜູນຊ່ວຍຂອງບັນດາຜູ້ຊ່ຽວຊານຂອງອົງການຊັບສິນທາງປັນຍາໂລກ, ກະຊວງດັ່ງກ່າວ ຈະສົມທົບກັບບັນດາຫົວໜ່ວຍປະຕິບັດການປະເມີນລະດັບນະວັດຕະກຳ, ໂດຍຜ່ານນັ້ນແມ່ນສ້າງຊຸດເຄື່ອງມືເພື່ອສາມາດຕີລາຄາວ່າບັນດານະວັດຕະກຳຍັງຂາດຕົກບົກຜ່ອງ ແລະ ສິ່ງທີ່ຈຳເປັນ, ພິເສດແມ່ນໃຫ້ບັນດາແຂວງ, ນະຄອນ ແລະ ທ້ອງຖິ່ນມີຈຸດສຸມ ແລະ ທິດທາງທີ່ຖືກຕ້ອງ, ປະກອບສ່ວນຍົກສູງອັນດັບໜຶ່ງຂອງ ຫວຽດນາມ ເຂົ້າໃນຈຳນວນຫົວຄິດປະດິດສ້າງຂອງໂລກ.
ຄຳຮຸ່ງ
