ໃນສົກຮຽນ 2023 – 2024, ມີພະນັກງານ 50 ສະຫາຍ ຂອງກອງທັບປະຊາຊົນລາວ ໄດ້ເຂົ້າຮ່ວມຊຸດຝຶກອົບຮົມການບັນຊາການ - ເສນາທິການທະຫານປ້ອງກັນຊາຍແດນ, ສືບສວນຊາຍແດນ, ຄູປ້ອງກັນຊາຍແດນ ຢູ່ວິທະຍາຄານປ້ອງກັນຊາຍແດນ. ພາຍຫຼັງການຮັບໜ້າທີ່, ວິທະຍາຄານປ້ອງກັນຊາຍແດນໄດ້ກະກຽມເນື້ອໃນ,ຫຼັກສູດ, ເອກະສານການສອນ ແລະ ຄົ້ນຄວ້າຢ່າງວ່ອງໄວ; ມອບໃຫ້ອາຈານທີ່ມີປະສົບການໃນການກະກຽມແຜນການຮຽນ ແລະ ການຮ່ຳຮຽນ; ຮັບປະກັນກັບເງື່ອນໄຂພື້ນຖານວັດຖຸຮັບໃຊ້ສໍາລັບການດໍາລົງຊີວິດ ແລະ ການສຶກສາຊອງນັກສຳມະນາກອນໃນຊຸດຝຶກອົບຮົມນີ້ໃຫ້ເປັນຢ່າງດີ.
ກ່າວຄຳເຫັນທີ່ພິທີເປີດຊຸດຝຶກອົບຮົມ, ພັນເອກ, ຮອງສາດສະດາຈານ, ປະລິນຍາເອກ ຫງວຽນຊວນບັກ ຮຽກຮ້ອງວ່າ: ສຳລັບຄະນະວິຊາ, ຄູອາຈານຕ້ອງປະຕິບັດເຂັ້ມງວດເນື້ອໃນບົດສອນທີ່ໄດ້ຮັບອະນຸມັດຜ່ານ, ແຕ່ງຕັ້ງຄູອາຈານທີ່ມີປະສົບການ ແລະ ວິທີການສອນດີ ເພື່ອເຂົ້າຮ່ວມຊຸດຝຶກອົບຮົມ. ສຳລັບຫ້ອງການ, ຂະແໜງ, ປະສານສົມທົບເພື່ອຮັບປະກັນພື້ນຖານວັດຖຸໃນການຝຶກອົບຮົມ, ທີ່ພັກ, ອາຫານ, ການດໍາລົງຊີວິດ ແລະ ລະບອບມາດຕະຖານສໍາລັບນັກສຳມະນາກອນ. ສຳລັບລະບົບສາກົນ, ຄຸ້ມຄອງ ແລະ ປະຕິບັດລະບອບປະຈຳວັນ ແລະ ປະຈຳອາທິດຢ່າງເຂັ້ມງວດ, ກຳແໜ້ນໃນສະພາບການແນວຄິດ, ລະດົມ ແລະ ສົ່ງເສີມນັກສຳມະນາກອນເຮັດໜ້າທີ່ວຽກງານການຝຶກອົບຮົມເປັນຢ່າງດີ.
 |
| ບັນຍາກາດຂອງຫ້ອງຮຽນຊຸດຝຶກອົບຮົມ. ພາບ: ກວາງຊາວ |
ສໍາລັບນັກສຶກສາ, ຕ້ອງໄດ້ໃຊ້ເວລາໃຫ້ເປັນປະໂຫຍດຫຼາຍທີ່ສຸດໃນການຄົ້ນຄວ້າ, ຮ່ຳຮຽນ ແລະ ສະສົມຄວາມຮູ້; ພ້ອມກັນນັ້ນ, ກໍ່ເພີ່ມທະວີການແລກປ່ຽນ ແລະ ໝູນໃຊ້ຫົວຄິດປະດິດສ້າງເຂົ້າໃນການປະຕິບັດຕົວຈິງຢູ່ບັນດາອົງການ, ຫົວໜ່ວຍໃນຕໍ່ໜ້າ.
ໂຄງການຝຶກອົບຮົມການບັນຊາການ - ເສນາທິການທະຫານປ້ອງກັນຊາຍແດນ, ສືບສວນຊາຍແດນ, ຄູປ້ອງກັນຊາຍແດນໃຫ້ເເກ່ກອງທັບປະຊາຊົນລາວ ໄດ້ດຳເນີນເປນເວລາ 3 ເດືອນ.
ດີງເລື້ອງ
