 |
| ການນຳບໍລິສັດຫຸ້ນສ່ວນສູນກາງນະໂຍບາຍການຄ້າ ແລະ ກົມສົ່ງເສີມການຄ້າຫວຽດນາມ ໄດ້ລົງນາມໃນບົດບັນທຶກຮ່ວມມື. (ພາບ: ຮວ່າງອຽນ) |
ຕອນບ່າຍວັນທີ 21 ສິງຫາ, ຢູ່ຮ່າໂນ້ຍ, ໄດ້ດຳເນີນພິທີລົງນາມເອກະສານການຄ້າລະຫວ່າງຫວຽດນາມ ແລະ ກາຊັກສະຖານ.ເຫດການດັ່ງກ່າວໄດ້ຈັດຂຶ້ນໃນຂອບເຂດການຢ້ຽມຢາມຫວຽດນາມ ຢ່າງເປັນທາງການຂອງທ່ານປະທານາທິບໍດີສາທາລະນະລັດ ກາຊັກສະຖານ Kassym - Jomart Tokayev.
ທ່ານ ໂດ່ທັງຫາຍ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ແລະ ທ່ານ Serik Zhumangarin ຮອງນາຍົກລັດຖະມົນຕີ, ລັດຖະມົນຕີກະຊວງການຄ້າ ແລະ ເຊື່ອມຕໍ່ ກາຊັກສະຖານ ໄດ້ເປັນສັກຂີພິຍານທີ່ພິທີລົງນາມເອກະສານ 8 ສະບັບລວມມີ:
ບົດບັນທຶກຊ່ວຍຈຳການຮ່ວມມືລະຫວ່າງ ກະຊວງອຸດສາຫະກຳ ແລະ ພັດທະນາພື້ນຖານໂຄງລ່າງ ສາທາລະນະລັດ ກາຊັກສະຖານ ແລະ ບໍລິສັດຫຸ້ນສ່ວນການບິນ Vietjet.
ບົດບັນທຶກຊ່ວຍຈຳການຮ່ວມມືລະຫວ່າງ ບໍລິສັດຫຸ້ນສ່ວນແຫ່ງຊາດ “KazMunayGaz” ແລະ ກຸ່ມບໍລິສັດ Sovico.
ບົດບັນທຶກຊ່ວຍຈຳການຮ່ວມມືລະຫວ່າງ ຄະນະກຳມະການການລົງທຶນ ກະຊວງການຕ່າງປະເທດ ກາຊັກສະຖານ ແລະ ກົມການລົງທຶນຕ່າງປະເທດ ສາທາລະນະລັດສັງຄົມນິຍົມຫວຽດນາມ.
ບົດບັນທຶກຂ່ວຍຈຳການຮ່ວມມືລະຫວ່າງຄະນະກຳມະການການລົງທຶນຂອງກະຊວງການຕ່າງປະເທດກາຊັກສະຖານ ແລະ ບໍລິສັດຫຸ້ນສ່ວນກຸ່ມບໍລິສັດທ່ອງທ່ຽວ Crystal Bay Tourism Group.
ບົດບັນທຶກຊ່ວຍຈຳການຮ່ວມມືກ່ຽວກັບການພັດທະນາການຄ້າເອເລັກໂຕນິກ ແລະ ບັນດາຂົງເຂດໄປສະນີຕ່າງໆລະຫວ່າງ ບໍລິສັດຫຸ້ນສ່ວນໄປສະນີ ກາຊັກສະຖານ (Kazpost) ແລະ ບໍລິສັດໄປສະນີ ຫວຽດນາມ (Vietnam Post)
ບົດບັນທຶກຊ່ວຍຈຳການຮ່ວມມືກ່ຽວກັບຂົງເຂດການພັດທະນາພື້ນຖານໂຄງລ່າງຄົມມະນາຄົມຂົນສົ່ງລະຫວ່າງບໍລິສັດຫຸ້ນສ່ວນ Temir Zholy Kazakhstan ກັບ ກຸ່ມSovico Group.
ບົດບັນທຶກຊ່ວຍຈຳການຮ່ວມມືລະຫວ່າງບໍລິສັດຫຸ້ນສ່ວນສູນນະໂຍບາຍການຄ້າ (KazTrade) ແລະ ກົມສົ່ງເສີມການຄ້າຫວຽດນາມ (VietTrade).
ຂໍ້ຕົກລົງການຮ່ວມມືລະຫວ່າງ ບໍລິສັດ Microtech DFS Vietnam Company Limited ຈຳກັດ ແລະ ກຸ່ມບໍລິສັດ Vela Corporation.
ກ່າວຄຳເຫັນທີ່ພິທີ, ທ່ານຮອງລັດຖະມົນຕີ ໂດ່ທັງຫາຍ ຢືນຢັນວ່າ ພິທີລົງນາມໃນເອກະສານຮ່ວມມື ແມ່ນໂອກາດເພື່ອໃຫ້ບັນດາອົງການຄຸ້ມຄອງແຫ່ງລັດ ແລະ ປະຊາຄົມວິສາຫະກິດ ຫວຽດນາມ - ກາຊັກສະຖານ ສ້າງຂອບເຂດການຮ່ວມມືໃໝ່ໃນຫຼາຍຂົງເຂດຕື່ມອີກ, ເຊິ່ງໄດ້ປະກອບສ່ວນຊຸກຍູ້ການພົວພັນດ້ານເສດຖະກິດ, ການຄ້າ ແລະ ການລົງທຶນລະຫວ່າງ 2 ຝ່າຍໃນໄລຍະຈະມາເຖິງ.
ດີງເລື້ອງ
