ເມື່ອແບ່ງປັນກັບສື່ມວນຊົນໃນວັນທີ 16 ສິງຫາ ໃນຂອບເຂດການຢ້ຽມຢາມ ຫວຽດນາມ ໃນລະຫວ່າງວັນທີ 13 - 17 ສິງຫາ, ທ່ານລັດຖະມົນຕີ Nir Barkat ຢັ້ງຢືນວ່າ ພາຍຫຼັງ 30 ປີແຫ່ງການສ້າງຕັ້ງການພົວພັນທາງການທູດ (12/7/1993), ຫວຽດນາມ ແລະ ອິດສະລາແອັນ ລ້ວນແຕ່ມີຄວາມປາດຖະໜາຢາກຍູ້ແຮງການຮ່ວມມືໃນທົ່ວໂລກ.
 |
| ທ່ານ Nir Barkat ລັດຖະມົນຕີກະຊວງເສດຖະກິດ ແລະ ອຸດສາຫະກຳ ອິດສະລາແອັນ (ພາບ: TTXVN) |
ສອງປະເທດໄດ້ລົງນາມໃນບັນດາສັນຍາການຄ້າເສລີ ແລະ ຮ່ວມມືກັບຫຼາຍປະເທດ ແລະ ເຂດແຄ້ວນໂດຍໄວ. ລັດຖະມົນຕີສອງປະເທດລ້ວນແຕ່ເຫັນໄດ້ບັນດາກາລະໂອກາດເພື່ອໃຫ້ສອງຝ່າຍສືບຕໍ່ຍູ້ແຮງການຮ່ວມມືໃນໄລຍະຈະມາເຖິງ.
ຕາມທ່ານລັດຖະມົນຕີ Barkat ແລ້ວ, ເລື່ອງສ້າງສາຍການບິນໂດຍກົງລະຫວ່າງສອງປະເທດ ຈະແມ່ນບາດກ້າວບຸກທະລຸ ໃນການພົວພັນສອງຝ່າຍ. ສອງປະເທດຈະເພີ່ມທະວີການເຕີບໂຕໃນການຮ່ວມມືດ້ານການທ່ອງທ່ຽວ ແລະ ການຄ້າ ກໍ່ຄືບັນດາຂົງເຂດອື່ນໆ, ພ້ອມທັງມີຜະລິດຕະພັນຫວຽດນາມ ຫຼາຍຢ່າງຈະໄດ້ສົ່ງອອກໄປຍັງອິດສະລາແອັນ ແລະ ມີເຕັກໂນໂລຢີອິດສະລາແອັນຫຼາຍຢ່າງຈະນຳເຂົ້າ ຫວຽດນາມ.
ຕາມທ່ານ Barkat ລັດຖະມົນຕີ ແລ້ວ,ຫວຽດນາມ ບໍ່ພຽງແຕ່ແມ່ນປະເທດທີ່ມີພົນລະເມືອງກວ່າ 100 ລ້ານຄົນ ແລະ ເປັນໜຶ່ງໃນບັນດາພື້ນຖານເສດຖະກິດທີ່ເຕີບໂຕໄວທີ່ສຸດເທົ່ານັ້ນ, ແຕ່ຍັງເປັນປະຕູເຂົ້າສູ່ປະຊາຄົມ ອາຊີຕາເວັນອອກສ່ຽງໃຕ້ (ອາຊຽນ) ແລະ ພາກພື້ນອາຊີໃຕ້, ສ້າງ “ກາລະໂອກາດໃຫຍ່” ໃຫ້ແກ່ ອິດສະຣາແອັນ.
ກ່ຽວກັບສິ່ງທ້າທາຍໃນການຄ້າສອງຝ່າຍ, ທ່ານ Barkat ເນັ້ນໜັກວ່າ: ບັນດາວິສາຫະກິດ ຫວຽດນາມ ແລະ ອິດສະຣາແອັນ ລ້ວນແຕ່ສະແດງຄວາມປິຕິຊົມຊື່ນກ່ຽວກັບອະນາຄົດ.
ດີງເລື້ອງ
