| ປິດ “Festival ນິງບິ່ງ 2022 - ຈ່າງອານ ເຊື່ອມຕໍ່ມໍລະດົກ” | |
| ສະມາຄົມຊາວຍີ່ປຸ່ນຮັກຫວຽດນາມ ມອບຂອງຂວັນໃຫ້ຜູ້ປະສົບເຄາະຮ້າຍຈາກທາດພິດສີສົ້ມຢູ່ແຂວງ ນິງບິ່ງ |
ທີ່ການຕ້ອນຮັບ ສະຫາຍ ອາດສະພັງທອງ ສີພັນດອນ ພ້ອມດ້ວຍຄະນະຜູ້ແທນຂັ້ນສູງນະຄອນຫຼວງວຽງຈັນ, ສະຫາຍ ມາຍວັນຕວັດ, ຮອງເລຂາຄະນະພັກແຂວງ, ປະທານສະພາປະຊາຊົນແຂວງນິງບິ່ງ ໄດ້ສະແດງຄວາມປິຕິຊົມຊື່ນຍິນດີຕ້ອນຮັບສະຫາຍເຈົ້າຄອງນະຄອນຫຼວງວຽງຈັນ ແລະ ຄະນະຜູ້ແທນທີ່ໄປຢ້ຽມຢາມຢູ່ແຂວງນິງບິ່ງ.
ຂໍ້ມູນໂດຍສັງເຂບກ່ຽວກັບແຂວງ ນິງບິ່ງ ແລະ ການພົວພັນລະຫວ່າງແຂວງ ນິງບິ່ງ ກັບບັນດາທ້ອງຖິ່ນຂອງລາວ, ສະຫາຍ ມາຍວັນຕວັດ ໃຫ້ຮູ້ວ່າ: ຜ່ານການສະຫຼຸບເບື້ອງຕົ້ນເຄິ່ງວາລະຂອງກອງປະຊູມໄຫຍ່ອົງຄະນະພັກແຂວງນິງບິ່ງ ຄັ້ງທີ 22 , ອາຍຸການ 2020-2025, ແຂວງ ນິງບິ່ງ ໄດ້ມີຫຼາຍເປົ້າຫມາຍບັນລຸ ເເລະ ລື່ນກາຍຄາດຫມາຍທີ່ມະຕິກອງປະຊຸມໃຫຍ່ສາງອອກ.
 |
| ປະທານຄະນະກຳມະການປະຊາຊົນແຂວງນິງບິ່ງ ແລະ ເຈົ້າຄອງນະຄອນຫຼວງວຽງຈັນ ໄດ້ລົງນາມໃນບົດບັນທຶກຈົດຈຳຮ່ວມມື. |
ແຂວງ ນິງບິ່ງ ໄດ້ມີໂຄງການຮ່ວມມື ແລະ ພັດທະນາກັບແຂວງອຸດົມໄຊ ມາເປັນເວລາຫຼາຍປີແລ້ວ; ມີການຢ້ຽມຢາມ, ແລກປ່ຽນ ແລະ ແບ່ງບັນໃນຂົງເຂດຕ່າງໆຢ່າງເປັນປະຈຳ, ພິເສດແມ່ນວັດທະນະທຳ ແລະ ການສຶກສາ. ມະຫາວິທະຍາໄລ ຮວ່າລື ແຂວງ ນິງບິ່ງ ກໍ່ໄດ້ມີການບຳລຸງສ້າງນັກຮຽນ, ນັກສຶກສາລາວ ເປັນຈຳນວນຫຼາຍ.
ທີ່ການພົບປະ, ສະຫາຍ ຟ້າມກວາງງອກ, ປະທານຄະນະກຳມະການປະຊາຊົນແຂວງ ນິງບິ່ງ ໃຫ້ຮູ້ວ່າ: ບັນດາການເຄື່ອນໄຫວຮ່ວມມືມິດຕະພາບລະຫວ່າງແຂວງ ນິງບິ່ງ ແລະ ບັນດາທ້ອງຖິ່ນຂອງລາວ ໃນໄລຍະຜ່ານມາໄດ້ຮັບການເພີ່ມທະວີ ແລະ ພັດທະນາຢ່ງບໍ່ຢຸດຢັ້ງ; ຈຸດພົ້ນເດັ່ນແມ່ນການຮ່ວມມືມິດຕະພາບລະຫວ່າງແຂວງນິງບິ່ງ ແລະ ແຂວງອຸດົມໄຊ.
ແຂວງ ນິງບິ່ງຍາມໃດກໍ່ຍູ້ແຮງການຊອກຫາກາລະໂອກາດຮ່ວມມື ແລະ ພົບປະແລກປ່ຽນໃນຫຼາຍຂົງເຂດກັບບັນດາທ້ອງຖິ່ນຂອງລາວ; ການເຄື່ອນໄຫວຮ່ວມມື ແລະ ພົບປະແລກປ່ຽນມິດຕະພາບນັບມື້ນັບເຂົ້າສູ່ລວງເລິກ, ເນື້ອແທ້ ແລະ ມີປະສິດທິຜົນ.
ສະຫາຍ ສະແດງຄວາມຫວັງວ່າ ການພົວພັນລະຫວ່າງແຂວງ ນິງບິ່ງ ແລະ ນະຄອນຫຼວງວຽງຈັນ ຈະນັບມື້ນັບພັດທະນາ, ປະກອບສ່ວນຮັດແໜ້ນສາຍພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ - ລາວ.
ເຈົ້າຄອງກຳແພງນະຄອນວຽງຈັນ ທ່ານ ອາດສະພັງທອງ ສີພັນດອນ ໄດ້ສະແດງຄວາມຂອບໃຈຕໍ່ຄວາມຮັກແພງ ແລະ ການຕ້ອນຮັບທີ່ເປັນກຽດ ແລະ ເຕັມໄປດ້ວຍສາຍຈິດມິດໃຈຂອງ ສະຫາຍ ມາຍວັນຕວັດ ແລະ ການນຳແຂວງ ນິງບິ່ງ.
ສະຫາຍເຊື່ອໝັ້ນວ່າ ພາຍຫຼັງການຢ້ຽມຢາມທາງລັດຖະກິດຂອງສະຫາຍເຈົ້າຄອງນະຄອນຫຼວງວຽງຈັນ ແລະ ຄະນະໃນຄັ້ງນີ້ ຈະປະກອບສ່ວນຮັດແໜ້ນສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ, ການຮ່ວມມືຮອບດ້ານ, ຄວາມໄວ້ເນື້ອເຊື່ອໃຈລະຫວ່າງສອງພັກ, ລັດ ແລະ ປະຊາຊົນຫວຽດນາມເວົ້າລວມ, ລະຫວ່າງແຂວງນິງບິ່ງ ແລະ ນະຄອນຫຼວງວຽງຈັນ ເວົ້າສະເພາະ.
ດີງເລື້ອງ
