ຫວຽດນາມ-ລາວ ລົງນາມໃນບົດບັນທຶກຊ່ວຍຈໍາການ ຮ່ວມມືໃນຂົງເຂດຕ່າງໆ

	ການພົບປະແລກປ່ຽນປະຊາຊົນ ໄດ້ປະກອບສ່ວນຢ່າງຕັ້ງໜ້າເຂົ້າໃນການເພີ່ມທະວີການພົວພັນມິດຕະພາບຫວຽດນາມ - ລາວ
	ກອນຕູມ ແລະ ອັດຕະປື ສົມທົບກັນຊອກຫາ, ທ້ອນໂຮມອັດຖິນັກຮົບອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົມຄາມຢູ່ລາວ ກັບຄືນເມືອປະເທດ

ທີ່ການເຮັດວຽກ, ສະຫາຍ ຟ້າມກວາງຫງອັກ, ຮອງເລຂາພັກແຂວງ, ປະທານ ຄະນະກໍາມະການປະຊາຊົນແຂວງນີງບີ່ງ ໃຫ້ຮູ້ວ່າ ໃນຊຸມປີຜ່ານມາ, ການເຄື່ອນໄຫວຮ່ວມມືລະຫວ່າງແຂວງນີງບີ່ງ ກັບບັນດາທ້ອງຖິ່ນຂອງລາວ ໄດ້ຮັບການພັດທະນາຢ່າງບໍ່ຢຸດຢັ້ງ, ພິເສດແມ່ນລະຫວ່າງແຂວງນີງບີ່ງ ກັບແຂວງອຸດົມໄຊ. ແຂວງນີງບີ່ງ ກໍ່ຍູ້ແຮງການຊອກຫາກາລະໂອກາດຮ່ວມມື, ພົບປະແລກປ່ຽນກັບທ້ອງຖິ່ນຕ່າງໆຂອງລາວ ຢ່າງບໍ່ຢຸດຢັ້ງ.

ບັນຍາກາດທີ່ການເຮັດວຽກ. ພາບ: TTXVN

ທີ່ການເຮັດວຽກ, ສະຫາຍ ອາດສະພັງທອງ ສີພັນດອນ ໄດ້ແບ່ງປັນກ່ຽວກັບທິດ ທາງກໍ່ສ້າງນະຄອນຫຼວງຂອງລາວ ໃຫ້ເປັນນະຄອນຫຼວງທີ່ໜ້າດຳລົງຊີວິດ, ພັດທະນາແບບຍືນຍົງ ດ້ວຍຄວາມມານະພະຍາຍາມ, ມາດຕະການກໍ່ສ້າງນະຄອນຫຼວງວຽງຈັນ ໃຫ້ເປັນນະຄອນອັດສະລິຍະ, ນຳໃຊ້ເຕັກໂນໂລຢີໃນການສະໜອງບໍລິການບໍລິຫານສາທາລະນະ.

ທີ່ການເຮັດວຽກ, ສອງຝ່າຍໄດ້ປຶກສາຫາລື, ໄຈ້ແຍກ, ແລກປ່ຽນບົດຮຽນໃນການນຳພາ, ບໍລິຫານ, ກໍານົດທິດທາງພັດທະນາເສດຖະກິດ-ສັງຄົມ; ເຫັນດີເປັນເອກະພາບ ເພີ່ມທະວີການແລກປ່ຽນຄະນະຜູ້ແທນຂັ້ນສູງລະຫວ່າງສອງທ້ອງຖິ່ນ, ບັນດາຂະແໜງ ການ, ຂົງເຂດ; ແບ່ງປັນບົດຮຽນສ້າງເງື່ອນໄຂດຶງດູດການລົງທຶນ, ພັດທະນາ ຂະແໜງການທ່ອງທ່ຽວ; ສ້າງກາລະໂອກາດໃຫ້ວິສາຫະກິດສອງຝ່າຍຮ່ວມມືໃນໄລຍະຈະມາເຖິງ.

ຜູ້ຕາງໜ້າອຳນາດການປົກຄອງນະຄອນຫຼວງວຽງຈັນ ແລະຄະນະກໍາມະການປະຊາຊົນ ແຂວງນີງບີ່ງ ໄດ້ເຫັນດີເປັນເອກະພາບລົງນາມໃນບົດບັນທຶກຊ່ວຍຈໍາການຮ່ວມມືກ່ຽວກັບການຜັດປ່ຽນກັນແລກປ່ຽນ ບັນດາຄະນະຜູ້ແທນເພື່ອແນໃສພົບປະ, ແລກປ່ຽນບົດຮຽນ ແລະ ເພີ່ມທະວີຄວາມເຂົ້າໃຈ, ຮັດແໜ້ນນໍ້າໃຈສາມັກຄີ, ຄວາມສະໜິດຕິດພັນ; ເພີ່ມທະວີການຮ່ວມມືໃນຂົງເຂດການທ່ອງທ່ຽວ, ວັດທະນະທຳ-ສັງຄົມ, ການສຶກສາ ແລະ ກະສິກຳ.