| ການຝຶກອົບຮົມການບັນຊາການ - ເສນາທິການທະຫານປ້ອງກັນຊາຍແດນ, ສືບສວນຊາຍແດນ, ຄູປ້ອງກັນຊາຍແດນໃຫ້ເເກ່ກອງທັບປະຊາຊົນລາວ | |
| ຈັດຕັ້ງຊຸດຝຶກອົບຮົມວິຊາສະເພາະ ໃຫ້ພະນັກງານສານທະຫານ ແຫ່ງ ສປປ ລາວ |
ຊຸດເຝິກອົບຮົມແມ່ນເພື່ອແນໃສ່ແລກປ່ຽນຄວາມຮູ້ວິຊາສະເພາະ, ປະສົບການ ແລະ ເພີ່ມທະວີການສົມທົບກັນໃນການຄຸ້ມຄອງ ແລະ ປົກປັກຮັກສາຊາຍແດນ, ຮັກສາຄວາມສະຫງົບດ້ານການເມືອງ - ຄວາມເປັນລະບຽບຮຽບຮ້ອຍທາງສັງຄົມຢູ່ເຂດຊາຍແດນ, ຮ່ວມກັນກໍ່ສ້າງເສັ້ນຊາຍແດນຫວຽດນາມ - ລາວ ແຫ່ງສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາ.
ການເຄື່ອນໄຫວນີ້ແມ່ນການຫັນຂໍ້ຕົກລົງຮ່ວມມືໄລຍະ 2023 – 2025 ລະຫວ່າງຄະນະຜູ້ແທນຂັ້ນສູງແຂວງ ເຫງ້ອານ (ຫວຽດນາມ) ແລະ ຄະນະຜູ້ແທນຂັ້ນສູງແຂວງຫົວພັນ ແລະ ແຂວງຊຽງຂວາງ (ລາວ) ປີ 2023 ໃຫ້ເປັນອັນລະອຽດ.
 |
| ບັນຍາກາດທີ່ພິທີເປີດຊຸດຝຶກອົບຮົມ. ພາບ: ເລ ເເທກ |
ໃນໄລຍະປະມານ 1 ເດືອນ, ບັນດາສຳມະນາກອນລາວຈະໄດ້ຮັບການຝຶກອົບຮົມຄວາມຮູ້ພື້ນຖານກ່ຽວກັບການຄຸ້ມຄອງ, ປ້ອງກັນຊາຍແດນ, ວຽກງານການທະຫານ, ວິຊາສະເພາະປ້ອງກັນຊາຍແດນ...
ກ່າວຄຳເຫັນທີ່ພິທີເປີດ, ສະຫາຍ ພັນເອກ ຫງວຽນກົງລືກ, ຫົວໜ້າກອງບັນຊາການທະຫານຊາຍແດນ ເຫງ້ອານ ໄດ້ສະເໜີໃຫ້ພະນັກງານ ສຳມະນາກອນຊຸດຝຶກອົບຮົມຕັ້ງໜ້າຮ່ຳຮຽນ ແລະ ຝຶກຝົນ, ກຳແໜ້ນບັນດາເນື້ອໃນບົດສອນເພື່ອພາຍຫຼັງກັບເມືອກົມກອງຫົວໜ່ວຍຕ້ອງມີຄວາມຮັບຜິດຊອບຖ່າຍທອດຕໍ່ຄວາມຮູ້ທີ່ກຳໄດ້ໃຫ້ບັນດາສະຫາຍທີ່ຍັງບໍ່ທັນໄດ້ເຂົ້າຮ່ວມການຝຶກອົບຮົມຄັ້ງນີ້ ແລະ ນຳໃຊ້ຢ່າງມີໄຫວພິບ ແລະ ມີຫົວຄິດປະດິດສ້າງເຂົ້າໃນການປະຕິບັດວຽກງານຄຸ້ມຄອງ ແລະ ປົກປັກຮັກສາຊາຍແດນໃນໄລຍະຈະມາເຖິງ.
ສຳລັບຄະນະຈັດຕັ້ງຊຸດຝຶກອົບຮົມ ກໍ່ໄດ້ຮັກສາ ແລະ ດຳເນີນຂຸດຝຶກອົບຮົມໃຫ້ຖືກຕາມເນື້ອໃນໂຄງການທີ່ໄດ້ຮັບການອະນຸມັດ; ຄຸ້ມຄອງສຳມະນາກອນປະຕິບັດຕາມຂໍ້ກຳນົດກົດລະບຽບ; ກວດກາ, ຊຸກຍູ້ການຮຽນ - ການສອນຂອງຄູ - ອາຈານ ແລະ ວິທະຍາຄານຢ່າງເປັນປົກກະຕິ, ສະເໜີໃຫ້ກອງບັນຊາການທະຫານຊາຍແດນແຂວງ ເຫງ້ອານ ແກ້ໄຂບັນດາບັນຫາທີ່ເກີດຂຶ້ນໃໝ່ຢ່າງທັນການ.
ອົງການຈັດຕັ້ງໄດ້ການກວດກາ ແລະ ຕີລາຄາໝາກຜົນຊຸດຮຽນເຂັ້ມງວດ, ພາວະວິໄສ ແລະ ຊັດເຈນ; ຮັກສາການເຄື່ອນໄຫວດ້ານວັດທະນະທຳ, ສິລະປະ, ກິລາກາຍຍະກຳ; ພິເສດແມ່ນໃນໂມງພັກຜ່ອນ ແລະ ວັນພັກ; ພ້ອມກັນນັ້ນ, ບົນພື້ນຖານການຮ່ຳຮຽນ ແລະ ຝຶກຝົນຫຼໍ່ຫຼອມຂອງບັນດາສະຫາຍ, ກອງບັນຊາການທະຫານຊາຍແດນ ເຫງ້ອານ ໄດ້ສະເໜີມີການຍ້ອງຍໍໃຫ້ບັນດາສະຫາຍທີ່ມີຜົນງານດີເດັ່ນໃນການຮ່ຳຮຽນ ແລະ ຝຶກຝົນຫຼໍ່ຫຼອມ.
ດີງເລື້ອງ
