| ທ່ານນາຍົກລັດຖະມົນຕີ ຟ້າມບິ່ງມິງ ຕ້ອນຮັບຜູ້ອຳນວຍການໃຫຍ່ ສຳນັກຂ່າວສານປະເທດລາວ | |
| ຫວຽດນາມ - ລາວ ຊຸກຍູ້ການພົວພັນຮ່ວມມື ແລະ ຕິດພັນລະຫວ່າງສຳນັກງານຂ່າວສານແຫ່ງຊາດ 2 ປະເທດ |
ທີ່ການພົບປະ, ສະຫາຍ ຟານຫງວຽນຍືເຄ ໄດ້ສະແດງຄວາມຂອບໃຈພັກ, ລັດ ແລະ ປະຊາຊົນລາວ ທີ່ໄດ້ຄຽງບ່າຄຽງໄຫຼ່ ແລະ ໃຫ້ກຳລັງໃຈນະຄອນ ໂຮ່ຈີມິນ ໃນໄລຍະທີ່ປະສົບກັບຄວາມຫຍຸ້ງຍາກ ເນື່ອງຈາກໂລກລະບາດໂຄວິດ-19.
ຫົວໜ້າຄະນະໂຄສະນາສຶກສາ ຄະນະພັກນະຄອນໂຮ່ຈິມິນ ເນັ້ນໜັກວ່າ ໃນ 10 ປີຜ່ານມາ, ການພົວພັນຮ່ວມມືລະຫວ່າງນະຄອນໂຮ່ຈິມິນ ແລະ ບັນດາທ້ອງຖິ່ນຂອງລາວ ຄື ນະຄອນຫລວງວຽງຈັນ, ແຂວງຈຳປາສັກ... ໄດ້ຮັບການພັດທະນາຢ່າງບໍ່ຢຸດຢັ້ງ, ປະກອບສ່ວນເຂົ້າໃນການຮັດແໜ້ນ, ການພົວພັນມິດຕະພາບທີ່ເປັນມູນເຊື້ອແບບພິເສດລະຫວ່າງສອງພັກ ແລະ ປະຊາຊົນສອງປະເທດ.
 |
ໂດຍຕີລາຄາສູງການພັດທະນາຂອງວາລະສານອາລຸນໃໝ່ - ຫ້ອງການສະພາທິດສະດີ ແລະ ພຶດຕິກຳຂອງພັກປະຊາຊົນປະຕິວັດລາວ, ທ່ານ ຟານຫງວຽນຍືເຄ ໃຫ້ຮູ້ວ່າ: ວາລະສານອາລຸນໃໝ່ ໄດ້ປະກອບສ່ວນຊ່ວຍໃຫ້ຜູ້ອ່ານຂອງສອງປະເທດ ໄດ້ເຂົ້າເຖິງຂ່າວສານກ່ຽວກັບການພັດທະນາຂອງລາວ ກໍ່ຄືເພີ່ມທະວີການໂຄສະນາເຜີຍແຜ່ກ່ຽວກັບການເຄື່ອນໄຫວຂອງສອງພັກ ແລະ ການພົວພັນອັນດີງາມລະຫວ່າງຫວຽດນາມ - ລາວ.
ການທີ່ສອງພັກ ມີການພົບປະ, ແລກປ່ຽນວັດທະນະທຳຢ່າງເປັນປະຈຳ ໄດ້ປະກອບສ່ວນຮັດແໜ້ນສາຍພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ - ລາວ. ຫົວໜ້າຄະນະໂຄສະນາສຶກສາ ຄະນະພັກນະຄອນໂຮ່ຈິມິນ ປາດຖະໜາວ່າ ການຢ້ຽມຢາມ ແລະ ແລກປ່ຽນຄະນະຜູ້ແທນ ຈະສືບຕໍ່ດຳເນີນເປັນປະຈຳທຸກໆປີ ເພື່ອເຮັດໃຫ້ການພົວພັນຮ່ວມມືທຸກດ້ານລະຫວ່າງສອງປະເທດ ກໍ່ຄືລະຫວ່າງບັນດາທ້ອງຖິ່ນຂອງ ຫວຽດນາມ - ລາວ ນັບມື້ນັບແໜ້ນແຟ້ນກ່ວາອີກ.
ສະຫາຍ ນາງ ວິລະວອນ ພັນທະວົງ ຖືວ່າ ບົນພື້ນຖານສາຍພົວພັນແບບພິເສດອັນຍາວນານ, ລາວ ແລະ ຫວຽດນາມ ຍາມໃດກໍ່ຄຽງບ່າຄຽງໄຫຼ່, ສະໜັບສະໜູນເຊິ່ງກັນ ແລະ ກັນ ໃນການຮ່ວມມືສອງຝ່າຍ ກໍ່ຄືໃນເວທີປາໄສສາກົນ. ເນື່ອງໃນໂອກາດນີ້, ທ່ານຮອງຫົວໜ້າກົມໂຄສະນາອົບຮົມສູນກາງພັກປະຊາຊົນປະຕິວັດລາວ ໄດ້ສະແດງຄວາມຂອບໃຈບັນດາການນຳ ແລະ ປະຊາຊົນນະຄອນ ໂຮ່ຈີມິນ ທີ່ໄດ້ໃຫ້ການສະໜັບສະໜູນ ແລະ ຊ່ວຍເຫຼືອລາວ, ພິເສດແມ່ນໃນໄລຍະທີ່ປະສົບກັບຄວາມຫຍຸ້ງຍາກໃນບັ້ນແຜ່ລະບາດຂອງພະຍາດໂຄວິດ-19...
ກ່ຽວກັບວຽກງານໂຄສະນາສຶກສາ, ສະຫາຍ ນາງ ວິລະວອນ ພັນທະວົງ ໃຫ້ຮູ້ວ່າ: ສອງຝ່າຍໄດ້ລົງນາມໃນສັນຍາຮ່ວມມືຮອບດ້ານ ແລະ ຫວັງວ່າ ການພົວພັນຮ່ວມມື ຈະໄດ້ຮັບການເພີ່ມທະວີໃນໄລຍະຈະມາເຖິງ. ວາລະສານອາລຸນໃໝ່ ແລະ ວາລະສານກອມມູນິດ ກໍ່ໄດ້ລົງນາມໃນຂໍ້ຕົກລົງຮ່ວມມືໃນໄລຍະໃໝ່, ໃນນັ້ນ ວາລະສານກອມມູນິດ ກໍ່ພວມໜູນຊ່ວຍວາລະສານອາລຸນໃໝ່ ສ້າງວາລະສານເອເລັກໂຕນິກ. ສະຫາຍ ນາງ ວິລະວອນ ພັນທະວົງ ຫວັງວ່າ ວາລະສານອາລຸນໃໝ່ ຈະໄດ້ຮ່ຳຮຽນ ແລະ ແລກປ່ຽນປະສົບການກັບບັນດາສຳນັກຂ່າວສານ ຫວຽດນາມ ເພື່ອປັບປຸງການເຄື່ອນໄຫວຂອງຕົນ...
ຄຳຮຸ່ງ
