 |
| ເມືອງ ມົກເຈົາ ກຽມພ້ອມສຳລັບສັບປະດາວັດທະນະທຳທ່ອງທ່ຽວ 2023. ພາບ: ນາມຈື່. |
ສັບປະດາວັດທະນະທຳທ່ອງທ່ຽວ ມົກເຈົາ, ແຂວງ ເຊີນລາ, ຈະຈັດຂຶ້ນກົງກັບໂອກາດວັນຊາດຫວຽດນາມ (ທີ 2 ກັນຍາ), ດ້ວຍບັນດາການເຄື່ອນໄຫວທີ່ດູດດື່ມ, ເປັນເອກະລັກສະເພາະ, ເຂັ້ມຂົ້ນໄປດ້ວຍສີສັນຂອງມົກເຈົາ. ຕາມນັ້ນແລ້ວ, ແຕ່ວັນທີ 28 ສິງຫາ ຫາ ວັນທີ 4 ກັນຍາ, ສັບປະດາວັດທະນະທຳທ່ອງທ່ຽວ ມີຫຼາຍການກິດຈະກຳທີ່ດຶງດູດໃຈຄື: ງານແຂ່ງຂັນສະແດງສິລະປະພື້ນເມືອງຊາວເຜົ່າມົ້ງ, ແນະນຳສິລະປະແຕ້ມລວດລາຍໃນຊຸດອາພອນຂອງຊາວເຜົ່າມົ້ງຮວາ; ຊອກຮູ້ວັດທະນະທຳ, ອາຫານພື້ນເມືອງ, ການເຄື່ອນໄຫວຊຸມຊົນຕາມທ້ອງຖະໜົນ… ພ້ອມກັນນັ້ນ, ບັນດາເຂດ, ສະຖານທີ່ທ່ອງທ່ຽວໃນບໍລິເວນ ມົກເຈົາ ກໍ່ຈະມີຫຼາຍເຫດການທີ່ເປັນເອກະລັກສະເພາະ, ຄື: ຕະຫຼາດນັດ ໄຕບັກ, ຕະຫຼາດແຫ່ງຄວາມຮັກ ເຂດໄຕບັກ, ລາຍການສະແດງຊຸດອາພອນ…
 |
| ການເຄື່ອນໄຫວຊຸມຊົນຕາມທ້ອງຖະໜົນ (ພາບ ; VOV) |
ດ້ວຍການເຂົ້າຮ່ວມຂອງບັນດາຂັ້ນ, ຂະແໜງການ ແລະ ທ້ອງຖິ່ນ, ເຊີນລາ ໄດ້ກຽມພ້ອມສັບປະດາວັດທະນະທຳທ່ອງທ່ຽວ ມົກເຈົາ 2023, ໃຫ້ຄຳໝັ້ນສັນຍາຈະນຳມາເຊິ່ງບັນດາປະສົບການທີ່ດີງາມ, ມີຄວາມໝາຍ ແລະ ຈິດໃຈຮ່ວມມື. ຜ່ານນັ້ນ, ກໍ່ປະກອບສ່ວນແນະນຳບັນດາເອກະລັກວັດທະນະທຳຂອງຊາວທ້ອງຖິ່ນ ເປັນຕົ້ນແມ່ນທັດສະນີຍະພາບຂອງເຂດທ່ອງທ່ຽວແຫ່ງຊາດ ມົກເຈົາ ໄປສູ່ແຂກທ່ອງທ່ຽວພາຍໃນ ແລະ ຕ່າງປະເທດ, ຊຸກຍູ້ຂະແໜງທ່ອງທ່ຽວຂອງເມືອງ ມົກເຈົາ ເວົ້າສະເພາະ ແລະ ພື້ນຖານເສດຖະກິດຂອງແຂວງ ເຊີນລາ ເວົ້າລວມໃຫ້ນັບມື້ນັບພັດທະນາ.
 |
| ຢູ່ເຂດທ່ອງທ່ຽວ ມົກເຈົາ Island ຈະຈັດຕະຫຼາດນັດ ສຽງແຄນຮ້ອງເພື່ອນ ແຕ່ວັນທີ 31/8 ຫາ ວັນທີ 3/9. ພາບ: ນາມຈື່. |
